Paris

Paris

Paris ye la capital i a maior cidade de la Fráncia, bien cumo la capital de la region admenistratiba de Île-de-France, na bacie parisiense. La cidade ye atrabessada pul riu Sena. Ye la segunda maior metrópole de la Ouropa (solo menos populosa que Moscobo), i ye a maior cidade francófona de l mundo. La sue ária metropolitana ten cerca de 12 milhones de habitantes.

La cidade ye coincida mundialmente cumo Cidade Luç, pus ye ua de las purmeiras cidades a tener ua eiluminaçon ourbana, sendo ua de las percipales cidades turísticas de l mundo. La cidade ancanta pula beleza de la sue arquitetura, las sues perspetibas ourbanas i las sues abenidas, bien cumo por sous bários museus. Las bordas de l riu Sena, an Paris, fúrun anscritas, an 1991, na lista de l Património Mundial de la UNESCO.

Tenendo sido capital dun ampério que se stendiu subre ls cinco cuntinentes, Paris cuntina a retener ua fuorte posiçon ne l cenário mundial, i a ser cunsiderada la capital de l mundo francófono. Paris ye un pólo comercial, andustrial, financeiro i turístico, que tornou la cidade an un de ls maiores centros de trasportes de l mundo.

Stória

Ourige de l nome

L nome de Paris ben de l pobo goulés, ls Parisii. La palabra Paris sofriu trasformaçones atrabeç de ls tiempos de l latin Cibitas Parisiorun (ó la Cité des Parisii), nome que tenie Lutécia.

La ourige de l nome Parisii nun ye coincida cun certeza. Puode ser deribada de la palabra gouluesa kwar (pedreira), pula refréncia a las numerosas pedreiras eisistentes na region parisiense.

Pré-stória

Paris ben sendo acupada pul home durante al menos 40000 anhos, cumo testemunha fúrun achados ferramientas de piedra tarbalhada na borda de l riu Sena.

Las más spetaculares çcubiertas arqueológicas fúrun feitas ne l 12e arrondissement an 1991 adonde bruxedos atestan la más bielha acupaçon houmana subre l território de Paris. An Bercy, fúrun çcubiertos traços dua bila de l período chasséenne (antre 4000 i 3800 a.C.).

Antiguidade

Ne l anho de 52 a.C. ls romanos fundórun ua cidade ne l mesmo lugar adonde ls parisii tubírun sue aldé i spandiran-na la ambas bordas de l riu Sena, chamando-la de Lutécia. La cidade galho-romana creciu ne ls seclos seguintes tornando-se próspera i fúrun custruídos eilhi palácios, un fórun, un triato i un anfitriato.

La queda de l Ampério Romano ampeçou ne l seclo III culas ambasones germánicas. Al redror de 400 d.C. Lutécia staba abandonada puls sous habitantes: ténie solamente ua pequeinha acupaçon drento de la ilha central de l riu Sena (Île de la Cité).

Eidade Média

Paris ne l seclo IX.

An 508, l rei franco Clóbis I cunquistou Paris. Pouco depuis, Clóbis cumbertiu-se al catolicismo i acabou stendendo l sou domínio por to antiga porbíncia Galho-Romana, dando ampeço al território que se tornarie la Fráncia. La dinastie Merobíngie ampeçada por Clóbis dominou la Fráncia antre ls seclos V i VIII. An 747, passado la muorte de Carlos Martel (741), Pepino, l brebe assumiu l reino de la Fráncia, dando ampeço a la Dinastie Carolíngie.

Ne l seclo IX, ls Vikings tomórun la cidade (domínio antre ls anhos 885-886) i depuis Hugo Capeto stableciu-se neilha, reformando-la radicalmente ampeçando la Dinastie Capetiana.

Quando acupada puls aliados de l angleses, ls Ourguinhones, Paris perdiu sue amportança cumo capital de la Fráncia. Passado la Guerra de l Cien Anhos, Paris tornou a ser la capital de la Fráncia.

Eidade Moderna

Tomada de la Bastilha an 1789

Inda que Paris fusse la capital nobamiente, la corona preferiu quedar ne ls castielhos de l Bal de l Loire. Durante las guerras religiosas, Paris passou a ser dominada pul Partido Católico, ampeçado cul massacre de la nuite de San Bartolomiu an 24 de agosto de 1572. La corte rial solo fui restabelecida an Paris an 1594 cul rei Anrique IV de Bourbon. An 1682, l rei Luís XIV de Bourbon demudou la corte rial para l Palácio de Bersailles. Passado un seclo, Paris biu-se al centro de la Reboluçon Francesa marcada ne l sou ampeço pula queda de la Bastilha an 14 de júlio de 1789.

Eidade Cuntemporánea

Napoleon I outoproclamou-se Amperador de la Fráncia an 1804 na Catedral de Notre-Dame de Paris. La Reboluçon Andustrial, l Segundo Ampério i la Belle Époque zambolbírun Paris an un grande centro mundial. Durante la década de 40, cula custruçon de caminos de fierro, Paris ampeçou a recebir bários eimigrantes que se ampregórun nas sues andústrias. Al quemando de Napoleon III, la cidade sufriu la trasformaçon ourbana más segneficatiba. L amperador cuntratou l Baran Haussman para que eisecutasse las trasformaçones neçairas para cumberter Paris na cidade más moderna de l mundo na sue era. Ampeçan a çtruir grande parte de la cidade antiga i mediebal al passo de la custruçon de grandes bulebares i prédios modernos, l más çtacado: la Ópera Garnier. Custroen canalizaçones de augas i outras amportantes melhories públicas. Esta era chega al fin por bias de la fin de l amperador an cunsequéncia de la sue derrota sofrida por sou eisército na guerra Franco-prussiana.

Ne l seclo XIX, Paris sufriu cun dues eipidemies de cólera, an 1832 i 1849. Para alhá de sufrir cula Guerra Franco-Prussiana antre 1870 i 1871. An 1871, anstalou-se na cidade la Quemuna de Paris.

An 1889, Paris sediou la Sposiçon Ounibersal i por esta era fui custruída la Torre Eiffel. Ne l anho seguinte, fui einaugurada la purmeira linha de metro de la cidade.

Seclo XX

Durante la segunda guerra mundial, Paris fui acupada pula Almanha. La acupaçon ampeçou an júnio de 1940 i terminou solamente an agosto de 1944. La Paris apuis de la guerra zambolbiu-se debrebe. L subúrbio spandiu-se cunsiderablemiente i fui criada l çtrito financeiro La défense.

An 1968, Paris fui cenário de bárias rebuoltas studantis, muitos de ls manifestantes aderiran a causas de la squierda, cumo l quemunismo i l anarquismo. Estes eibentos quedórun coincidos cumo Maio francés i tornórun-se un de ls capítalos stóricos más çtacados apuis de la guerra.

Paris atual

An nobembre de 2005 la Fráncia biu-se agitada por cunflitos sociales adonde l stopin tenerie sido dibergéncias raciales. Grandes motines populares acuntecírun ne l paíç, até an Paris i ne ls sous subúrbios: eilhes fúrun afetados pula zorde i queima de carros a la nuite, ne l eipisódio que quedou coincido cumo Outonho de 2005.

Capital política i anteletual de la Fráncia, Paris ye la sede de l gobierno, de las percipales admenistraçones, dun arcebispado, dua Ounibersidade (que cungrega la terça parte de ls studantes franceses), de bários museus i bibliotecas. Ye, para alhá desso, l percipal centro andustrial i comercial de la Fráncia, grácias a la amportánça de l mercado de cunsumo, a la cumbergéncia de las bias de quemunicaçon i la cuncentraçon de las capitales.

Paris ye la sede de la Ourganizaçones anternacionales UNESCO, OECD i Cámara Anternacional de Comércio.

Demografie

Populaçon

La cidade de Paris propiamiente dezida ten 2 153 600 habitantes (1 de Janeiro de 2005). Esto ye un declínio de cerca 25% an cumparaçon als dados de 1929, quando la populaçon de la cidade chegou a un mássimo de 2,9 milhones. Cumo acuntiu noutras grandes metrópoles ouropéias i de ls stados ounidos, la populaçon de Paris als poucos migrou para ls subúrbios de la cidade, inda que este porcesso tenga acuntecido de modo menos dramático, an cumparaçon a las mesmas metrópoles, cumo Londres ó Detroit, por eisemplo.

La atual densidade demográfica de la cidade de Paris ye de 24 448 hab/km².

Etnies

Zde la Eidade Média, era an que la cidade era a maior de l mundo oucidental, Paris siempre chamou strangeiros. Zde studantes houlandeses i suecos ne l seclo XIV, nacionalistas poloneses i trabalhadores belgas ne l seclo XIX, judius de l norte de la África i pertueses ne l meio de l seclo XX als africanos i asiáticos de ls tiempos atuales, Paris recebiu muito eimigrante, que la tornórun ua cidade largamente multicultural i cosmopolita.

De l censo de 1999, 19,4% de la populaçon de Paris son natibos de outros países que nó la Fráncia, i 4,2% éran eimigrantes recentes, pessonas que nun bibian ne l paíç antes de 1990.

Turismo

Las percipales atraçones turísticas de la cidade son:

La Torre Eiffel. L menumiento más amblemático de Fráncia, tornado nun de ls simblos de la nacion.

• La Torre Eiffel - custruída an 1889, fui planeada ne l ampeço para quedar de pie por solo 20 anhos, ye cunsidrada atualmente l percipal simblo de la cidade.
• La abenida Champs-Élysées, ua abenida famosa i muitas bezes chena de turistas, que quier dezir Campos Eilíseos, l motibo de l nome fui ser ancha i cumprida. Ua de las más anchas abenidas de l mundo, i ua de las más famosas.
• L Centro Georges Pompidou, la atraçon turística más besitada de la cidade.
• L Arco de l Triunfo - custruído por Napoleon Bonaparte, an 1806, an houmenaige a las bitórias francesas i als que morrírun ne l campo de batailha.
• L Museu de l Louvre - famoso por abrigar l quadro Mona Lisa
• L Montmartre - ua ária stórica de la cidade, adonde se localiza la Basílica de Sacré Cœur, para alhá de ser famosa pul sous cafés,ls sous stúdios i nightclus, cumo l Moulin Rouge.
• La Catedral de Notre-Dame - famosa catedral gótica localizada ne l centro de la cidade
• L Panthéon - ua antiga eigreija, famosa por abrigar ls restros mortales de bários franceses famosos.
• L Quai d'Orsay - un porto na borda squierda de l Riu Sena.
• L Museu de la arte i stória de l Judaísmo
• L Museu de Orsay - Museu que reúne amportante coleçon de arte ampressionista i fui, ne l passado, ua staçon de tren. Cula sue zatibaçon, fui quaije derribada, mas por portestos fui trasformada an museu.
• L Semitério de l Père-Lachaise, adonde son anterrados pessonas famosas cumo Oscar Wilde, Jean-François Champollion, Édith Piaf, l cumpositor Chopin, Allan Kardec, l codificador de l Spritismo i tamien la streilha de l Rock Jim Morrison.
• L Hótel des Ambalides, museu i necrópole melitar
• La Défense - l centro financeiro de Paris, a oeste de la cidade.
• L Palácio de Bersalhes - queda na cidade de Bersalhes, la maior atraçon turística de l mundo.Custruído por Luís XIV para abrigar toda la corte
• Disneyland Resort Paris - Cumplexo turístico de l cunglomerado Disney cuntendo bárias oupçones de antretenimento ancluindo dous parques multi-temáticos, Disneyland i Walt Disney Studios. Localizado an Marne-la-Ballée (subúrbio de Paris) ye la atraçon turística más besitada de la Ouropa atraindo 12.4 milhones de besitantes solo an 2004.
• L'Hótel de Bille - Percipal stadie de strangeiros que chégan an Paris para fines turísticos. Para alhá de tener ua arquitetura peculiar francesa, sbanja luxo i riqueza an cada detailhe.
• Le Moulin Rouge - Antigo cabaré outelizado para adbertimento de ls franceses an relaçon a las francesas que eilhi trabalhában. Hoije ousado cumo punto turístico.