Seúl
Coordenadas: 37°33′59.33″N 126°58′40.69″L / 37.5664806, -126.9779694
| Seúl 서울 (en coreano) |
|
|---|---|
 |
 |
 |
|
| Vista da cidade. | |
| Situación xeográfica | |
  Seúl
|
|
| País |  Corea do Sur |
| Rexión | Sudogwon |
| Xeografía | |
| Altitude | 18 msnm |
| Superficie | 605,52 km² |
| Poboación | |
| Poboación | 10.924.870 hab. (2006) |
| Densidade | 17.219 hab/km² |
| Información | |
| Código postal | |
| Alcalde | Park Won-soon |
| Páxina web | http://www.seoul.go.kr/ |
Seúl (서울; hangul, 서울특별시; hanja, 서울特別市; romanización revisada, Seoul Teukbyeolsi; McCune–Reischauer, Sŏul T'ŭkpyŏlsi) é a capital e meirande metrópole de Corea do Sur. É unha megacidade cunha poboación de máis de 10 millóns de habitantes.[1] A Área da Capital de Seúl, que inclúe á metrópole de Incheon na provincia de Gyeonggi, é a segunda área metropolitana máis poboada do mundo, cunha poboación de 25,6 millóns de persoas,[2] sendo o fogar da metade dos surcoreanos e 632.000 residentes internacionais.[3]
Situada á beira do río Han, a historia da cidade abrangue máis de 2.000, dende a súa fundación no ano -18 por Baekje, un dos Tres reinos de Corea. Continuou como capital de Corea durante a dinastía Joseon e o Imperio de Corea. A área metropolitana de Seúl contén catro lugares Patrimonio da Humanidade: Changdeokgung, a Fortaleza de Hwaseong, Jongmyo e as Tumbas reais da dinastía Joseon.[4] Seúl está rodeada por montañas, sendo a máis alta Bukhansan, o parque nacional máis visitado do mundo por metro cadrado.[5] Seúl foi votado como o destino turístico máis desexable polos turistas chineses, xaponeses e tailandeses durante tres anos consecutivos entre 2009 e 2011[6] con máis de 10 millóns de visitantes internacionais no 2012.[7]
Historia[editar | editar a fonte]
A Historia urbana de Seúl comezou cando Onjo, fillo do rei de Koguryo, no norte de Corea, fundou o reino de Paekche no 18 a.C, establecendo a capital en torno a un castelo na beira norte do río Han (preto do monte Acha), Habuk Wiryeseong. Catro anos despois trasládana a beira sur, Hanam Wiryeseong (nos arredores do actual Estadio Olímpico), onde reinou o seu irmán Biryu. Cambiou o nome polo de Hanseong ata que cae no poder do reino de Silla en 757, que a chama Hanyang; despois Yangju durante o reino Koryo e Namgyong cara o século XI.
A historia moderna de Seúl comezou en 1394 cando o pequeno val entre montes ao norte do río foi elixido, despois de superar a proba xeomántica do feng shui, coma capital da dinastía Joseon.
Edificouse unha cidade entourada por un cinto de 18 quilómetros de murallas con pazos e santuarios que se estiveron construíndo ata o século XVII.[8] Recibiu de novo o nome de Hanseong e manteuse na súa estrutura básica ata o século vinte:[9][10] un eixo fundamental norte sur, o Sejongno, dende o pazo principal), o Gyongbokgung, ata o encontro co eixo leste oeste, o Chongno, e ampliado despois ata o pazo Toksugong e a praza do concello e máis o sur ata a porta da muralla, Namdaemun, a única orixinal que aínda se conserva, co barrio do mercado.[11]
Despois da ocupación xaponesa e a Segunda Guerra Mundial, coa proclamación da República de Corea, a cidade converteuse na súa capital co nome actual, Seúl, que significa literalmente iso, capital. Pero coa guerra de Corea nos cincuenta e a súa posición fronteiriza entre o norte e o sur, foi practicamente arruinada. A reconstrución posterior levouna ao que actualmente é, unha das maiores metrópoles do mundo, con máis de dez millóns de habitantes.
Megalópole[editar | editar a fonte]
A Megalópole de Seúl, formada pola cidade de Seúl e varias cidades suburbanas, que experimentaron un importante crecemento.[12] En total, a megalópole conta con 23 millóns de habitantes, sendo a segunda megalópole con máis habitantes, só superada por Tokio.[13]
0.jpg){kind=link}
