Pahila Panna

Fiji Hindi Wikipedia Ii ek free jankari de waala Encyclopedia hae Isme koi bhi likhe sake hae Fiji Hindi Wikipedia me abhi 9,654 article hae.

Index:    1 2 3 4 5 6 7 8 9 A B C D E F G H I J K L M N O P Q R S T U V W X Y Z Vibhag Fiji       Fiji ke Hindustani       Fiji Hindi       Fiji me football      Girmit      Parrhai likhai    Dunia ke des    Dunia ke log    Dunia ke itihass    Science aur technology     Jaruri article

Fiji Hindi Wiktionary

Aaj ke featured article Pandit Ami Chandra Vidyalankar (1900 - 13 March 1954), Fiji ke ek sikchhak, union leader, soccer ke administrator aur Legislative Council ke member rahaa. Panditji, 1927 me Fiji, Arya Samaj ke school me parrhae khatir, aais rahaa. Uu Ba aur Suva me nawaa school bhi suruu karis rahaa aur Fiji ke Hindustani ke Hindi sikhe khatir saral Hindi me Class 1-4 khatir book bhi likhis rahaa. Uu CSR (Colonial Sugar Refining Company) ke gora kulambar logan ke Hindi bhi parrhais rahaa. Uu scouting aur football me bhi rahaa aur Ba Indian Football Association ke suruu karis rahaa. Uu Fiji Teaches Union ke bhi suru karis rahaa aur ii biswwas karat rahaa ki politics aur union ke alag rahe ke chaahi iske khatir uu 1952 me Fiji Industrial Workers Congress suruu karis rahaa. Uske union ke biich me samjhauta karae ke khatir bhi balawa jaawat rahaa. Sarkar uske aadar karat rahaa aur Legislative Council me uske nominate bhi karis rahaa. (aur...) Aap janta hai... Ratu Cakobau 1875 ke measles epidemic, jisme 20% Kaiviti logan mar gae rahin, ke Fiji me failae waala, Ratu Cakobau aur uske dui larrka logan rahin jon ki March 1875 me Sydney se ghuum ke lauta rahin. 1879 se lae ke 1916 tak, 42 jahaaj, 87 trip me 60,553 girmitya logan ke lae ke Fiji se aais rahaa. Isme se 45,439 log Calcutta se aur 15,114 log Madras se jahaaj me charrhin rahaa. Fiji ke Legislative Council ke pahila Hindustani member Badri Maharaj rahaa, jiske Governor nominate karis rahaa aur jon 1917 - 1923 aur 1926 - 1929 tak Council ke member rahaa. Fiji me pahila football competition Nasau Park, Levuka me 1924 me, Cession ke golden jublee celebrate kare ke time, chhe Kaiviti team ke biich me Ricarnie Cup khatir, khela gais rahaa. Fiji ke Hindustani ke army me join kare ke khatir, 1934 me Indian Platoon banawa gais rahaa lekin iske 1940 me disband kar dewa gais rahaa. Royal Air Force ke khatir fighter plane kharide ke khatir, 1943 me ek Fighter Fund suruu karaa gais rahaa, aur ii paisa se nau fighter aur paanch bomber kharida gais rahaa. Ek fighter ke naam Fiji Indian Fighter rahaa. Fiji Trade Union Congress se pahile Ami Chandra, 1950s me Fiji Industrial Workers Congress suruu karis rahaa. Fiji ke 1997 ke constitution me English aur Kaiviti ke saathe Hindustani ke Fiji ke official language banawa gais rahaa. Archive

Taaja khabar 4 February - Fiji ke Electoral Commission ke nawaa member hai Simione Ratabacaca Naiduki, Margot Marie Jenkins, Graham Bruce Southwick, Jawahar Lal, Kavita Raniga aur Ratu Paula Halaiwalu. Suresh Chandra iske chairman hai. 11 September - Fiji ke che Opposition Party ke neta, jisme NFP ke leader, Biman Prasad, FLP ke leader, Mahendra Chaudhry aur Fiji Council of Trade Unions ke General Secretary, Attar Singh hai, ke Fiji ke Constiturion ke baare me meeting kare ke khatir arrest kar lewa gais. 18 August - Rio ke 2016 Olympic Games me Fiji Rugby Sevens team ke gold medal milaa. 22 February - Cyclone Winston ke kaaran, Fiji me, 29 logan ke maut bhais hai. 31 October - London mae New Zealand nae Australia ke hare ke 2015 Rugby Union Viswa Cup ke jiit liis. 11 October - Ba ke Govind Park me 2015 ke Inter-District Championship ke final me, Ba, Nadi ke 2 - 0 se harais. 29 June - Fiji Television Ltd ke broadcasting licence ke 12 saal se barrhae dewa gais hae. 2016 ke Archive Aaj se sau saal pahile, 1917 me... Ek newspaper, Indian Settler, ke Fiji me suruu karaa gais rahaa, jiske English hissa ke sdapaadak, Manilal Doctor, aur Hindi hissa ke sampaadak Swami Manoharanand rahaa. 9 January - Allahabad, India me girmit ke birod me jaluus nikaala gais, aur isme Motilal Nehru, H.S.L. Polak aur Sarojini Naidu bhasan diin. 29 January - Badri Maharaj, jon ki Fiji ke Legislative Council ke pahila Indian nominated member rahaa, Council me aapan siit liis. 12 March - Defence of India Act ke niche, India ke sarkar, British colony ke khaatir majuur ke recruit kare ke band kar diis, larrai ke band hoe tak, nai to dui saal talak. June - C. F. Andrews, June se November talak Fiji me rahaa, aur ii paais ki Hindustani majuur mahangaai se dukh me rahin aur gimitya logan ke talab girmit suruu hoe se barrhaaya nai gais hai. Uu Fiji me dui school bhi banais. 19 November - Indira Gandhi, jon ki India ke Prime Minister chaar term tak rahis, ke janam bhais rahaa. 1916 me na koi girmitya logan Fiji aain, aur jahaaj nai mile ke kaaran, na koi logan India lautin. Pahile waala saal: 1908 1909 1910 1911 1912 1913 1914 1915 1916

Aaj ke featured chapa Hibiscus, ek rakam ke fuul waala perr hai jon ki Fiji me sab jagah pe hoe hai. Lag bhag 200 species ke hibuscus hai, lekin Fiji me sab se common hae laal hibiscus (Hibiscus rosa-sinensis) aur ii India se dunia bhar faela hai. Ii biswas karaa jaae hai ki, iske extract ke murr me lagae se baar kamti giri aur rusi bhi kamti hoe jaai. Hibiscus ke ek species South Korea ke national flower aur duusra, Malaysia ke national flower hai. Fiji me Hibiscus ke hedge banae khatir kaam me lawa jaae hai aur Suva me ek carnival ke naam ii fuul ke baad, Hibiscus Festival, rakkha gais hai. Pahile ke featured article: Ongo —Kawakawa —Kawango

Duusra bhasa 100,000 + English  •  Català (Catalan)  •  Česká (Czech)  •  中文 (Chinese)  •  Dansk (Danish)  •  Deutsch (German)  •  Español (Spanish)  •  Esperanto  •  Français (French)  •  Italiano (Italian)  •  Magyar (Hungarian)  •  日本語 (Japanese)  •  Nederlands (Dutch)  •  Norsk (Norwegian Bokmål)  •  Polski (Polish)  •  Português (Portuguese)  •  Русский (Russian)  •  Română (Romanian)  •  Slovenčina (Slovak)  •  Suomi (Finnish)  •  Svenska (Swedish)  •  Türkçe (Turkish)  •  Українська (Ukrainian) 20,000 + العربية (Arabic)  •  Български (Bulgarian)  •  Bosanski (Bosnian)  •  Cymraeg (Welsh)  •  Ελληνικά (Greek)  •  Eesti (Estonian)  •  Euskara (Basque)  •  Galego (Galician)  •  עברית (Hebrew)  •  हिन्दी (Hindi)  •  Hrvatski (Croatian)  •  Bahasa Indonesia (Indonesian)  •  Íslenska (Icelandic)  •  한국어 (Korean)  •  Latina (Latin)  •  Lëtzebuergesch (Luxembourgish)  •  Lietuvių (Lithuanian)  •  Македонски (Macedonian)  •  Bahasa Melayu (Malay)  •  Norsk (Norwegian Nynorsk)  •  فارسی (Persian)  •  Shqip (Albanian)  •  Slovenščina (Slovenian)  •  Српски (Serbian)  •  தமிழ் (Tamil)  •  ไทย (Thai)  •  Tiếng Việt (Vietnamese)  •  ქართული (Georgian) 1,000 + Afrikaans  •  Asturianu (Asturian)  •  Беларуская (Belarusian)  •  Kaszëbsczi (Kashubian)  •  Frysk (Western Frisian)  •  Gaeilge (Irish)  •  Interlingua  •  Kurdî (Kurdish)  •  Kernewek (Cornish)  •  Māori  •  Bân-lâm-gú (Southern Min)  •  Occitan  •  संस्कृत (Sanskrit)  •  Scots  •  Tatarça (Tatar)  •  اردو (Urdu) Walon (Walloon)  •  יידיש (Yiddish)  •  文言 (Classical Chinese) 100 + Nehiyaw (Cree)  •  словѣньскъ (Old Church Slavonic)  •  gutisk (Gothic)  •  ລາວ (Laos) Sab Wikipedia ke suchi – Bhasa khatir ek saathe kaam karo – Nawaa bhasa me Wikipedia suruu karo