Disturbiu
![](http://web.archive.org./web/20170710060958im_/https://upload.wikimedia.org/wikipedia/commons/thumb/b/b9/Kreuzberg-ausschreitungen.jpg/250px-Kreuzberg-ausschreitungen.jpg)
Un disturbiu ye un conflictu humanu, polo xeneral nes cais, onde se ve alterada la paz social per aciu de violencia. Polo común pasa mientres una manifestación. El orixe de la violencia ye polo general difusu y polémicu, yá que pue orixinase de parte de la sociedá civil o de parte de les llamaes fuerces del orde (policía, exércitu, etc.) amás de que pue dase la esistencia de provocadores infiltraos d'un o d'otru llau.
La rempuesta ente un disturbiu suele ser tarea de la policía, comúnmente de los axentes antidisturbios, anque tamién pue requerir sofitu militar. Pa controlar les mases enfurecíes suelen emplegase xeneralmente armes non lletales, como cañones d'agua, bales de goma, pulverizadores de pimienta, porres y/o gas llacrimóxenu.
Dalgunos países empleguen ataques que puen producir muertes pa detener los disturbios, sobro too si se producen baxo la llei marcial, en casos de guerra. Esto permítelo'l derechu militar, siempres y cuando nun se considere a los civiles como oxetivos de forma intencionada. Como consecuencia, suelen producise los llamaos daños collaterales.
En dellos países como Alemaña nel Primeru de Mayu suel haber disturbios. Nos desaloxos policiales d'inmuebles okupaos tamién suelen producise disturbios.
Llista cronolóxica de disturbios importantes[editar | editar la fonte]
- 1929: Movimientu del Cuatru de Mayu, China.
- 1960: Disturbios de Stonewall, Estaos Xuníos.
- 1968: Mayu francés, Francia.
- 2001: Cumbre del G8, Xénova, Italia.
- 2005: Desórdenes en Belize en 2005, Belize.
- 2005: Disturbios de Francia de 2005, Francia.
- 2005: IV Cumbre de les Amériques, Arxentina.
- 2005: Disturbios raciales de Sydney (2005), Australia.
- 2006: Disturbios de Dublín (2006), Irlanda.