Neon

Neon
Siombail Cheimiceach	Ne
Uimhir Adamhach	10
Meáchan Adamhach	20.1797(6) g·mol
Grúpa, Peiriad	18, 2, p
Dlús	0.9002 g/L
Sraith Cheimiceach	Triathgháis

Is é an neon dúil cheimiceach uimhir a deich, agus is í an tsiombail cheimiceach atá aige ná Ne. Is triathghás é, agus mar sin, ní bhíonn comhdhúile ceimiceacha ar bith aige. Faoi ghnáth-imthoscaí, níl dath ar bith sa neon, ach is féidir é a úsáid le solas dearg a ghineadh i bhfeadáin folús-díluchtúcháin agus i neonlampaí. Is féidir é a úsáid le haghaidh cuisniú freisin. Baintear as an aer é le freastal ar riachtanaisí na teicneolaíochta, ach níl sé flúirseach san atmaisféar. Tá trí iseatóp cobhsaí aige, mar atá, ²⁰Ne, ²¹Ne agus ²²Ne, agus is é an chéad cheann acu an ceann is fairsinge.