天主敎

天主敎係基督敎嘅一支。英文叫Catholic，嚟自希臘文καθολικός，即係普世宗教咁解。

天主敎通常係指羅馬天主敎，佢敎會係以拉丁禮法，同敎宗有關連。響呢種用法下，英文寫法Catholic一定要大楷。

天主教，又叫做公教，但係自從明朝以嚟就用”天主教”呢個名，而家已經成為正式嘅中文代詞 (因為佢唔用上帝、神等詞彙嚟稱呼所信仰嘅天主，而祗係用天主呢個詞)。)。神呢個字係天主教同有啲基督新教（聖公會）係異教嘅神咁解。係基督教咁多個教會當中，羅馬公教會（羅馬天主教）嘅信眾最多，全世界大概有11.3億，佔世界總人口17%，因此公教會（天主教會）呢個詞通常係指「同羅馬教宗共融嘅天主教會」

個名嘅由來同歷史

“公教會”嘅“公”原文起源於拉丁語嘅catholicus，意思係“普遍嘅”，翻譯成為中文“公”係取自「天下為公」嘅“公”，因為天主教徒 認為佢哋嘅教會係開放俾全部人嘅，而唔係特定個種族、階級，或者特定宗派嘅。

“公教會”呢個詞嘅出現早過而家嘅天主教會，喺宗徒信經：“聖而公教會（sanctam Ecclesiam catholicam）”，同埋尼西亞信經裡頭一句： “我信唯一、至聖、至公、從宗徒傳下來嘅教會（Et unam, sanctam, cathólicam et apostólicam Ecclésiam）”。

羅馬天主教會

內文： 羅馬天主教會

五世紀古羅馬東、西分裂以後，東羅馬帝國奉君士坦丁堡牧首為正宗，並演變成日後嘅東正教；而原首都羅馬保留的教廷，就成為咗分裂後西羅馬帝國嘅正宗，呢度就係“羅馬天主教會”呢個名嘅源由。

羅馬天主教係源自耶穌基督嘅正宗。佢哋嘅論據來自瑪竇福音第十六章18節，耶穌同聖伯多祿講嘅呢句話：“你是伯多祿（磐石），我要將我的教會建立在這磐石上。”；伯多祿喺瑪竇福音嘅名，喺巴勒斯坦嘅亞拉美語，係「刻法」（Cephas），喺亞拉美語正是「磐石」嘅意思，所以佢哋相信聖伯多祿係羅馬第一位主教，一直承袭到而家。而伯多祿啲繼承者，就係俾人叫做教宗嘅人，係全球天主教嘅最高領袖。

羅馬天主教會嘅統治範圍曾經俾人叫做教宗國，直到而家，教宗依然係梵蒂岡嘅元首。