Analgesiko

Analgesikoa mina kentzeko edo gutxitzeko erabiltzen den sendagaien multzoa da, potentziaren arabera mailatan sailkatzen direnak. Izan ere, hasierako mailakoak "aspirina" eta parazetamol ezagunak daude, azken mailakoen artean morfina dugun bitartean.

Bestela, nerbio-sisteman non eragiten duten arabera bi multzotan banatzen ditugu, zentralak edo periferikoak alegia.

Hasierako mailakoak

Hasierako mailako analgesikoak edo txikiagoak opioaren familiakoak ez direnak ditugu, alde batetik aspirina eta antiinflamatorio ez esteroideoen (AIEE) multzokoak eta bestetik parazetamol eta metamizol ezagunak.

Azken mailakoak

Azken mailako analgesikoak edo handiagoak opioaren familiakoak dira:

• Tramadol
• Fentanilo
• Buprenorfina
• Oxikodona
• Morfina

Laguntzaileak

Min kronikoa tratatzeko, bestelako sendagai laguntzaileak erabiltzen dira analgesikoekin batera, ohikoenen artean Karbamazepina, Gabapentina, Pregabalina eta Amitriptilina.

Ikus, gainera

• Anestesia
• MOEren eskailera analgesikoa

Kanpo loturak

Wikimedia Commonsen badira fitxategi gehiago, gai hau dutenak: Analgesiko

• (Ingelesez)"The Oxford Pain Internet Site"