Alcòl
Un alcòl es un compausat quimic que conten un grop foncional -OH. En quimia s'apèlan alcòls los idrocarburs saturats (o alcans) que contenon un grop idroxil (-OH) en substitucion d'un atòm d'idrogèn ligat de manièra covalenta. Ça que la, se parla generalament d'alcòl per se referir a l'etanòl, CH3CH2OH o l'alcòl que se trapa dins las bevendas alcolicas, coma la cervesa, lo vin... Los alcòls pòdon èsser primaris, segondaris o terciaris, en foncion del nombre d'atòms d'idrogèn remplaçats per un atòm de carbòni que s'i trapa ligat lo grop idroxil.
D'exemples d'alcòls son:
alcòls primaris;
alcòls segondaris;
- (CH2OH)2CH-OH (propantriòl, gliceròl o glicerina)
alcòls terciaris;
- (CH2OH)3C-OH
Nomenclatura[modificar | modificar la font]
- Correnta (pas sistematica): Antepausant lo mot d'alcòl e en remplaçant lo sufixe -an de l'alcan correspondent per -ilic. Atal, per exemple: alcòl metilic, etilic, propilic...
- IUPAC: Se remplaça lo sufixe -an per -òl dins lo nom de l'alcan original e s'identifica la posicion de l'atòm de carbòni que s'i trapa ligat lo grop idroxil.
Formulacion[modificar | modificar la font]
Los alcòls alifatics respondon a la formula generala: CnH2n+1OH. I a, ça que la, fòrça tipes d'alcòls, que contenon de ligams dobles e triples, anèls aromatics o d'autres grops foncionals, e que respondon pas a aquesta formula generala.
Proprietats generalas[modificar | modificar la font]
Los alcòls primaris e segondaris son liquids, incolors e d'odor agradiva. Son solubles dins l'aiga en tota proporcion e son mens denses qu'aquesta. Los terciaris, al contrari, son totes solids.