Chai
de Vikipedya, la ansiklopedya líbera
El chai es una bevida echa kon agua buyida i las ojas del arvole de té. El biervo "chai" viene del biervo kinezo 茶, el kualo es pronunsiado de varias formas, asigun el lashon uzado del idioma kinezo. De estas, dos biervos fueron yevados a otros payises: "chá" i "té". Alkunas linguas uzaron el biervo "té", komo la lingua aragoneza i la lingua inglesa; mientres ke otras uzan la forma "chá", komo la lingua arábiga (شاي "shai"), la lingua portugeza, la lingua japoneza o la lingua rusa ("чай" "chay").
