Himalaya
| Himaƚaia | |
|---|---|
 |
|
| Continente | Axia |
| Paexi |  Bhutan Cina India Nepal |
| Sima pì alta | Everest ( m s.l.m) |
| Longhesa | 2400 km |
| Larghesa | 250-400 km |
| Superfise | 600000 km2 |
| Età de ła caena | Eòsene |
| Tipi de roce | sedimentarie, plutoneghe e ofioƚiti |
Ƚa Himaƚaia (da le sanscrito हिमालय, hima (neve) + ālaya (caxa)) ƚa xe un sistema montuoxo de ƚa Axia meridional.
Ƚa separa ƚa pianura Indo-Ganġetica a sud da ƚi altopiani de ƚa Axia Sentral a nord, estendendose da el fiume Indo a ovest a el fiume Bramaputra a est.
Ƚa conprende 'na serie de caene a pieghe, co' andamento paraƚeƚo e diresion a grandi ƚinie ovest-nordovest-est-sudest, intra ƚe cuaƚi se cata de ƚe vaƚi e de ƚi altopiani. Ƚa caena prinsipaƚe ƚa conprende da oves a est el Nanga Parbat, el Nanda Devi, el Dhaulagiri, el Everest, el Kanchenjunga e el Namcha Barwa. Pi' a sud se cata ƚe caene de el Picoƚo Himaƚaia [1] e ƚi Siwalik[2]. Indando invese verso nord se cata ƚi Zaskar, ƚi Ladakh, ƚi Kailas e el Karakorum.
Ƚa oregenexi ƚa xe scominsiada int'el Eòsene inferior, co un secondo periodo int'el Plìosene; ma ƚa xe incora in corso, co' che dimostra ƚa intensa ativita sismega de ƚa rejon.
Ƚa conprende ƚe montagne pi' alte de ƚa Tera e ƚa xe 'na caena asimetrica, co un profiƚo meridional pi' ripido de cheƚo setentrional.
El versante meridional, batuo da el monson, el xe molto pi' piovoxo de cheƚo setentrional.
Tante porxion de ƚa caena ƚe ga 'na altesa superior a cheƚa de el ƚimite de ƚe nevi permanenti, roba che unia a ƚe presipitasion eƚevae ƚa ga permeso ƚa formasion de estexi giasari anca a ƚatitudini cusì base. Ƚa foresta ƚa riva a 4800 m. a est, a 4200 m. a ovest. Ƚe xone coltivae invese ƚe riva a 4650 m.
Ƚe maxoria de ƚa popoƚasion ƚa xe de orixene tibetana, ma inte ƚa banda osidental se cata anca indiani montai suxo da ƚa pianura.
