Catolicesim
 |
Quel articul chì l'è scrivüü in Lumbard ucidental, cun l'urtugrafia ünificada. |
El Catolicesim a l'è el grüp cristian püssee nümerus, cun pressapoch 1,1 miliàrd de member. La recugnuss el primaa del Papa, el vescuv de Roma.
Carateristich[Mudifega | mudìfica 'l sorgènt]
La Gesa Catoliga la gh'ha set Sacrament, che hinn el (Batesim, l'Eucarestia, la Cunfermaziun o Cresima, la cunfessiun o penitenza, el Matrimoni, l'Urdin sacerdutal e l'Ünziun di malaa). A travers i Sacrament la diva la grazia divina al credent.
La Gesa Catoliga la gh'ha una strütüra piramidala ma la recugnuss impurtanza ai ges particular, impurtanza segnada anca in del Cuncili Vatican II. Gesa particulara al sa pö duprà in dò maner:
- in riferiment a una diocesi;
- upüra a una chiesa sui iuris che la sa diferenzia per una sò utunumia püssee granda, 'me recugnussüü anca del Cuncili Vatican II in del decret sü i ges catoligh urientaj Orientalium Ecclesiarum[1].
Atribüü de la Gesa Catoliga[Mudifega | mudìfica 'l sorgènt]
In acordi al Catechism de la Gesa Catoliga, la Gesa a l'è Vüna, Santa, Catoliga e Apustoliga. Quij quater atribüü chì, minga separabij, indichen i trat essenziaj de la Gesa e de la sò missiun (CIC, 811). I catoligh prufessen la sò fed in di quater atribüü de la Gesa a travers el Cred di Apostuj e'l Cred de Nicea-Custantinopul.
