Bolivien
| Estado Plurinacional de Bolivia (Spa.) Wuliwya Suyu (Aym.) Bulibiya Republika, Buliwya Republika (Que.) Republik Bolivie |
|||||
|
|||||
| Wahlspruch: La unión es la fuerza (Span. für „D Einheit isch d Stärki“) |
|||||
| Amtspraach | Spanisch, Quechua, Aymara | ||||
| Hauptschtadt | Sucre | ||||
| Regierigssitz | La Paz | ||||
| Schtaatsform | Präsidialrepublik | ||||
| Staatsoberhaupt, und Regierigschef | Präsident Evo Morales | ||||
| Flächi | 1.098.581 km² | ||||
| Iiwohnerzahl | 9.119.152 (Quelle: CIA 2007) | ||||
| Bevölkerigsdichti | 8,3 Iiwohner pro km² | ||||
| Bruttoinlandbrodukt | 3.100 US-$ (Quelle: CIA 2006) | ||||
| Währig | Boliviano (in dr Umgangssprooch Peso) | ||||
| Unabhängigkeit | 6. August 1825 | ||||
| Nationalhymne | Bolivianos, el hado propicio | ||||
| Zitzone | UTC -4 | ||||
| Kfz-Kennzeiche | BOL | ||||
| Internet-TLD | .bo | ||||
| Vorwahl | +591 | ||||
 |
|||||
 |
|||||
Bolivie (span. Bolivia [boˈliβi̯a], isch noch em Bolívar so gnennt worde, uf Quechua und Aymara au Qullasuyu) isch e Binnestaat z Südamerika. Es gränzt im Weste an Peru und Chile, im Süde an Argentinie und Paraguay, im Oste und Norde an Brasilie.
Bevölkerig[ändere | Quälltäxt bearbeite]
Bolivie isch eins vo de ermste Länder in Südamerika. Öbbe 72% vo der Bevölkerig si Indianer, die ermsti Bevölkerigsschicht, 27,5% si Mestize. Dr Räst stammt zum grösste Deil vo de spanische Koloniste ab und kontrolliert ä grosse Deil vo dr bolivianische Wirtschaft.
Geografii[ändere | Quälltäxt bearbeite]
Dur Bolivie gönge zwäi groossi Chettene vo de Ande, wo wit usenander ligge und Spitze het, wo hööcher as 6500 m si (Sajama 6542 m, Illimani 6439 m). Zwüsche de Chettene lit s zentrale Hoochland, dr Altiplano, wo 3000 bis 4000 m hooch isch. Das Gebiet, wo au Däil vo de Noochberländer Peru und Argentinie drzueghööre, isch s äigetlige Kärnland, wo öbbe 80 Brozänt vo alle Bolivianer lääbe, au wenn s nume öbbe e Driddel vo dr Flechi vom Land usmacht. Zwüschen em Ostabhang vo de Ande und em ostbolivianische Bärgland ligge d Yungas uf ere Hööchi zwüsche 1200 und 1800 m ü. NN.
D Llanos mache dr grösst Däil vo dr Flechi vo Bolivie us und gönge vom ostbolivianische Bärgland bis an d Gränze vo Brasilie und Paraguay. Es isch e dropisch-häisses Diefland, wo nume dünn besiidlet isch und es het din die drochnige Savanne vom Gran Chaco und die dropische Räägewaldgebiet vo Amazonie.
Zmizt im Altiplano lit dr Titicacasee, dr höggsti See uf dr Wält, wo kommerziell schiffbar isch. D Gränze zum Noochberland Peru goot dur d Middi vom See.
Dr Salar de Uyuni isch e groossi Seenswürdigkäit z Bolivie. Er isch dr grössti Salzsee uf dr Wält und het e Flechi vo 12'000 km².
