Salix
Salix, xéneru compuestu d'unes 400 especies[1] d'árboles y parrotales caducifolios dientro de la familia Salicaceae, distribuyese poles zones fríes y templaes del Hemisferiu Norte, principalmente en tierres húmedes.
Los miembros d'esti xéneru denominense comúnmente "sauces", en Asturies, Alceo, Salce, Salgueru; ente ellos cunta la especie más estensamente cultivada en tol mundu, el desmayu o sauce de Babilonia (S. babylonica), nativu de China.
Descripción[editar | editar la fonte]
Tolos sauces tienen la corteza aguacienta; la madera ye dura, flexible y de normal nidia. Tienen espodaes y fibroses cañes y de cutiu raigaños estoloníferas, que les sos característiques más notables son la so durez, largura y resistencia. Tamién desenvuelven fácilmente raigaños aéreos.
Les fueyes son típicamente elongades, anque tamién pueden ser redondes u ovalaes, con frecuencia de cantos serraos (en forma de sierra). La mayoría de les especies son caducifolies o semiperennes.
Son plantes dioicas (flores masculines y femenines en distintes plantes). Los amentos surden a principios de la primavera, de cutiu primero que les fueyes o coles mesmes.
La fertilización cruciada ye bien frecuente ente los miembros del xéneru, polo que se dan numberosos híbridos, tantu de forma natural como en cultivu.
Usos[editar | editar la fonte]
El so usu ye principalmente empobináu a la xardinería ornamental pero podemos atopar otres especies como'l sauce cabrunu (Salix caprea) que los sos biltos son una exquisitez pa les cabres o la blimal (Salix fragilis) que'l so uso pa realizar zarros de finques #compatibilizar cola idoneidad de les sos cañes pa la cestería.
Usos melecinales[editar | editar la fonte]
La corteza de sauce foi mentada n'antiguos testos d'Asiria, Sumeria y Exiptu como un remediu contra los dolores y fiebre y el médicu griegu Hipócrates escribió alrodiu de les sos propiedaes melecinales escontra'l sieglu V a. C.
L'estractu activu de la corteza llamáu salicina, foi aislláu na so forma cristalina en 1828 por Henry Leroux, —un farmacéuticu francés— y Raffaele Piria —un químicu italianu— quien entós tuvo ésitu en dixebrar l'ácidu nel so estáu puru, la salicina ye aceda nuna solución enchida n'agua, y ye llamada acedu salicílico por esa razón. En 1897 Felix Hoffman crea una versión sintéticamente alteriada (nesti casu derivada de la planta Spiraea) que yera menos problemática pa la dixestión que l'ácidu salicílico puru. La nueva sustanza, acedu acetil-salicílico foi nomada aspirina pola empresa farmacéutica Bayer AG. Esto dio-y una gran importancia al clasificase como melecina non esteroideo antiinflamatorio.
El símbolu del sauce ye l'eternu ciclu de la vida. N'efectu, na mitoloxía clásica, el sauce taba rellacionáu con Perséfone, que tenía un monte de sauces sol so advocación. Por un alcuerdu ente los dioses del Olimpo y el de los infiernos, Perséfone tenía que pasar la metá del añu nel submundo (seronda ya iviernu) y l'otra metá (primavera y branu) cola so madre, Démeter, la diosa de l'agricultura. Asina esplicaben l'orixe de la sucesión de les estaciones ya identificaben al sauce con esti ciclu añal.[2]
Ente los pueblos amerindios de les grandes praderíes, el sauce ye un árbol sagráu, de nuevu apaez como un símbolu del eternu anuevo cíclicu. Les fueyes cayen a la tierra y la so descomposición apurre alimentu al monte que renaz na siguiente primavera, asina añu tres d'añu. Al igual que les fueyes del sauce al cayer, los homes al morrer renacen nel gran espíritu.[2]
La muerte, la señardá, la eternidá, el ciclu de la vida, el destín qu'acaba cumpliéndose magar los nuesos esfuerzos por evitalo. Toos ellos son temes recurrentes en lliteratura, onde'l sauce apaez de cutiu. En xunu de 1940, dende l'esiliu, na Córdoba arxentina, Rafael Alberti escribe estos desgarradores versos.[2]
- Dexáime llorar a barcalaes,
- largamente como los sauces.
- Largamente y ensin consuelu.
- Podéis dolevos...
- Pero dexáime,
- Rafael Alberti, De los álamos y los sauces
Taxonomía[editar | editar la fonte]
El xéneru foi descritu por Carlos Linneo y publicáu en Species Plantarum 2: 1015. 1753.[3] La especie tipu ye: Salix alba L.
Salix: nome xenéricu latin del griegu isalos que significa llinia de flotación o pal sauce, les sos cañes y madera.[4]
Referencies[editar | editar la fonte]
- ↑ Mabberley, D.J. 1997.
- ↑ 2,0 2,1 2,2 Herrero Uceda, Miguel: "El alma de los árboles". 2008.
- ↑ «Salix». Tropicos.org. Missouri Botanical Garden. Consultáu'l 21 de diciembre de 2013.
- ↑ en Flora Vascular
