Leipzig
Coordenadas: 51°20′N 12°23′L / 51.333, -12.383
| Leipzig | |
|---|---|
 |
 |
 |
|
| Vista da cidade | |
| Situación xeográfica | |
  Leipzig
|
|
| País |  Alemaña |
| Estado | Saxonia |
| Distrito | Distrito urbano |
| Xeografía | |
| Altitude | msnm |
| Superficie | 297,60 km² |
| Poboación | |
| Poboación | 531.582 hab. (2013) |
| Densidade | 1.800 hab/km² |
| Información | |
| Código postal | 04001-04357 |
| Alcalde | Burkhard Jung (SPD) |
| Páxina web | Páxina oficial da Leipzig |
Leipzig (
son (axuda · info); IPA: [ˈlaɪpt͡siç]) é unha Kreisfreie Stadt (cidade independente) no noroeste de Saxonia (Alemaña) na confluencia dos ríos Pleiße, Weiße Elster e Parthe e ten 297.60 km².
Os seus 520.838 habitantes fana a cidade máis poboada de Saxonia.
A corporación municipal está composta por 19 concelleiros do SPD, 19 do PDS, 19 do CDU, 7 dos Verdes, 3 do FDP, 1 do DSU, 1 do FORUM e 1 outros.
O primeiro documento no que aparece a localidade data do ano 1015. Trala concesión do foro e dos privilexios de comercio no ano 1165, desenvolveuse como importante punto comercial no centro de Europa, cun dos mercados máis antigos do mundo, que data do ano 1190, e a imprenta tivo unha grande importancia.
Xa no ano 1165 a cidade recibiu o dereito de cidade e mercado (agora recinto feiral). Desde entón, Leipzig converteuse nun dos centros de comercio máis importantes de Europa central. A cidade ten unha longa tradición de recinto feiral unha das feiras máis antigas (1190) de Europa. Xunto con Francfort é Leipzig o centro histórico da imprenta e do comercio. Ademais, na cidade atópase unha das universidades máis antigas de Alemaña. Nas últimas dúas décadas, Leipzig foi o centro das manifestacións dos luns (Montagsdemonstrationen) de 1989, as cales lle deron o impulso necesario á reunificación alemá.
En Leipzig, ademais, atópanse unha das universidades e escolas superiores de música máis antigas de Alemaña. A cidade conta cunha grande tradición musical, principalmente debida á actividade de Johann Sebastian Bach e de Felix Mendelssohn Bartholdys e afianzada pola orquestra da Gewandhaus de Leipzig e polo coro da igrexa de Tomás.
Índice
División da cidade[editar | editar a fonte]
Leipzig componse de 10 distritos (Stadtbezirk) con 63 barrios históricos.
Os siguientes distritos limitan coa cidade de Leipzig:
| Krostitz | Jesewitz | ||
| Schkeuditz | Rackwitz | Taucha | |
.svg) |
Borsdorf | Brandis | |
| Markranstädt | Markkleeberg | Naunhof | |
| Kitzen | Zwenkau | Großpösna | |
Transportes[editar | editar a fonte]
A cidade dispón desde 1917 de autobuses e tranvías que conectan todos os barrios da cidade entre si. Ademais, estase a construír un metro para certas liñas do tranvía. Leipzig ten tamén un tren suburbano que a conecta coas cidades e vilas próximas dun xeito rápido e efectivo. En 1915 inaugurouse a estación de ferrocarril da cidade, a cal aínda hoxe está en uso e conecta a Leipzig con todo o país. Os aeroportos máis próximos son:
- Aeroporto de Leipzig/Halle, a 15 quilómetros de Leipzig.
- Aeroporto de Leipzig-Altenburgo, a 42 quilómetros de Leipzig.
Persoas destacadas[editar | editar a fonte]
Leipzig é o lugar de nacemento de moitas persoas destacadas, tales como o filósofo e científico Gottfried Wilhelm Leibniz (1646), o compositor Richard Wagner (1813), o historiador da arte Nikolaus Pevsner (1902), o tipógrafo Jan Tschichold (1902), o pintor Max Beckmann o o socialista Karl Liebknecht (1871).
Moitas outras personalidades traballaron durante gran parte da súa vida na cidade, tales como Johann Sebastian Bach, que morreu nella en 1750, e Felix Mendelssohn Bartholdy, o filósofo Friedrich Nietzsche, o premio nobel de física Werner Heisenberg, a política Angela Merkel ou o construtor de automóbiles August Horch.
Die Prinzen é un grupo de música famoso en todo o país, cuxos integrantes estudaron no Conservatorio Superior Felix Mendelssohn-Bartholdy. O grupo comezou a súa carreira musical a finais dos oitenta e foi un dos poucos "produtos" orixinarios da República Democrática Alemá que logrou manter a súa popularidade na Alemaña reunificada. Die Prinzen contan con 14 discos de ouro e 6 de platino (até 2001), entre outros moitos premios.
Till Lindemann, cantante da banda Rammstein, naceu tamén nesta localidade.
Desde outubro de 2010[1] o Departamento de Translatoloxía e Lingüística Aplicada[2] da Universidade de Leipzig conta cun lectorado de galego [3] e outro de catalán.
Notas[editar | editar a fonte]
Véxase tamén[editar | editar a fonte]
Outros artigos[editar | editar a fonte]
| Listaxe | Cidade | Estado | Pob. | Listaxe | Cidade | Estado | Pob. |  Berlín  Hamburgo  Múnic |
|---|---|---|---|---|---|---|---|---|
| 1 | Berlín | Berlín | 3.531.201 | 11 | Leipzig | Saxonia | 531.809 | |
| 2 | Hamburgo | Hamburgo | 1.810.698 | 12 | Dresden | Saxonia | 529.781 | |
| 3 | Múnic | Baviera | 1.378.176 | 13 | Hannover | Baixa Saxonia | 525.875 | |
| 4 | Colonia | Renania do Norte-Westfalia | 1.017.155 | 14 | Nürnberg | Baviera | 510.602 | |
| 5 | Frankfurt | Hessen | 691.518 | 15 | Duisburgo | Renania do Norte-Westfalia | 488.005 | |
| 6 | Stuttgart | Baden-Württemberg | 613.392 | 16 | Bochum | Renania do Norte-Westfalia | 373.976 | |
| 7 | Düsseldorf | Renania do Norte-Westfalia | 592.393 | 17 | Wuppertal | Renania do Norte-Westfalia | 349.470 | |
| 8 | Dortmund | Renania do Norte-Westfalia | 580.956 | 18 | Bonn | Renania do Norte-Westfalia | 327.913 | |
| 9 | Essen | Renania do Norte-Westfalia | 573.468 | 19 | Bielefeld | Renania do Norte-Westfalia | 323.395 | |
| 10 | Bremen | Bremen | 548.319 | 20 | Mannheim | Baden-Württemberg | 314.931 | |
| Datos do censo de 2011 | ||||||||
Ligazóns externas[editar | editar a fonte]
|
|
 |
Este artigo sobre xeografía é, polo de agora, só un bosquexo. Traballa nel para axudar a contribuír a que a Galipedia mellore e medre.
Existen igualmente outros artigos relacionados con este tema nos que tamén podes contribuír. |
