Eventi +/-
en historio
ye 26 di novembro …
1922. En Egiptia, arkeologo Howard Carter deskovris gradi duktanta a la sepulteyo di Tutankhamon. Il balde trovis plura chambri di la tombo. Ne quale altra tombi, la kontenajo ne esis furtita en antiqua epoko. L' avanchambro kontenis multa objekti, inkluzanta la elementi di quar chari. La nura ornizita chambro esis la sepultochambro, en qua pikturi montris la rejo kun diversa dei. Quar orizita ligna santuarii cirkondis la sarkofago. Interne di la granita sarkofago esis tri sarki di diminutanta grandeso, e l'internala sarko esis ora e kontenis la kadavro di la rejulo.
1942. En New York, la filmo Casablanca esis unesmafoye vidata. La unesma vidado esis avancigata, de la projetita tempo dum printempo 1943, pro la invado en novembro 1942 aden nord-Afrika da la federita armeo. La chefa aktori en Casablanca esis Humphrey Bogart ed Ingrid Bergman. En la rakonto, Usano Rick Blaine (Bogart) esas proprietanto di amuzeyo en Kazablanka, Maroko, dum la duesma mondomilito; ibe il renkontras Ilsa Lund (Bergman), quan il ultempe amoris, e qua nun esas spozino di duktanto di Cheka rezistado.
2003. La lasta flugo di irga Concorde eventis, en Anglia de l'aeroportuo di Heathrow a Bristol. Concorde oficale retretis ye 24 di oktobro 2003; retreto dil aeroplani esis anuncata ye 10 di aprilo di ta yaro. Kauzi esis diminutata pasajero-nombri pos la mortiva acidento di 25 di julio 2000 en Francia, minmulta voyaji per aero pos la 9-11-ataki, e plu granda manteno-kusti.
|
|
|
Kunlaborez! +/-
Kick-boxing esas Angla termino deskriptiva por milital arti qua, quankam simila a boxo, uzas la pedi e anke la manui por frapar. Kick-boxing povas esar praktikesar por saneso generala, o kom kombat-sporto …
George Roger Waters (n. en 1943) esas Britaniana kompozisto, muzikisto e kantisto di rock. Ilu esis membro dil bando Pink Floyd.
Nanoteknologio esas la manipulo di materio ad atomala e molekulala nivelo.
La Biblioteko di Kongreso di Usa situesas en Washington DC ed okupas tri edificii (Edifico Thomas Jefferson, Edifico John Adams ed Edifico James Madison). Ol esas un ek la maxim granda biblioteki del mondo, kun plu kam 138 milioni dokumenti.
|
|
