Перед 50 роками одышов 1-й губернатор Подкарпатской Руси
Ґріґорій Жатковіч (по анґліцькы Gregory Ignatius Zatkovich) (* 2. децембра 1886 Голубиноє (Березька жупа, Ракуско-Угорьско, днесь Україна) – † 26. марца 1967 Піттсбурґ (США) быв америцькый правник і русиньскый політік, доктор права, адвокат і журналіста, першый ґувернер Підкарпатьской Руси. Народив ся в сели Голубиноє в тогдышнїй Березькій жупі в Ракуско-Угорьску, днесь то є часть району Свалява Закарпатьской области Україны. В роцї 1891, як му было пять років, еміґровав з родічами до Споєных Штатів. Середню школу і універзіту абсолвовав в Піттсбурґу (1907), докторат з права здобыв в роцї 1910. Жатковіч Русинів заступовав на стрїчі з америцькым презідентом Вілсоном, по якій Вілсон признав карпатьскых Русинів як самобытну націю.
...дале