Postre

Bels postres.

O postre ye o plato dulce que se mincha a la fin d'a comida, encara que asobén tamién se mincha fruita, más que más en verano que bi ha más variedat; quan se fabla de postres quiere dicir bella preparación dulce, bien sigan cremas, tartas, pastels, chelatos, bombons, ecetra.

Postres en Aragón

En Aragón bi ha asabelos postres arredol d'a suya cheografía. Bells eixemplos de postres d'Aragón son istos:

• As frutas d'Aragón que ya se feban dende a epoca romana cocendo-las en xarabe ta conservar-las, dimpués se cubrioron con chicolate.
• Os sospiros d'o monesterio de Casbas: tipicos d'a localidat de Casbas de Uesca, son una mezcla de claras de uego a punto de nieu y zucre.
• As tortas de l'alma d'o Mayestrato y d'as Cinco Villas, son feitas de farina de trigo, zucre, aceite d'oliva, matafalúa, mistela y "alma", una mermelada de carbaza feita nomás con zucre y miel.
• O coc de Fraga feita con pasta de farina que fermenta y se emplena de fruta fresca u frutos xutos.
• A trena d'Almudévar ye una pasta de refollato emplena de frutos xutos, pansas, nueces y almendra.
• Os pastillos de carbaza d'a Cinca Meya.
• As almojábanas de Daroca, Albarrazín y o Mayestrato son unos lamins de orichen arabe, replenos de crema. En Albarrazín son ditas Almojábanas de Ben Razín.
• As piedrecicas d'o Calvario d'Alcorisa son carambels con miel, zucre y almendra banyatos en chicolate.
• Os crespiellos (Semontano de Balbastro), crespells en Val de Robres de borraina rebozata y frita, dencima se i puet posar miel u zucre.
• O presco con bin.
• As castanyas de marzapán de Uesca.
• O mostillo de remolacha de Cantaviella u Osella
• O pan de figos, orichinario d'as tierras d'a Cinca Baixa
• O pastel ruso de Uesca.
• Os chaqueses de Chaca, un pastel de bizcocho con nata u crema.
• O pastel Biarritz de Balbastro, un pastel feito de uegos, zucre y almendras.