Vicipaedia:Nuntii
E Vicipaedia
Index
2016[fontem recensere]
- 13 Novembris — Rumen Radev praeses Bulgariae electus est, antecessore Bojko Borisov
- 13 Novembris — Inguarus Dodon praeses Moldaviae electus est, antecessore Nicolao Timofti
- 9 Novembris — Comitiis ad praesidium Civitatum Foederatarum nuper conclusis, Donaldum Trump victorem esse concedit Hilaria Clinton candidata devicta.
- 7 Novembris — Ioaneta Reno, advocata generalis Civitatum Foederatarum inter annos 1993 et 2001, mortua est
- 2 Novembris — Kim Byong-joon primus minister Coreae Meridianae nominatus est a praeside Bak Geunhye
- 31 Octobris — Ab hoc die reformatio a Martino Luthero ante 500 annos incepta per unum annum commemoratur.
- 31 Octobris — Michael Aoun praeses Libani electus est, comitiis parlamentariis iam antea quadragesies et quinquies vano habitis
- 30 Octobris — Terrae motus gravis altera magnitudinis 6.5 in pluribus regionibus Italiae mediae, praesertim in Umbria et Piceno facta est. De mortuis nihil refertus, vulnerati viginti circa. Inter alia aedificia Basilica Nursina Sancti Benedicti destructa est.
- 24 Octobris — Georgius Batlle, qui praeses Uruguaiae fuit ab anno 2000 usque in 2005, mortuus est
- 23 Octobris — Ḫalīfa ibn Ḥamad Āl Ṯānī, qui emirus fuit Quatariae ab anno 1972 usque in 1995, mortuus est
- 13 Octobris — Bhumibol Adulyadej rex Siamensium annum aetatis suae octogesimum et nonum, annum regni septuagesimum agens, mortuus est. Filius Vajiralongkorn successorem fore nuntiatur
- 13 Octobris — Darius Fo, auctor fabularum scaenicarum Italus, annum agens nonagesimum et primum mortuus est
- 3 Octobris — Christina Kaljulaid praeses Estoniae a parlamento electa est
- 29 Septembris — Emmanuel Issoze Ngondet primus minister Gabonis creatus est
- 28 Septembris — Simon Peres, qui minister a rebus externis et primus minister et praeses meruit Israëlis, annum agens nonagesimum et quartum mortuus est
- 3 Septembris — Evaristus Carvalho officium praesidis rei publicae Sancti Thomae et Principis suscepit
- 2 Septembris — Mors nuntiatur Islom Karimov praesidis Uzbeciae, qui ab anno 1990 princeps fuerat huius civitatis
- 31 Augusti — Vocibus senatorum Dilma Rousseff, usque adhuc praeses Brasiliae, ab officio demissa est successore Michaele Temer, qui iam ad interim praesidebat
- 30 Augusti — Emmanuel Macron, minister a rebus oeconomicis Francicus, demissionem suam protulit
- 24 Augusti — Gualterus Scheel, praeses Germaniae foederalis ab anno 1974 usque ad 1979, annum agens nonagesimum et octavum mortuus est
- 22 Augusti — Sellapan Ramanathan sive "S. R. Nathan", qui praeses Singapurae ab anno 1999 usque in 2011 meruit, annum agens nonagesimum et tertium mortuus est
- 13 Augusti — Francisca Mallet-Joris, scriptrix mythistoriarum Francogallica origine Belgica, mortua est
- 2 Augusti — Ahmed Zewail, chemicus Aegyptius qui apud Institutum Technologiae Californiense laboravit praemiumque Nobelianum anno 1999 meruit, mortuus est
- 28 Iulii — Aemilius Zinsou, senator olim Francicus et praeses Dahomeae, annum agens nonagesimum et nonum mortuus est.
- 27 Iulii — Petrus de Jong, olim minister a munitione et primus minister Batavus, annum agens centesimum et secundum mortuus est.
- 26 Iulii — Cracoviae XV. Dies Iuvenum Totius Orbis apertus est.
- 26 Iulii — In praefectura Kanagava Iaponiae impetu traiciendi saltem undeviginti homines mente debiles necati sunt
- 23 Iulii — Thorbjörn Fälldin qui bis primus minister Sueciae meruit, annum agens nonagesimum et primum mortuus est
- 15 Iulii — Grex virium armatarum Turcicarum tumultum militarem orsus est
- 14 Iulii — Nicaeae in urbe Franciae die festo rei publicae Franciae plaustrum in turbam vectum plus quam 80 homines occidit
- 13 Iulii — Theresa May prima ministra regni Britanniarum inducta est, antecessore Davide Cameron
- 12 Iulii — In Apulia Italiae concurso duorum traminum viginti tres homines perierunt
- 7 Iulii — Quinque custodes publici a sclopetatore necati sunt Dallasii in urbe Civitatum Foederatarum Americae
- 3 Iulii — Michael Rocard, primus minister Franciae 1988-1991, mortuus est
- 3 Iulii — Bagdati duabus insidiis tromocraticis 125 necati et 150 vulnerati sunt
- 1 Iulii — Post obsidium ruptum Daccae in urbe Bangladesae captorum 20 mortui sunt
- 1 Iulii — Ivo Bonnefoy, poëta Francicus, annum quartum et nonagesimum agens mortuus est
- 30 Iunii — Rodericus Duterte, praeses Philippinarum electus, et Perfectus Yasay secretarius a rebus externis, officium susceperunt
- 28 Iunii — Propter insidias in aëroportu Constantinopolis locatas Turciae quadraginta quattuor homines interfecti sunt
- 25 Iunii — Guðni Thorlacius Jóhannesson praeses Islandiae eligitur
- 23 Iunii — Britannorum fere 52% per suffragium societatem Unionis Europaeae reiiciunt. Die insequenti David Cameron primus minister demissionem suam profert
- 20 Iunii — Virginia Raggi Romae, Clara Appendino Augustae Taurinorum urbibus praefectae eliguntur
- 12 Iunii — Quinquaginta homines impetu Orlando in urbe Floridae in taberna homophylophilorum interfecti et alii quinquaginta vulnerati sunt.
- 11 Iunii — Christina Grimmie, clavicina et carminum compositrix, post concentum musicum suum telo traiecta est.
- 8 Iunii — Quattuor homines insidiis in Telavivo Israëlis interfecti sunt.
- 8 Iunii — Petrus Aubert, olim consiliarius a rebus externis qui bis praeses Confoederationis Helveticae meruit, mortuus est
- 7 Iunii — Undecim homines insidiis in Constantinopole Turciae interfecti sunt.
- 5 Iunii — Petrus Paulus Kuczynski praeses Peruviae electus est.
- 3 Iunii — Mahometus Ali, pugil Americanus, mortuus est.
- 1 Iunii — Cuniculus radicalis Gothardianus sub Alpibus Helvetiae, 57 chiliometrorum, longissimus cuniculus ferroviarius sine statione ferroviaria, apertus est.
- 31 Maii — Mahometus Abdelaziz, Rei Publicae Democraticae Arabicae Saharensis praeses, mortuus est.
- 31 Maii — Dies mundialis sine tabaco
- 24 Maii — Binali Yıldırım primus minister Turciae creatus est
- 22 Maii - Alexander Van der Bellen (munus petens contra Norbertum Hofer) praeses Austriae electus est.
- 19 Maii — Egypt Air Volatus 804 a Lutetia Cairum versus profectus supra mare Mediterraneum cum 56 vectoribus et 10 aëronauticis praecipitatus est.
- 14 Maii — Eurovisionis Certamen Musicum 2016 Holmiae in capite Sueciae diebus 10, 12 et 14 (certamen finale) Maii celebratur. Prensant quadraginta duae nationes.
- 12 Maii — Michael Temer praeses ad interim Brasiliae inductus est, titulo praesidis Dilmae Rousseff suspenso
- 9 Maii — Reinholdus Mitterlehner officium cancellarii Austriae ad interim suscepit, Wernero Faymann demissionem suam proferente
- 7 Maii — Sadiq Khan praefectus Londinio electus est, primus Mussulmanorum qui urbi Europae occidentalis capitali praesit
- 21 Aprilis — Prince, musicus et cantor Americanus mortuus est
- 16 Aprilis — Aequatoria gravi terrae motu (gradus 7.8) late percussa est. Cuius ictus etiam in Peruvia Columbiaque sensi sunt.
- 16 Aprilis — Bini terrae motus interficiunt saltem 40 homines et pluribus quam 3000 aliis apud Ximum in Iaponia nocent.
- 14 Aprilis — Vladimirus Hrojsman primus minister Ucrainae creatus est
- 12 Aprilis — Ioannes Robertus Casaleggio, informaticus et politicus Italianus, mortuus est
- 8 Aprilis — Papae Francisci exortatio postsynodalis Amoris Laetitia promulgata est
- 2 Aprilis — Trần Đại Quang praeses Vietnamiae electus est (praecessore Trương Tấn Sang)
- 31 Martii — Emericus Kertész, auctor Hungaricus praemio Nobeliano litterarum laureatus, mortuus est
- 31 Martii — Zaha Hadid, architecta internationalis origine Iracensis, mortua est
- 31 Martii — Ioannes Theodericus Genscher, olim Germaniae minister rerum externarum, anno aetatis nonagesimo mortuus est
- 24 Martii — Ioannes Cruyff, olim illustris pedilusor Nederlandicus, mortuus est
- 22 Martii — Bruxellis incursionibus tromocraticis in aëroporto et in Ferrivia subterranea 34 homines necati et plus 100 vulnerati sunt
- 18 Martii — Guido Westerwelle, olim minister rerum externarum Germanus, mortuus est
- 15 Martii — Htin Kyaw, politicae Aung San Suu Kyi sectator, praeses Birmaniae electus est
- 10 Martii — Anita Brookner, scriptrix mythistoriarum Anglica, mortua est
- 9 Martii — Marcellus Rebelo de Sousa praeses Portugalliae rite inductus est
- 6 Martii — Raimundus Tomlinson, computator Americanus qui systema cursus electronici hodie a fere omnibus usitati primus invenit, mortuus est
- 6 Martii — Anna Reagan, praesidis Civitatum Foederatarum Ronaldi Reagan vidua, annum agens quintum et nonagesimum mortua est
- 19 Februarii — Humbertus Eco, scriptor Italianus, mythistoriae Il nome della rosa gratia illustris, annum agens octagesimum quartum mortuus est
- 19 Februarii — Harper Lee, scriptrix Americana, mythistoriae To Kill a Mockingbird gratia illustris, annum agens nonagesimum mortua est
- 16 Februarii — Petrus Boutros-Ghali, qui secretarius generalis Nationum Unitarum annis 1992-1996 meruit, annum agens quartum et nonagesimum mortuus est
- 12 Februarii — Patriarcha Moscuensis Cyrillus et papa Franciscus Havanae in Cuba collocuti sunt
- 11 Februarii — Ioannes Marcus Ayrault minister rerum externarum Franciae factus est, praecessore Laurentio Fabio
- 11 Februarii — regimen Māris Kučinskis, novi primi ministri Lettoniae, a parlamento confirmatum est
- 11 Februarii — Charlot Salwai primus minister Vanuatuensis electus est
- 30 Ianuarii — Franciscus Flores, qui praeses Salvatoriae annis 1999-2004 meruit dollariumque Americanum in locum monetae patriae suae imposuit, mortuus est
- 24 Ianuarii — Marcellus Rebelo de Sousa praeses Portugalliae electus est, Hannibali Cavaco Silva successor
- 21 Ianuarii — Edmunda Charles-Roux, scriptrix Francica, praeses annis 2002-2014 Academiae Goncourt, annum agens sextum et nonagesimum mortua est
- 20 Ianuarii — Paulus Filip primus minister Moldaviae creatus est
- 18 Ianuarii — Glenn Frey, musicus Americanus, annum agens sexagesimum septimum mortuus est
- 16 Ianuarii — Uagadugu impetu tromocratico in deversorio Splendid triginta homines occisi sunt
- 14 Ianuarii — Alanus Rickman, histrio britannus, annum agens septuagesimum mortuus est
- 10 Ianuarii — David Bowie, clarissimus musicus, annum agens septuagesimum mortuus est
- 5 Ianuarii — Petrus Boulez, compositor et dux orchestrarum, annum agens primum et nonagesimum mortuus est
- 1 Ianuarii — Gulielmus Zsigmond, photographus cinematographicus Hungaricus, annum agens sextum et octogesimum mortuus est
2015[fontem recensere]
- 30 Decembris — Elementa chemica 113, 115, 117, 118 ab eruditis Iaponensibus et Americanis necnon Russicis reperta esse nuntiatur
- 30 Decembris — Georgius Kvirikašvili, usque adhuc minister rerum externarum, primus minister Georgiae creatus est
- 19 Decembris — Curtius Masur, qui dux fuit orchestrae philharmonicae Neo-Eboracensis annis 1991–2001, mortuus est
- 9 Decembris — Guido Parmelin ad Consilium Foederale Helveticum electus est, quod munus die 1 Ianuarii 2016 suscipiet.
- 8 Decembris — Papa Franciscus Iubilaeum extraordinarium anni 2016 incepit et portam sanctam aperuit
- 7 Decembris — Laimdota Straujuma, prima ministra Lettoniae, propter altercationes inter ministros demissionem regiminis sui protulit
- 29 Novembris — Rochus Marcus Christianus Kaboré praeses electus est civitatis Burkina Faso
- 24 Novembris — Regimine Portugallensi Petri Passos Coelho a legatis parlamentariis demisso, Antonius Costa, factionis socialisticae praeses, primus minister factus est
- 24 Novembris — Tunete in Tunesia incursione tromocratica contra laophorium multos homines necati sunt
- 22 Novembris — Mauritius Macri electiones in Argentina vicit
- 20 Novembris — Bamako in Malia incursione tromocratica in deversorio 21 homines necati sunt
- 13 Novembris — Lutetiae septem incursionibus tromocraticis in stadio, concentus aula Bataclan et multis tabernis plus 125 homines necati et 200 vulnerati sunt (vide Impetum Lutetiae Novembri 2015)
- 12 Novembris — Beryti duobus incursionibus tromocraticis plus 40 homines necati et 200 vulnerati sunt
- 10 Novembris — Helimutus Schmidt, olim Cancellarius foederalis Germanicus, annum agens septimum et nonagesimum mortuus est
- 8 Novembris — Factio Foedus Nationale pro Democratia a Aung San Suu Kyi ducta electiones in Myanmar vicit
- 7 Novembris — Isaac Navon, olim praeses et minister ab eruditione Israëlis, annum agens quintum et nonagesimum mortuus est
- 30 Octobris — Bucarestae incendium viginti septem homines necat
- 29 Octobris — Vidyādevī Bhaṇḍārī praeses Nepaliae inducta est, praecessore Rāmavaraṇa Yādava
- 25 Octobris — Factio Ius et Iustitia, a Beata Szydło ducta, electiones Parlamenti Polonici vicit
- 19 Octobris — Iustinus Trudeau electiones Parlamenti Canadensis vicit
- 14 Octobris — Matthaeus Kérékou, qui annos fere unum et triginta praeses Benini meruit, mortuus est
- 14 Octobris — Nurlan Balgimbaev, olim primus minister Kazachstaniae, mortuus est
- 12 Octobris — Georgius Konrote, e Rotuma insula ortus, praeses electus est Vitiorum
- 10 Octobris — insidia tromocratica in Turcia inter pompam pro pace quasi centum homines necat
- 9 Octobris — Galfridus Howe, olim minister rerum externarum necnon cancellarius scaccarii Britannicus, annum agens nonum et octogesimum mortuus est
- 9 Octobris — Praemium Nobelianum pacis societati Tunesiensi Quartet du dialogue national concessum est.
- 8 Octobris — Praemium Nobelianum litterarum scriptrici Svetlanae Alexievich tributum est
- 7 Octobris — Praemium Nobelianum chemiae studiorum de acidi desoxyribonucleici restitutione gratia Thomae Lindahl, Paulo Modrich et Aziz Sancar tributum est
- 6 Octobris — Arpadus Göncz, praeses Hungariae ab anno 1990 usque in 2000 et interpres litterarum Anglicarum, annum agens quartum et nonagesimum mortuus est
- 6 Octobris — Praemium Nobelianum physicae Takaaki Kajita et Arturo B. McDonald tributum est
- 5 Octobris — Praemium Nobelianum physiologiae et medicinae Gulielmo Campbell, Satoshi Ōmura et Tu Youyou tributum est
- 4 Octobris — episcoporum catholicorum synodus de familia incepit
- 3 Octobris — Dionysius Healey, politicus Anglicus factionis Laboris, cancellarius scaccarii 1974–1979, annum agens nonum et nonagesimum mortuus est
- 25 Septembris — Ioannes Boehner, Camerae Repraesentantium Civitatum Foederatarum praefectus, se e munere removit
- 24 Septembris — Franciscus, primus papa, in Camera Repraesentantium Civitatum Foederatarum orationem habet
- 16 Septembris — Gilbertus Diendéré, miles Burkina Faso, princeps huius civitatis fit, praeside Michaele Kafando in carcerem misso
- 15 Septembris — Milcolumbus Turnbull primus minister Australiae factus est, praecessore Antonio Abbott electionibus factionalibus devicto
- 12 Septembris — Ieremias Corbyn dux factionis Laboris Britannicae factus est
- 11 Septembris — Tolleno magnus ruit in meschitam urbis sanctae Saudianae Mecca, necans saltem 107 homines.
- 10 Septembris — Arlene Foster prima ministra Hiberniae Septentrionalis ad interim facta est, Petro Robinson demissionem suam proferente
- 5 Septembris — Germania multos homines, qui ex oriente profecti in Europa ius asyli petunt, accepit
- 3 Septembris — Alexander Maldonado Aguirre, postquam Otto Pérez Molina se e munere removit, novus Guatemalae praeses factus est
- 31 Augusti — Wes Craven, moderator cinematographicus Americanus, cancere mortuus est
- 30 Augusti — Oliverius Sacks, illustris neurologus et scriptor Americano-Britannicus, cancere mortuus est
- 17 Augusti — Ladislaus Paskai, cardinalis Hungaricus Strigonii mortuus est
- 17 Augusti — Bancoci plus viginti homines incursione tromocratica necati sunt
- 13 Augusti — urbe Sinica Tianjin in officinis iuxta portum sinistro casu incendis et deflagrationibus plus quinquaginta homines necati sunt
- 7 Augusti — Francisca Oldham Kelsey, pharmacologiae perita et medica Canadensis, quae medicamentum Thalidomid, embryonibus gravia detrimenta creans, in Civitatibus Foederatis Americae prohibere fecerat, mortua est
- 6 Augusti — Andreas Duda praeses Poloniae inauguratus est, qui successit Bronislao Komorowski
- 4 Augusti — Samuel Odaka, olim minister a rebus externis Ugandae, mortuus est
- 27 Iulii — Sebastianus Vassalli, scriptor Italianus, mortuus est
- 26 Iulii — Christophorus Froome iterum circuitum Franciae vicit
- 26 Iulii — Flora MacDonald, olim ministra a rebus externis Canadensis, anno aetatis suae nonagesimo mortua est
- 21 Iulii — Edgarus Laurentius Doctorow, scriptor Americanus, mortuus est
- 14 Iulii — Novi Horizontes speculatrum spatiale gravitationale, die 19 Ianuarii 2005 proiectum, remotissimam planetulam Plutonem ex proximo praeteriit
- 10 Iulii — Omar Sharif, histrio cinematographicus Aegyptius, mortuus est
- 9 Iulii — Saʿūd ibn Fayṣal ibn ʿAbd al-ʿAzīz, qui minister a rebus externis Arabiae Saudianae quadraginta annos meruit, Angelopoli mortuus est
- 5 Iulii — papa Franciscus iter per Americam Australem (Aequatoriam, Boliviam et Paraquariam) incepit.
- 1 Iulii — Nicolaus Georgius Winton, qui multos liberos Iudaeorum ex Czechoslovakia a Nazistis servaverat, mortuus est.
- 26 Iunii — eodem die multi homines incursionibus tromocraticis in Tunesia, Francia, Cuvaito et Somalia necati sunt
- 26 Iunii — Eugenius Primakov, olim minister a rebus externis et primus minister Russiae, Moscuae mortuus est
- 18 Iunii — secunda papae Francisci encyclica epistula sub titulo Laudato si editur. Haec encyclica de oecologia et de calefactione globali agit.
- 17 Iunii — Suleimanus Demirel, olim Turciae praeses et minister primus mortuus est
- 15 Iunii — Magnae Chartae, antehac octingentis annis factae, iubilaeum in Anglia celebratum est
- 14 Iunii — Philae, vehiculum exploratorium quod a die fere 12 Novembris 2014, cometa 67P/Churyumov-Gerasimenko nuper attacta, tacebat, subito nuntia mittere coepit
- 7 Iunii — Christophorus Lee, histrio, mortuus est Londinii.
- 5 Iunii — Tāriq 'Azīz, diurnarius et politicus Iraci Christianus e populo Chaldaeo ortus, mortuus est captivus
- 5 Iunii — Ameenah Gurib-Fakim praeses Mauritiae inducta est
- 2 Iunii — Iosephus Blatter, praeses iam ab anno 1998 societatis FIFA nuperque confirmatus sed propter corruptelas illius societatis diffamatus, se demissionem petiturum nuntiavit
- 1 Iunii — Nicolaus Liverpool, olim praeses insulae Dominicae, mortuus est
- 1 Iunii — Iacobus Parizeau, politicus Canadensis, olim primus minister Quebeci, mortuus est
- 1 Iunii — Carolus Kennedy, politicus Scotus, dux olim factionis liberalis democraticae Britannicae, mortuus est
- 30 Maii — Michael Saakašvili, recenter praeses Georgiae, civitatem Ucrainicam accepit gubernatorque regionis Odessensis creatus est
- 24 Maii — factio Podemos electiones communales Hispanicas vicit
- 24 Maii — pellicula Dheepan a moderatore cinematographico Francico Iacobo Audiard ducta palmam auream Canuae festum vicit
- 24 Maii — episcopus Anscharius Romero beatus proclamatus est
- 23 Maii — Magnus Zelmerlöw, cantor Suecicus, Cantus Eurovisionis Certamine victoriam carminis Heroes gratia reportavit
- 22 Maii — populus Hibernicus matrimonium inter homines homophylophilos accepit
- 21 Maii — urbs Palmyra a Civitate Islamica capta est
- 18 Maii — Halldór Ásgrími filius, qui Islandiae primus minister annis 2004-2006 meruit, mortuus est
- 15 Maii — Dzhokhar Tsarnaev, insidiarum tromocraticarum auctor, qui mense Aprili 2013 Bostoniae tres homines necaverat, plus 250 vulneraverat, capitis damnatus est
- 13 Maii — Gravi traminis casu Philadelphiae septem homines necati sunt; plus 200 vulnerati
- 7 Maii — David Cameron, iam minister primus ab anno 2010, iterum electiones Parlamenti Britannici vicit
- 29 Aprilis — ʿĀdil al-Jubair ministerium rerum externarum Arabiae Saudianae adsumpsit, antecessore principe Saʿūd ibn Fayṣal, qui hoc officium ab anno 1975 exsecutus erat
- 25 Aprilis — Terrae motu prope Catmandum Nepaliae caput facto quinque fere milia hominum interierunt
- 24 Aprilis — Ladislaus Bartoszewski, politicus et historicus et Iudaeorum fautor Polonus, qui recentius minister a rebus externis meruit, annum agens quartum et nonagesimum mortuus est
- 21 Aprilis — Mahometus Mursī, politicus Aegyptianus, ad viginti annos in carcere degendos damnatus est
- 19 Aprilis — Aelius Toaff, illustris rabbinus Italianus, aetate gravissima mortuus est
- 16 Aprilis — Stanislaus Gross, olim primus minister Cechiae, sclerosi laterali amyotrophica affectus mortuus est
- 15 Aprilis — Sūryabahādura Thāpā, quinquies primus minister Nepaliae, mortuus est
- 14 Aprilis — Percy Sledge, cantor Civitatum Foederatarum, mortuus est
- 13 Aprilis — Eduardus Galeano, editor et scriptor de re politica Uruguaianus, mortuus est
- 13 Aprilis — Guntherus Grass, scriptor Germanicus, anno 1999 Praemio Nobeliano Litteraturae laureatus, mortuus est
- 12 Aprilis — Hilaria Clinton nuntiat se candidatam Civitatum Foederatarum Americae praesidis in electionibus anni 2016 fore.
- 11 Aprilis — Franciscus Maspero, editor et scriptor Francicus, filius Sinologi Henrici Maspero [fr] qui in castris carceralibus iuxta Buchenwald [de] obierat, annum agens quartum et octagesimum mortuus est
- 8 Aprilis — Ioannes Ludovicus Crémieux-Brilhac, miles Franciae liberae et rerum gestarum scriptor, annum agens nonum et nonagesimum mortuus est
- 31 Martii — nuntiatur Machometum Buhari electiones in Nigeria vicisse ergo novus Praeses fore
- 30 Martii — Anna Jara, prima ministra Peruviae, vocibus Congressus Peruviani demissa est
- 26 Martii — Thomas Tranströmer, poëta Suecicus et laureatus Nobelianus, mortuus est
- 24 Martii — 148 homines aeroplano Germanico prope urbem Francicam Diniam ex alto deiecto perierunt
- 23 Martii — Lee Kuan Yew, illustris politicus Singapureanus mortuus est
- 20 Martii — defectio solaris (in imagine eclypsis anno 1999) in Europae borealis parte ad occidentem versus
- 18 Martii — Tunete plus viginti homines incursione tromocratica in museo Bardo necati sunt, alii breviter obsides in aedificio manserunt
- 17 Martii —Factio Likud a Beniamino Netanjahu ducta Israelis electiones vicit.
- 14 Martii — huracanum Pam insulam Vanuatu vastat
- 13 Martii — Papa Franciscus Iobeleum singularem misericordiae dicatum a die 8 Decembris 2015 usque ad diem 26 Novembris 2016 nuntiat.
- 9 Martii — Athletae Francici tres, Florentia Arthaud, Camilla Muffat, Alexius Vastine, collisú helicopterorum in Argentina interfecti sunt
- 6 Martii — speculatrum spatiale Dawn in planetulae Cereris orbitam ingreditur
- 5 Martii — ruinas urbis Assyriorum Chale seu Nimrud iussu civitatis Islamicae Iraci et Levantis deletas esse nuntiatur
- 1 Martii — Tabaré Vázquez praeses Uruguaiae inductus est, praecessore Iosepho Mujica
- 27 Februarii — Boris Nemtsov praesidis Vladimiri Putin adversarius , Moscuae a sicariis necatus est.
- 27 Februarii — Leonardus Nimoy, histrio Americanus; natus anno 1931, mortuus est per chronicum obstructivum pulmonis quo ab multis annis Leonardus adflicteretur.
- 26 Februarii — Sheppard Frere, archaeologus Britanniae Romanae, annum agens nonagesimum et nonum mortuus est
- 26 Februarii — Hannibal Fernández princeps consilii ministrorum Argentinensis creatus est, Georgio Capitanich demisso
- 26 Februarii — Avijit Roy, religionis adversarius , Daccae a sicariis religiosis gladiis necatus est.
- 22 Februarii — pellicula Birdman or (The Unexpected Virtue of Ignorance) a moderatore cinematographico Alexandro González Iñárritu ducta Praemium Academiae pelliculis optimis data accepit
- 21 Februarii — incendium turrem The Torch in Abu Dhabi devastat
- 20 Februarii — conventus de rebus oeconomicis inter Graeciam et alias Unionis Europaeae civitates pactus est.
- 18 Februarii — Prokopis Pavlopoulos praeses Graeciae electus est. Novum mandatum die 13 Martii 2015 rite suscipiet
- 17 Februarii — Jeb Bush nuntiat se candidatum electionibus praesidentialibus anno 2016 fore
- 14 Februarii — Hafniae duo homines incursione tromocratica necati et quinque vulnerati sunt
- 14 Februarii — Jafar Panahi, moderator cinematographicus Iranianus, pelliculae eius Taxi gratia praemium primum anno 2015 Internationale Filmfestspiele Berlin vicit
- 14 Februarii — grex musicus Il Volo carminis Grande amore (scilicet "Amor magnus") gratia Villae Matucianae Musicum Festum vicerunt.
- 31 Ianuarii — Sergius Mattarella a parlamento et a delegatis regionalibus praeses rei publicae Italicae electus est
- 31 Ianuarii — Ricardus de Weizsaecker, annis 1984-1994 praeses Germaniae, mortuus est
- 29 Ianuarii — Colleen McCullough, mythistoriarum scriptrice Australiana, mortua est
- 27 Ianuarii — Carolus Townes, physicus Americanus qui propter inventionem laserorum Praemio Nobeliano laureatus est, annum agens centesimum mortuus est
- 26 Ianuarii — Factione SYRIZA comitiis Graecis victrice, Alexius Tsipras primus minister inductus est, successor Antonio Samara
- 25 Ianuarii — Artemius Russus, cantor Graecus Alexandriae natus, mortuus est
- 25 Ianuarii — Edgarus Lungu praeses Zambiae creatus est, successor Michaeli Sata qui anno 2014 mortem obiit
- 23 Ianuarii — ʿAbd Allāh, rex Arabiae Saudianae, annum agens nonagesimum primum mortuus est, successore fratre natu minori Salmān (picto)
- 21 Ianuarii — Leo Brittan, olim secretarius rerum internarum Britannicus et commissus Europaeus, mortuus est
- 15 Ianuarii — Philippus Nyusi praeses Mozambici inductus est, antecessore Armando Guebuza
- 14 Ianuarii — Petrus Grasso praeses ad interim Italiae merere incepit, Georgio Napolitano recedente
- 12 Ianuarii — Ioannes Bayley, litterarum Anglicarum eruditus, maritus olim Iridis Murdoch, mortuus est
- 11 Ianuarii — Kolinda Grabar-Kitarović praeses Croatiae electa est, antecessore Ivone Josipović
- 11 Ianuarii — Anita Ekberg, actrix cinematographica Suecica, annum agens quartum et octogesimum mortua est
- 10 Ianuarii — Franciscus Rosi, moderator cinematographicus Italicus, mortuus est
- 9 Ianuarii — Maithrīpāla Sirisena praeses Taprobanae electus est, antecessore Mahendra Rājapakṣe
- 7 Ianuarii — Collaboratores diarii satyrici Parisiensis Charlie hebdo, scilicet editor Stephanus Charbonnier, delineatores Georgius Wolinski, Ioannes Cabut, Bernardus Verlhac, Philippus Honoré (pictus), scriptores Elsa Cayat et Philippus Maris necnon alii incursione tromocratica necati sunt
- 7 Ianuarii — Thaddaeus Konwicki, mythistoriarum scriptor et cinematographus Polonus, mortuus est
- 4 Ianuarii — Franciscus papa viginti viros die 15 Februarii cardinales creandos proclamavit, inter quos Aethiopem Berhaneyesum Demerew Souraphielem archiepiscopum Neanthopolitanum.
- 3 Ianuarii — Eduardus Brooke, qui primus nigricolorum comitiis publicis ad Senatum Civitatum Foederatarum delegatus erat, annum agens sextum et nonagesimum mortem obiit. (necrologia)
- 1 Ianuarii — Marius Cuomo, ab anno 1983 ad 1994 Novi Eboraci gubernator, mortuus est.
Nota bene[fontem recensere]
Oportet nuntios unum vel duo recentissimos semper in formula Vicipaedia:Pagina prima/Nuntii inserere: hi in pagina prima videbuntur.