Bolivia

Bolivia Kiōng-hô-kok tī Lâm Bí-chiu. Tang/pak ū Pa-se, lâm ū Paraguay kap Argentina, sai ū Chile kap Perú. Bô hái-hōaⁿ.

Ki-pún-chu-liāu

Uyuni

• Koaⁿ-hong gí-giân: Se-pan-gâ-gí, Quechua, Aymara
• Siú-to͘: Sucre
• Siang-toā ê siâⁿ-chhī: Santa Cruz de la Sierra
• Chóng-thóng: Evo Morales
• Bīn-chek: 1,098,580 km² (pâi tē-27-ūi)
• Jîn-kháu:
  • 8,586,443 (2000)
  • Bi̍t-tō͘: 8/km²

Keng-chè

Bolivia sī Lâm Bí-chiu siōng sàn ê kok-ka. Kok-lāi siōng hó-gia̍h ê tē-khu sī tang-pêng ê Santa Cruz, hit-tah oân-ná sī pe̍h-lâng hiō-tāi ê chèng-tī tiong-sim.

Bolivia ê thian-jiân-khì chu-goân sī Latin Bí-chiu tē 2 toā--ê (pâi toà Venezuela āu-piah). Sán-gia̍p tiong-sim tī Santa Cruz.

Jîn-kháu

Bolivia sī Latin Bí-chiu chió-sò͘ goân-chū-bîn pí kî-thaⁿ cho̍k-kûn khah chē ê kok-ka (lēng-goā 2 kok sī Guatemala kap Perú). Cho̍k-kûn pí-lē iok-ki-liōng sī 30% Quechua, 25% Aymara, 30% Mestizo (pe̍h-lâng lām goân-chū-bîn), 15% Au-chiu hiat-thóng. Iū-koh ū chió-sò͘ ê kî-thaⁿ goân-chū-bîn -- Chiquitano (180,000) kap Guaraní (125,000) -- kap î-bîn.

Hêng-chèng

Hêng-chèng tan-ūi

Bolivia pun 9 ê pō͘-mn̂g (departamentos):

• Chuquisaca (Sucre)
• Cochabamba (Cochabamba)
• Beni (Trinidad)
• La Paz (La Paz)
• Oruro (Oruro)
• Pando (Cobija)
• Potosí (Potosí)
• Santa Cruz (Santa Cruz de la Sierra)
• Tarija (Tarija)

Ē-kha koh-chài pun chò séng (provincias), kùn (cantones), kap tìn (municipalidades).