Tuisblad

Welkom by Wikipedia, die vrye ensiklopedie wat deur enigeen verbeter en uitgebrei kan word.	Sondag, 12 Februarie 2017 Hier is tans 43 840 artikels in Afrikaans.
Help ons om ’n Afrikaanse wêreldklas-ensiklopedie te skep.

Inleiding • Hulp • Kontak

Gebruikersportaal • Voorbladartikels • Kategorieë • Stel ’n vraag

Voorbladartikel

Die Koninkryk van België (Nederlands: Koninkrijk België; Frans: Royaume de Belgique; Duits: Königreich Belgien) is 'n land in noordwes-Europa begrens deur Nederland, Duitsland, Luxemburg en Frankryk. België het 'n bevolking van amper elf miljoen mense in 'n gebied dertigduisend vierkante kilometer groot. België lê op 'n kulturele kruispad tussen die Germaanse Europa (met Nederlandssprekende mense in die noorde, die Vlaminge) en die Romaanse Europa (met Franssprekende mense in die suide). Twee hooftale word in België gepraat: Nederlands—soms nie-amptelik Vlaams genoem—in Vlaandere in die noorde; en Frans, in Wallonië in die suide. Die hoofstad, Brussel, is amptelik tweetalig, maar die meerderheid van die inwoners praat Frans. 'n Amptelik erkende minderheid Duitse sprekers is in die ooste gesetel. Die linguistieke diversiteit lei gereeld tot politieke konflik, en word weerspieël in België se ingewikkelde regeringstelsel en politieke geskiedenis.

België se naam is afgelei van die gebiede se eerste benoemde inwoners, die Belgae, 'n groep van meestal Keltiese stamme, en van die Romeinse provinsie in noordelike Gallië, wat as Gallia Belgica bekendgestaan het. Geskiedkundig was België deel van die Lae Lande, wat ook Nederland en Luxemburg ingesluit het en 'n effens groter gebied as die huidige Benelux-stategroep gedek het. Van die einde van die Middeleeue tot die sewentiende eeu, was dit 'n vooruitstrewende handel- en kultuurmiddelpunt. Van die sestiende eeu tot met onafhanklikheid in 1830 was België, op daardie stadium die Suidelike-Nederlande genoem, die terrein van talle veldslae tussen die Europese moondhede, en is dit die "die vegkamp van Europa" genoem.

België was in 1951 'n stigterslid van die Europese Unie en huisves die hoofkantore daarvan, sowel as dié van ander belangrike internasionale organisasies, soos die NAVO. België se strydmag is volledig in NAVO geïntegreer en neem aan internasionale vredesendings (Libanon, Afghanistan) deel.

...lees verder

In die nuus

Suid-Afrika se agt-en-veertigste Springbokkaptein, Joost van der Westhuizen, sterf op die ouderdom van 45 in Fourways, Johannesburg.
Kameroen se sokkerspan wen die eindwedstryd van die AFC se Afrikanasiesbeker teen Egipte met 2–1 en palm sodoende hulle vyfde titel in. Burkina Faso eindig in die derde en Ghana in die vierde plek.
33 jaar ná dié land se ontrekking van die Organisasie vir Afrika-eenheid as gevolg van die Wes-Sahara-konflik sluit Marokko by die Afrika-unie aan.
Tydens die Australiese Ope wen die Amerikaanse tennisspeler Serena Williams haar 72ste Grand Slam-toernooi, terwyl die Switserse tennisspeler Roger Federer sy 89ste toernooi wen.
Die gasheerland Frankryk wen die eindwedstryd van die IHF se Handbal-Wêreldbekertoernooi teen Noorweë met 33–26.

Het u geweet...

... dat mens artikels kan soek volgens die eerste letters van die artikelnaam? By die Voorvoegselindeks kan mens byvoorbeeld "ek" intik en alle artikelname wat met "ek" begin, opspoor.

... dat die profeet Mohammed in die gedeeltes van die Koran wat tydens die eerste vyf jaar van sy openbare bediening in Mekka opgeteken is, nie een keer die naam Allah gebruik het nie? In dié tyd het hy na God verwys as "Heer" of "Skepper" (Rabb).

Vandag in die geskiedenis

12 Februarie: Darwindag (1809), Lincoln se Verjaarsdag (Arizona, 1892)

1689 – Die Convention Parliament word byeengeroep om te bepaal of Jakobus II van Engeland, die laaste Katolieke koning van Engeland, afstand gedoen het van die troon voor hy in 1688 na Frankryk gevlug het.
1818 – Onder leiding van generaal Bernardo O'Higgins verklaar Chili amptelik sy onafhanklikheid van Spanje.
1832 – Ecuador annekseer die Galápagos-eilande.
1912 – Puyi, keiser van die Manchu Qing-dinastie en die laaste keiser van Sjina, abdikeer.
2001 – NEAR Shoemaker land op Eros en word die eerste ruimtetuig wat op 'n asteroïde land.