Demya piej ya a fi wah Wikipidia ina Jumiekan Patwa. Wi uda riili laik di elp a di Jumiekandem out de.
Wi a sen a big shout-out tu aal a di piipldem we taak Jumiekan Patwa, fi kom koh rait soh tap kualiti haatikl. Nof tangx.
Wid we mi brejin opa tap se, jos fi mek unu nuo, wi a-chrai mek Patwa wan a 'i Wikipidia languijdem. No Jamiekan Ingglish, Patwa. Nof a 'i piejdem we rait aredi de ina Jamiekan Ingglish, a no Patwa. Jamiekan Ingglish a we muos a wi chat ebi die. Patwa a 'i raa baan ting we unu griet gran muma did chat, we tiicha did biit unu fa ah se "Speak Properly!". Wah nex ting tu, a nof dayalek de ina Jumieka. Rait aatikl ina fi yu dayalek. Piipl wi andastan an iwi ton standad suun. Dis ya we mi a-rait a 'i Wesmolan dayalek.
Wi pronoons wi "h" ah kaal "di" "i". Wi ha nof difrens frah Kinston dayalek. Eniwiez, fi mek unu si we mi a-chat se, mi a-go rait wah sentans ina Ingglish, wan ina Jamiekan Ingglish aa wan ina Patwa fi mek unu si 'i difrens. "The feet of the cow went over the fence before the tail and bent when it reached the ground." "Di fiit a di cow went oova di fens bifoor di tail an ben wen it toch di groun." "'I cow futdem did go uoba 'i fens bifuor 'i tiel ah ben wen itoch 'i grong." Mi a-beg unu fi andastan mi egzampl ah loern frani. Tangks ah rispek.
Wikipidia: Lis a nesiseri haatikl
Help:Jumiekan Patwa spelling policy
Wikipidia: Lis a aatikl we Jumiekan Wikipidia fi ab
Vuotin piej
Di Jumiekan Patwa Wikipidia nou gat 1,597 haatikl Refresh
Aal piej · Kiatigari · Elp piej · Templet fi Jumiekan Patwa Wikipidia
