Nepali

"राष्ट्रिय उद्यमी सम्मेलन व्यवसाय गर्न चाहने हरुका लागि पनि"

गैर आवासीय नेपाली संघ अस्ट्रेलिया द्वारा सिड्नीमा आयोजना गर्न लागिएको पहिलो राष्ट्रिय उद्यमी सम्मेलन हाल निजि व्यवसायमा संलग्न रहेका र भविष्यमा व्यवसाय सुरुगर्ने सोचिरहेका सबैका लागि उपयुक्त हुने बताउँछन् एनआरएनए अध्यक्ष सुरेन्द्र सिग्देल। निशुल्क प्रवेश रहेको उक्त सम्मेलन आगामी ५ फेब्रुअरीको दिन हुँदै छ।

तेजु चौहान भए वर्षकै उत्कृष्ट नागरिक

भुटान बाट नेपाल हुँदै अस्ट्रेलिया पुगेका नेपाली भाषी तेजु चौहानलाई न्यु साउथ वेल्स राज्यमा रहेको वोडोंगा नामक शहरको २०१७ उत्कृष्ट नागरिकको उपाधि द्वारा सम्मानित गरिएको छ। अस्ट्रेलिया दिवसको अवसरमा प्रधान गरिएको उक्त पुरस्कार र आफ्नो सामुदायिक कामबारे तेजु चौहानले एसबीएस नेपालीलाई यसो बताए।

जागृतिको बीउ रोप्दै - गायक, रचनाकार र कवि केनेड प्रधान

सिड्नी निवासी गायक, रचनाकार, लेखक र कवि केनेड प्रधानले हालै आफ्नो कविता संग्रह प्रकाशित गरेका छन् र आफ्नो एक नयाँ सांगीतिक एल्बम पनि सार्वजनिक गर्ने तैयारीमा उनि रहेका छन्। आगामी १९ फेब्रुअरीमा आयोजना हुने एक कार्यक्रममा प्रधानले आफ्नो गीत सिड्नीका श्रोताहरु समक्ष प्रस्तुत गर्दै छन्। कार्यक्रमका आयोजक रहेको येस ह्युमानिटी नामक संस्थाका ओम कृष्ण श्रेष्ठ र प्रधानले एसबीएस नेपालीसँग गरेको कुराकानी।

ट्रम्पविरुद्ध व्यापक जन-प्रदर्शन

अमेरिकी राष्ट्रपति डोनाल्ड ट्रम्पविरुद्ध लाखौ मानिसहरु अमेरिकी शहरमा विरोध प्रदर्शनमा उत्रिएका छन्।

अपेक्षा गरिए भन्दा ठूलो संख्यामा प्रदर्शनकारीहरु विरोधमा उत्रिएका छन् र विश्वभरमा गरेर ६ सय भन्दा बढी र्यालीहरु भएको ठानिएको छ।