Uropa
Ang Uropa (Kinatsila: Europa, [ew'ɾopa]; Prinanses ug Iningles: Europe) usa ka kontinente nga nahimutang sa kasadpang bahin sa superkontinenteng Eurasia. Gipalibotan ang Uropa sa Kadagatang Artiko sa amihanan, Kadagatang Atlantiko sa kasadpan, Dagat Mediteranyo ug Dagat Itom sa habagatan, ug sa Kabukirang Ural sa sidlakan.
Kon ibase sa arya, ikaduha sa labing gamay nga kontinente ang Uropa. Kini adunay arya nga 10,400,000 km², mas dako'g gamay sa kontinente sa Awstralya.
Kon ibase naman ang populasyon, kini ang ikatulong pinakadakong kontinente sunod sa Asya ug Aprika. Adunay mga 666,498,000 ang populasyon niini niadtong tuig 2000, hapit ikapitong bahin sa populasyon sa kalibotan.
Mga Rehiyon[usba | edit source]
Ang Uropa gibahin ngadto sa lahi-lahing mga subrehiyon. Lahi-lahi ang mga depinisyon sa paglinyada sa mga nasod depende sa punto de bista.
Ang klasipikasyong rehiyonal sa mapa sa tuo gikategorisa sumala sa UN geoscheme nga gigamit sa Hiniusang mga Nasod. Aduna pay laing mga rehiyon, sama sa Uropang Mediteraneo, Uropang Sentral ug Balkan.