Alexander die Grote
Alexander die Grote | |
---|---|
Koning van Makedonië, Hegemon van die Griekse Liga, Shahanshah van Persië, Farao van Egipte en Heerser van Asië | |
![]() Alexander die Grote op sy perd Bucephalus (mosaïek oor die Slag by Issos 333 v.C.)
|
|
Tydperk | 336 v.C. – 323 v.C. |
Grieks | Μέγας Ἀλέξανδρος (Mégas Aléxandros, Grote Alexander) Ἀλέξανδρος ὁ Μέγας (Aléxandros ho Mégas, Alexander die Grote) |
Huis | Argeïese Dinastie |
Voorganger | Philippos II |
Opvolger | Alexander IV Philippos III |
Gebore | 20 of 21 Julie 356 v.C.; Pella, Makedonië |
Oorlede | 10 of 11 Junie 323 v.C.; Babilon |
Vroue | Roxana van Bactrië Stateira II van Persië Parysatis II van Persië |
Kinders | Alexander IV |
Vader | Philippos II |
Moeder | Olymbias van Epirus |
Alexander die Grote (Grieks: Mέγας Αλέξανδρος, 20 of 21 Junie 356 v.C. – 10 of 13 Junie 323 v.C.) was die koning van Makedonië. Hy het op 'n jong ouderdom beheer oor Griekeland, Egipte en die meeste lande oos van die Middellandse See tot so ver as Indië oorgeneem. Hy het ook talle stede gestig, waaronder Alexandrië in Egipte. Hy word as een van die grootste militêre leiers in die geskiedenis beskou.
Alexander is in 356 v.C. in Pella gebore. Hy word tot die ouderdom van 16 deur die beroemde filosoof, Aristoteles, opgelei. In 336 v.C. kom hy aan bewind nadat sy vader, Philippos II van Makedonië, vermoor is.
Hy het die strydende Griekse stadstate verenig en het in nege jaar die Persiese Ryk (Persië) en die Antieke Egipte verower tot en met die grense van Indië. Daarna het hy die verowering van Arabië beplan.
Vandag nog is daar 'n betowering in die naam van die man wat meer as tweeduisend jaar gelede in Babilon op die ouderdom van 32 jaar aan malaria of tifus oorlede is. In Europa en Asië word hy steeds as 'n groot veldheer onthou.[1]
Naas Djengis Khan is Alexander die tweede grootste veroweraar van grondgebied.
Verwysings[wysig | wysig bron]
- ↑ (en) “Kingdoms of the Successors of Alexander: After the Battle of Ipsus, B.C. 301”. 1800–1884. URL besoek op 2013-07-27.
Eksterne skakels[wysig | wysig bron]
Wikimedia Commons het meer media in die kategorie Alexander die Grote.
- (en) Alexander the Great of Macedonia: from history to eternity
- (en) Alexander's Home on the Web
- (en) The Archaeological Site of Vergina
- (en) A genealogy of Alexander focusing on his ancestry
|