Tuisblad

Welkom by Wikipedia, die vrye ensiklopedie wat deur enigeen verbeter en uitgebrei kan word.	Vrydag, 3 Maart 2017 Hier is tans 43 971 artikels in Afrikaans.
Help ons om ’n Afrikaanse wêreldklas-ensiklopedie te skep.

Inleiding • Hulp • Kontak

Gebruikersportaal • Voorbladartikels • Kategorieë • Stel ’n vraag

Voorbladartikel

Die nasionale vlag van Singapoer is op 3 Desember 1959 amptelik in gebruik geneem. Die vlag vertoon twee horisontale bane in rooi bo en wit onder en ’n wit sekelmaan en vyf vyfpuntige sterre in die skildhoek.

Singapoer het in 1959 selfregering binne die Britse Ryk verkry. Die vlag is op 9 Augustus 1965 as nasionale vlag herbevestig toe die republiek onafhanklikheid verkry het. Voor onafhanklikheid was dit die enigste staatsvlag in Maleisië wat nie ’n verhouding van 1:2 gehad het nie. Die elemente op die vlag (die kleure, sekelmaan en sterre) dui op ’n jong, opkomende volk, verenigde broederskap en gelykheid en nasionale ideale.

Vaartuie gebruik nie die nasionale vlag as ’n vaandel nie. Handelskepe en ontspanningstuie gebruik ’n burgerlike vaandel van rooi met ’n variant van die sekelmaan-en-sterre-embleem in die middel. Nie-militêre regeringsvaartuie soos skepe van die kuswag gebruik ’n blou staatsvaandel met die nasionale vlag in die skildhoek en ’n agtpuntige rooi-en-wit windroos op die wapperkant. Oorlogskepe van die vloot vertoon ’n vaandel soortgelyk aan die staatsvaandel, maar dan in wit met ’n rooi windroos.

Die reëls wat deur die Wet op die Wapen en Vlag en Nasionale Lied van Singapoer gedefinieer is, beheer die gebruik en vertoon van die nasionale vlag. Die reëls is effens verslap sodat burgers op nasionale dae die vlag op voertuie, of enige tyd van die jaar aan hul huise kan vertoon.

...lees verder

In die nuus

Die Hongaarse hoofstad Boedapest onttrek sy kandidatuur vir die Olimpiese Somerspele in 2024; Parys en Los Angeles is nou die moontlike gasheerstede.
Nasa-Sterrekundiges maak bekend dat die ster TRAPPIST-1 sewe eksoplanete huisves, waarvan sommige in die bewoonbare sone wentel.
Volgens die Verenigde Nasies en die Suid-Soedannese regering word dele van dié land deur 'n hongersnood bedreig.
Die Hoë Hof in Pretoria beslis dat Suid-Afrika se beplande onttreking van die Internasionale Geregshof in Den Haag ongrondwetlik is.
Die Nederlandse grafiese ontwerper, tekenaar en skrywer van kinderboeke, Dick Bruna, sterf op die ouderdom van 89 in Utrecht.

Het u geweet...

... dat 2006 as 'n Mozart-jaar gevier is? Mozart is 250 jaar tevore, op 27 Januarie 1756 gebore.

... dat die kapibara se idiomatiese naam, "watervark", 'n wanbenaming is? Dié dier is in werklikheid verwant aan die muis en die rot, en met lengtes tot meer as 130cm, is dit die grootste knaagdier ter wêreld.

Vandag in die geskiedenis

3 Maart: Hinamatsuri in Japan

1431 – Gabriel Condulmer word pous Eugenius IV.
1845 – Florida word deel van die VSA.
1878 – Met die Verdrag van San Stefano, wat die Russies-Turkse Oorlog beëindig, word Bulgarye 'n selfregerende prinsdom binne die Ottomaanse Ryk.
1918 – Rusland teken die Verdrag van Brest-Litofsk en beëindig sy deelname aan die Eerste Wêreldoorlog, wat lei tot onafhanklikheid vir Finland, Estland, Letland, Litaue en Pole.
1983 – Georges Remi, 'n Belgiese strokiesverhaalskrywer en -kunstenaar, beter bekend onder sy skuilnaam Hergé, sterf.