Seoul
Seoul (kor. 서울, Ussprooch: [sʌ.ul] loose?/i) isch d Hauptstadt vo Südkorea. Vom 29. Novämber 1394 bis dass Korea 1910 ins Japanische Kaiserriich iigliideret worde isch, isch Seoul d Hauptstadt vo Korea gsi, denn bis dass Korea in Nord- und Südkorea ufdäilt worden isch, d Hauptstadt vo dr japanische Browinz Chōsen. Au noch dr Verfassig vo Nordkorea hätt Seoul d Hauptstadt sötte wärde, in ere Verfassigsänderig isch aber im Dezämber 1972 Pjöngjang zur Hauptstadt vo dr Volksrepublik worde.
Die äigentligi Stadt Seoul het 9,8 Millione Iiwohner (2010); in dr Metropolregion Seoul, wp vilmol as Sudogwon (수도권, 首都圈) bezäichnet wird und wo au d Millionestedt Incheon und Suwon drzue ghööre, lääbe öbbe 23,8 Millione Mensche (2010).[1] Übbe d Helfti vo alle Südkoreaner läbe eso in dr Stadt Seoul oder in äinere vo iire Satellitestedt. D Seouler Metropolregion Sudogwon gältet as zwäitgrösste Balligsruum uf dr Wält noch Tokio-Yokohama.
Seoul isch nit nume die grössti Stadt, sondern au s Handels-, Industrii-, und Kulturzentrum vo Südkorea. 1988 isch d Stadt Gastgääber vo de Olympische Summerspiil gsi und 2002 häi dört Spiil vo dr Fuessball-Wältmäisterschaft stattgfunde.
Weblingg[ändere | Quälltäxt bearbeite]
![](http://web.archive.org./web/20170305180206im_/https://upload.wikimedia.org/wikipedia/commons/thumb/4/4a/Commons-logo.svg/12px-Commons-logo.svg.png)
- Offizielle Website in koreanisch bzw. änglisch
- Sehenswürdigkeiten in Seoul (zämmengstellt vo dr Korea Tourism Organization)
- Räisreportaasche vom Adrian Lobe über d Stilli in dr Stadt
Fuessnoote[ändere | Quälltäxt bearbeite]
- ↑ Statistics Korea: Volkszelig 2010
![]() |
Dä Artikel basiert uff ere fräie Übersetzig vum Artikel „Seoul“ vu de dütsche Wikipedia.
E Liste vu de Autore un Versione isch do z finde. |