NBNL

Nogan Baiäda Nolüda-Latlanteana (NBNL, Linglänapüko: NATO ü North Antlantic Treaty Organisation, Fransänapüko: OTAN ü l'Organisation du Traité de l'Atlantique Nord) äbinon nogan bevünetik pro sef koböfik pefünöl ün 1949, stütü Baiäd Nolüda-Latlanteana pedispenöl in Washington, DC, tü 1949 prilul 4id. Labü cifabürs in Brussel, Belgän, noganükod at ästiton siti sefa koböfik, ma kel limatats baivögons ad jelod rezipik gedunü tatak paleta plödik.

Jenotem

Prim

Limatats atimik ela NBNL (blöv).

Limatats ela NBNL (blöv) e Baläda di Warszawa (red).

Baläd di Brussel, pädispenöl tü 1948 mäzul 17 fa Belgän, Nedän, Luxemburgän, Fransän e Regän Pebalöl, palelogon as büan ela NBNL. Baläd at ästiton balatami militik, kel poso övedon Balatam Vesüda-Yuropik. Kompenam Tatas-Pebalöl ye palecedon zesüdik ad dagetön leigaveti leigodü nämäd militik Balatama Sovyätik; sekü atos, spikots ad jafön balatami militik nulik äprimons ti sunädo.