Bolivia
| República de Bolivia | |||||
|
|||||
| Lema nacional: ¡Morir enantes que esclavos vivir! | |||||
| Himnu nacional: Bolivianos, El Hado Propicio | |||||
 |
|||||
| Capital | Sucre1 | ||||
| Ciudá más poblada | Santa Cruz de la Sierra | ||||
| Llingües oficiales | Español, Quechua, Aymara y Tupí Guaraní | ||||
| Llingües reconocíes | {{{idiomes_reconocíos}}} | ||||
| Forma de gobiernu | República presidencialista Evo Morales |
||||
| Independencia • Declaración |
d'España 6 d'agostu de 1825 |
||||
| Superficie • Total • % agua |
Puestu 27º 1.098.581 km² 1,4% |
||||
| Población • Total • Densidá |
Puestu 85º 10.426.154 (2010, est.) 9,49 hab/km² |
||||
| PIB (PPA) • Total (2009 (est.)) • PIB per capita |
Puestu 91º US$45.110.000.000 4.600 (est.) |
||||
| Moneda | Bolivianu ($b) (BOB) | ||||
| Xentiliciu | Bolivianu,-a, -o | ||||
| Zona horaria • en Branu |
UTC-4 UTC-4 |
||||
| Dominiu d'Internet | .bo | ||||
| Códigu telefónicu | +591 |
||||
| Prefixu radiófonicu | CPA-CPZ |
||||
| Códigu ISO | 068/BOL/BO | ||||
| Miembru de: CSN, ONX, OEA, CAN, Mercosur2. | |||||
| Sitiu web del Gobiernu: |
|||||
| 1La Paz ye la sede de gobiernu, Sucre ye la capital xudicial y constitucional. 2Asociáu. |
|||||
Bolivia[1], oficialmente República de Bolivia 
(Pronunciación) , ye un país nel centru de Sudamérica. Llenda al norte y oeste con Brasil, con Paraguay y Arxentina al sur, y con Chile y el Perú al este.
Índiz
Hestoria[editar | editar la fonte]
Política y gobiernu[2][editar | editar la fonte]
Organización política[editar | editar la fonte]
L'actual Constitución boliviana foi aprobada en referéndum el 25 de xineru de 2009, y promulgada'l 7 de febreru d'esi añu. Ye la decimosesta que tien el país na so historia, y sustitúi a la que tenía dende 1967. Nella defínese'l país como un estáu xunitariu social de derechu, plurinacional, comunitariu, llibre, independiente, soberanu, democráticu, intercultural y descentralizáu, con dellos niveles d'autonomíes. La so forma de gobiernu ye la democracia participativa, representativa y comunitaria, con igualdá total d'homes y muyeres. El poder estatal organízase al traviés de los muérganos llexislativu, executivu, xudicial y electoral.
El poder executivu exércelu'l presidente del estáu. Esti ye elexíu, xunto col so vicepresidente, por sufraxu universal, obligatoriu, directu, llibre y secretu. El presidente, que necesita la mayoría absoluta de los votos pa selo y puede, poro, ser elexíu en primer o segunda vuelta, puede ser reelexíu namái pa un segundu mandatu. El presidente ye xefe del estáu, xefe del gobiernu y capitán xeneral de les fuerces armaes. El vicepresidente, pela so banda, preside l'asamblea llexislativa.
El poder llexislativu exércelu l'Asamblea Llexislativa Plurinacional, compuesta por dos cámares: el Senáu, con 36 miembros, y la Cámara de Diputaos, con 130 miembros. Los senadores representen a los nueve departamentos del país; caún escueye a cuatro. No que cinca a los diputaos, la metá d'ellos elíxense nos departamentos en circunscripciones uninominales. El restu escuéyense en circunscripciones plurinominales de les llistes encabezaes polos candidatos a presidente, vicepresidente y senadores. La Constitución manda que na eleición de los miembros de l'Asamblea ha haber igual participación d'homes y muyeres, y tamién una representación proporcional de les naciones indíxenes.
Al respective del poder xudicial, el so muérganu cimeru ye'l Tribunal Supremu. Los sos miembros escuéyense por sufraxu universal d'ente los candidatos qu'apruebe, con mayoría de dos tercios, l'asamblea llexislativa. La Constitución tamién reconoz la xurisdicción indíxena orixinaria campesina, que tien el mesmu nivel xerárquicu que la xusticia ordinaria.
La Constitución de 2009 recueye, por primer vez na historia'l país, un modelu autonómicu departamental, y tamién la descentralización rexonal, municipal y indíxena. Dexa afitao que los recursos naturales del país son propiedá del pueblu bolivianu, magar que ha ser l'estáu el que los alministre. El referéndum qu'aprobó la constitución aprobó tamién que l'estáu ha poder espropiar los latifundios improductivos de más de 5.000 ha.
Gobiernu[editar | editar la fonte]
El presidente del país ye, dende'l 22 de xineru de 2006, Juan Evo Morales Ayma, qu'entamó'l so segundu y últimu mandatu'l 22 de xineru de 2010. El so vicepresidente ye Álvaro García Linera. El presidente de la Cámara de Diputaos ye Héctor Arce, y el del Senáu René Martínez.
N'abril de 2012 hai nel país un total de 20 ministerios, que son los que vienen darréu:
- Presidencia: Juan Ramón Quintana.
- Defensa: Rubén Saavedra Soto.
- Gobiernu (Interior): Carlos Gustavo Romero.
- Relaciones Esteriores y Culto: David Choquehuanca.
- Economía y Cuentes Públiques: Luis Arce.
- Desarrollu Productivu y Economía Plural: Ana Teresa Morales Olivera.
- Trabayu, Emplegu y Previsión Social: Daniel Santalla.
- Hidrocarburos y Enerxía: Juán José Sosa.
- Planificación del Desarrollu: Viviana Caro Hinojosa.
- Educación: Roberto Aguilar Gómez.
- Obres Públiques, Servicios y Vivienda: Arturo Sánchez.
- Salú y Deportes: Juan Carlos Calvimontes.
- Minería y Metalurxa: Mario Virreyra.
- Xusticia: Cecilia Ayllón.
- Desarrollo Rural y Tierres: Nemesia Achacollo.
- Mediu Ambiente y Agua: Felipe Quispe Quenta.
- Autonomía: Claudia Peña.
- Cultures: Pablo Groux.
- Transparencia y Llucha escontra la Corrupción: Nardy Suxo.
- Comunicación: Amanda Dávila.
Partíos políticos y sindicatos[editar | editar la fonte]
Los principales partíos políticos del país son:
- Movimientu al Socialismu (MAS). El so presidente ye Juan Evo Morales Ayma.
- Plan Progresu Bolivia-Converxencia Nacional (PPB-CN). El so principal cabezaleru ye Manfred Reyes Villa.
- Movimientu Ensin Mieu (MSM). El so principal cabezaleru ye Juan Del Granado Cossío.
- Unidá Nacional (UN). El so principal cabezaleru ye Samuel Doria Medina Auza.
- Alianza Social (AS). El so principal cabezaleru ye René Joaquino Cabrera.
No que cinca a los sindicatos, el mayor d'ellos ye la Central Obrera Boliviana (COB), que tien de secretariu executivu a Pedro Montes González. La organización agrupa bien d'organizaciones sectoriales: la Federación Sindical de Trabayadores Mineros de Bolivia; la Confederación Sindical Única de Trabayadores Campesinos de Bolivia; la Confederación Sindical de Comunidaes Interculturales de Bolivia; la Confederación Xeneral de Trabayadores Fabriles; les confederaciones de Maestros Urbanos y Maestros Rurales; y la Confederación Sindical de los Trabayadores de la Salú. Hai otra central sindical sectorial, la Confederación Sindical de Xóferes de Bolivia, dirixida por Franklin Durán, que nun ta integrada na COB.
Xeografía[editar | editar la fonte]
Bolivia nun tien costa nel océano, pero túvola enantes de la Guerra del Pacíficu.
Los Andes atraviesen el so seutor occidental con altos que lleguen hasta los 6.542 m nel Nevado Sajama. Nel so seutor más oriental forma valles de clima caldio llamaos yungues hasta aportar a la llanura amazónica, el relieve más estendíu del país.
En Bolivia alcuéntrense dos vertientes hidrográfiques: la del ríu Amazones y la del llagu Titicaca. Ésti tienlu compartíu col Perú y na so cuenca asítiase tamién el salar d'Uyuni, el mayor llanu salín de la Tierra.
Economía[editar | editar la fonte]
Demografía[3][editar | editar la fonte]
La población estimada del país nel añu 2010[4] yera de 10.426.154 habitantes. Tocántenes a la so composición étnica, el 45% yeren amerindios (25% quechuas y 17% aymarás), el 31% mestizos, el 15% blancos, mayormente d'orixe español, y el 9% de la población quedaba agrupada nel apartáu otros.
Les principales ciudaes del país, ordenaes según la proyección de la so población en 2010[5] , son:
- Santa Cruz de la Sierra: 1.651.436 habitantes.
- El Alto: 960.767 habitantes.
- La Paz: 840.209 habitantes.
- Cochabamba: 618.384 habitantes.
- Sucre: 306.754 habitantes.
- Oruro: 232.265 habitantes.
- Tarija: 211.018 habitantes.
- Potosí: 167.439 habitantes.
Cultura[editar | editar la fonte]
Sitios declaraos Patrimonio Cultural de la Humanidá pola UNESCO
- Ciudá de Potosí (Cultural 11/12/1987)
- Misiones Jesuíticas de Chiquitos (Cultural 12/12/1990)
- Sucre, Ciudá Histórica (Cultural 13/12/1991)
- Fuerte de Samaipata (Cultural 5/12/1998)
- Ruines de Tiwanaku (Cultural 30/12/1987)
- Parque Nacional Noel Kempff Mercado (Natural 13/12/1991)
- Carnaval d'Oruro (Oral e Intangible 18/05/2001)
| Fecha | Nome |
|---|---|
| 1 de xineru | Añu Nuevu |
| febreru-marzu | Carnaval (2 díes) |
| marzu-abril | Viernes Santu |
| 1 de mayu | Día del Trabayu |
| xunu | Corpus Christi |
| 6 d'agostu | Aniversariu Patriu |
| 25 d'avientu | Navidá |
Referencies[editar | editar la fonte]
- ↑ Cartafueyos Normativos. Nomes de los países del mundu y de les sos capitales y xentilicios, Academia de la Llingua Asturiana, 2010; ISBN 987-84-8168-500-8
- ↑ Los datos recoyíos nesti apartáu tán sacaos del Anuario Iberoamericano 2012 del Real Institutu Elcano y l'Axencia Efe. Disponible en http://www.anuarioiberoamericano.es/
- ↑ Los datos recoyíos nesti apartáu tán sacaos del Anuario Iberoamericano 2012 del Real Institutu Elcano y l'Axencia Efe. Disponible en http://www.anuarioiberoamericano.es/
- ↑ Institutu Nacional d'Estadística y Censos de Bolivia
- ↑ Institutu Nacional d'Estadística y Censos de Bolivia
Enllaces esternos[editar | editar la fonte]
Wikimedia Commons tien conteníu multimedia tocante a Bolivia.- Portal del gobiernu de Bolivia
- RedBolivia Internacional
- Directoriu de sitios bolivianos
- Directoriu de Medios de Prensa
- Radiodifusión Boliviana
- Viceministeriu de Turismu
- Sistema D'Información Xeográficu Bolivia
- Constitución Política del Estáu
- Páxina de Prensa Independiente de Bolivia
- Análisis de la Educación en Bolivia
| Países d'América |
| Antigua y Barbuda | Arxentina | Islles Bahames | Barbados | Belize | Bolivia | Brasil | Canadá | Chile | Colombia | Costa Rica | Cuba | Dominica | República Dominicana | Ecuador | Estaos Xuníos d'América | Granada | Guatemala | Guyana | Haití | Hondures | México | Nicaragua | Panamá | Paraguay | Perú | El Salvador | Saint Kitts y Nevis | Saint Lucia | Saint Vincent y les Granadines | Surinam | Trinidad y Tobago | Uruguay | Venezuela | Xamaica
Dependencies: Anguilla | Islles Bermudes | Islles Caimán | Clipperton | Guadalupe | Guyana Francesa | Groenlandia | Islles Malvines | Islles Turques y Caicos | Montserrat | Martinica | Puerto Rico | Shag Rocks | Xeorxa del Sur y Sandwich del Sur |
