Beldjike

Royåme di Beldjike
Koninkrijk België
Royaume de Belgique
Königreich Belgien

(Detays) (Detays)
Divize nåcionåle: Unis, c' est la l' foice (Eshonne, on est foirt) Eendracht maakt macht L'union fait la force Einigkeit macht stark
Lingaedje oficir	francès, neyerlandès, almand
Mwaisse veye	Brussele
Rwè	Flipe di Beldjike
Prumî minisse	Charles Michel
Sitindêye  - Totåle  - % aiwe	Classé 148inme 30.528 km² 6,20%
Peuplåcion  - Totåle (01-01-2015)  - Dinsité	Rindjî 79inme 11,190,845 dimorants 363,6 djins/km²
Dislaxhaedje  - Declarêye  - Ricnoxhowe	des Bas Payis 1830
Manoye	Uro
Coisse d' eure	ECG (ECG+1) / CEST (UTC+2)
Ime nåcionå	Li Braibançone
Dominne internete	.be
Preficse telefonike	32

Li Beldjike, c' est on payis di l' Urope do Coûtchant, k' a skepyî e 1831, après ene revintreye siconte do dierin mwaisse do payis, li Rwè do Rweyåme Uni des Bas Payis, Wiyåme d' Orandje.

Li Beldjike est on rweyåme avou ene mwaisse lwè.

Les dmanants el Beldjike sont lomés les Bedjes (on prononce pus sovint come e francès d' Walonreye les Belch).

Beldjike

Pårtixhaedje

Provinces

Li Beldjike est pårteye e 10 provinces :

• El Walonreye
  • Province di Lidje
  • Province di Nameur
  • Province do Roman Payis
  • Province do Hinnot
  • Province do Lussimbork

• El Flande
  • Province do Braibant flamind
  • Province d' Anverse
  • Province del Flande Coûtchantrece
  • Province del Flande Levantrece
  • Province do Limbork

Redjons economikes

Dispu les anêyes 1970, li Beldjike est pårteye e troes redjons economikes:

• li Flande al Bijhe.
• li Walonreye a Nonne.
• Brussele å mitan.

Pårtixhaedje po les sacwès cultureles

Les sacwès cultureles sont sol goviene di des cminåltés d' lingaedje :

• li Cminålté francès-cåzante u Cminålté Walonreye-Brussele.
• li cminålté flamind-cåzante.
• li Cminålté tîxhon-cåzante.

Comenes

Loukîz li djivêye des ptits bans del Walonreye

Les ancyinnes comenes (pitits bans) ont stî rebanés po fé des "intités comunåles" li 1î d' djanvî 1977. Divant çoula, gn aveut ddja yeu des ptits rebanaedjes. C' est l' minisse Joseph Michel k' a yeu l' no d' aveur metou ene alaedje çou k' on lome co sovint li "fuzion des comenes".

Li pus ptite comene di Beldjike, c' est Hestape.

Mwaisse lwè

Li Beldjike est dins l' cwatrinne di payis del Daegn k' ont wårdé l' minme mwaisse lwè dispu 175 ans (1831).

Istwere

Loukîz a : Istwere del Beldjike

Ahivaedje des frontires difoûtrinnes

Prumires frontires, nén ricnoxhowes do Rwè des Bas Payis

Loukîz a : Ahivaedje des frontires difoûtrinnes del Beldjike

Politike

Loukîz a : Politike del Beldjike

Lingaedjes

Li politike linwistike est ehåyeye dins l' mwaisse lwè, a l' årtike 30 ki dit :

L' uzaedje des langues djåzêyes el Beldjike est libe. I n' pout esse oblidjî ki påzès lwès et fok po les akes di l' otorité publike et po les cayets d' djustice.

Dins l' mwaisse lwè, il est eto metou ki tote lwè doet esse sinêye på rwè eyet onk di ses minisses. E 1831, c'esteut pår avanciveus, et sacwants payis, par après, ont rcopyî ci hagnon la.

Rapoirts avou les rlidjons

Li rapoirt inte l' estat et les eglijhes est acvierné pa les årtikes 11, 19, 20 et 24 del mwaisse lwè.

I n' ont måy sitî rcandjîs dins les mwintès refômes del constitucion.

I djhèt ki l' estat et les eglijhes ricnoxhowes ni si dvèt nén meler des afwaires di n' onk l' ôte. Mins l' estat paye les priyesses des diferinnès rlidjons.

Societé

• Les mariaedjes et les divoices sont contés dispu 1866 pa l' Institut nåcionål des Statistikes.

Divintrinnès hårdêyes

• Rilomés Bedjes

Difoûtrinnès hårdêyes

• (fr) Mwaisse lwè del Beldjike
• Tecse rigretant l' ahivaedje del Beldjike (so l' Aberteke)