Wahhabismo
Wahhabismo |
---|
instantia de: ideology |
subclasse de: Sunni Islam |
|
|
|
Commons: Wahhabism |
Le Wahhabismo [wah-ha-bíz-mo] es un forma fundamentalista de Islam fundate per Muhammad ibn Abd al Wahhab (1703 - 1792). Illo es le predominante forma del movimento Islamista in le mundo de Islam hodie.
Le texto basic de iste forma de Islam es le Kitab at-tawhid (Arabe pro "Libro de Unitate). Membros de iste forma de Islam se nomina Muwahhidun ("Unitarianos"); personas non-musulman se refere al credentes de iste secta con le nomine de Wahhabis.
Wahhabismo essaya purificar le Islam de lo que le adherentes vide como innovationes, deviationes, heresias e idolatrias.
In su puncto de vista, sequente su theologia e practica, un musulman deberea retornar al forma del fide Islamic que Allah habeva intendite originalmente pro tote le mundo.
Le majoritate de historicos (ambe illes qui son arabe e non-arabe), non obstante, crede que le Wahhabismo es in facto un nove forma de Islam, le qual contine multe cambios in theologia e practica.
Le Islam-Wahhabista prohibe le uso de lapides sepulcral con le opinion que illos tende a esser idolatristic, assi como le uso de minaretes (vide moschea) proque illos non esseva usate in le tempore de Muhammad.
Le fumar (de tabaco o hashish, etc.) es prohibite como un offensa religiose.
Le Wahhabismo es le practica official del Islam in le Arabia Saudi hodie; le Arabia Saudi considera le conversion a qualque altere forma de Islam como un crimine contra le stato, o mesmo le conversion a qualque altere religion.
Contento
Le avantiamento del Wahhabismo[modificar | modificar fonte]
Iste section discute le avantiamento de iste forma de Islam in le Oriente Medie, in le majoritate de moscheas in Europa (specialmente in le Regno Unite) e le avantiamento de Islam-Wahhabista in America.
Le Wahhabismo, como ideologia totalitarian, cercava supplantar completemente le traditionalismo del Islam-Sunni e assi purificar le mundo Islamic.
Iste processo comenciava in depois le cadita del Imperio Ottoman.
In 1924 le dynastia Wahhabi al-Saud conquireva le sancte citates de Mecca e Medina, creante assi le stato Saudi.
Iste plano pro le domination del mundo de Islam ha essite adjuvate in grande parte per billiardos de dollares de receptas de moneta gratias al vendita de petroleo.
Le Fraternitate Moslem, un organisation Islamista egyptian, recipeva supporto financial del Saudis in le 1950s, in reaction al secularismo del nationalismo arabe del leader de Egypto, Abdul Nasser, in ille dies.
Isto causava que le Fraternitate Moslem se tornava in le direction del Wahhabismo. Le majoritate del organisationes terrorista Moslem son organisationes Wahhabista - pro exemplo le gruppo terrorista Hamas que es un descendente Palestinian del Fraternitate Moslem. Le exception es le organisation Shi'a de Hizbollah.
Le Wahhabismo es nunc le forma predominante del Islam predicate in moscheas american. In le anno 1999 un prominente e moderate leader american moslem, Sheik Hisham Kabbani, le fundator del Islamic Supreme Council of America, offereva testimonio super le influentia Wahhabista in America durante un audientia del Departimento de Stato. Ille estimava que le 80 percento del moscheas in America ha venite a esser sub le controlo de Imams (clericos Islamista) qui son del puncto de vista Wahhabi, o de extremismo Islamista.
Relation a altere formas del Islam[modificar | modificar fonte]
Le Wahhabis considera le Wahhabismo como le unic forma ver del Islam. Illes son particularmente hostil al Sufismo.
Relation a altere religiones[modificar | modificar fonte]
Le Wahhabis considera le Wahhabismo como le unic forma ver de religion.