Himalaya

Montorio di Himalaya, en Azia.

Himalaya esas Aziana montaro. Nomo signifikas en Hindi linguo hima = (nivo) ed laya = montaro). Ol jacas inter Nepal, Bhutan, Chinia (regiono Tibet), India e Pakistan.

Lua maxim alta monto esas Everest kun 8850 metri di altitudo. En Himalaya jacas anke la monti K2, Annapurna, Cho Oyu, Dhaulagiri, Kangchenjunga, Lhotse, Makalu, Manaslu, Nanga Parbat ed Xixiabangma kun plu kam 8000 metri di altitudo.

Importanta Aziana fluvii, kom Indus, Ganga-Brahmaputra e Yangcekiang naskas en Himalaya. La regiono anke havas centi di lagi.

Himalaya esas recenta montaro: ol komencis kreskar pos koliziono inter Aziana ed Indo-Australiana kontinentala plaki cirkum 70 milioni yari ante nun, dum Kretaceo. L'Indo-Australiana plako kontinuas movar 67 milimetri omna yari. Kom rezulto, la monti di Himalaya kreskas 5 mm omna yari.