Internet

**Internet**

Zerbitzuak
Nabigazioa	World Wide Web Bilatzaileak Wikiak
Komunikazioa	Posta elektronikoa Posta elektronikoko zerrendak Txatak CMS Foroak RPV
Datuak	Zerbitzaruak FTP Web ostalariak Sareak P2P Sareak P2M
Multimedia zerbitzuak	Telefonia VoIP Internet bidezko Telebista eta Irratia Webcam-ak Online jokoak
Zerbitzu komertzialak	Salerosketa elektronikoa Banku elektronikoa

Interneteko hizkuntzak	Ingelesa (35,2%), Txinera (13,7%), Gaztelania (9%), Japoniera (8,4%) Alemana (6,9%), Frantsesa (4,2%)
Erabiltzaileak kontinenteka (2005)	Asia (34%), Europa (29%), Ipar Amerika (23%)

Internet mundu osoan zabalduta dagoen sareen sare erraldoi bat da. TCP/IP protokoloak erabiltzen dituzten milioika ordenagailu daude elkarbaturik. Internet bidez erabil daitezkeen zerbitzuen artean, Web zerbitzuaz kanpo, hurrengoak aurki ditzakegu: fitxategien transferentzia (FTP), posta elektronikoa (e-posta), elkarrizketak (txat) edo bat-bateko mezularitza. Batzuetan, Internet hitza World Wide Web "WWW"-ekin nahasten da, baina hau Interneten atal bat besterik ez da.

Internetek 1969an du jatorria. Urte horretan ARPANET izeneko konputagailuen lehen konexioa ezarri zen Estatu Batuetako Kaliforniako hiru unibertsitate eta Utahko beste baten artean.

Internet "munduko amarauna" planeta osokoa da eta informazio, astialdi, hezkuntza eta merkataritza zerbitzuak ematen ditu. 1996an 180 herritako 25 milioi ordenagailu baino gehiago zeuden "amaraun" handi honen barruan lotuta.