Ulisses

Pels articles omonims, vejatz Ulisses.

Ulisses estacat a l'arbre de sa nau per cedir pas al cant de las serenas, Musèu Nacional Arqueologic d'Atenas (Inv. 1130)

Ulisses (en grèc ancian Ὀδυσσεύς / Odysseús, en latin Ulixes o Ulysses) es un dels eròis mai famoses de la mitologia grèga. Filh de Laèrtes e Anticlèa se marida amb Penelòpa que n'aurà un filh, Telemac. Es celèbre per sa mètis (« intelligéncia astuciosa »), que fa son conselh plan apreciat dins la Guèrra de Tròia. Es tanben per la "mètis" que se destria pendent lo periple long que coneis en tornant de Tròia, cantat per Omèr dins l'Odissèa.

L'eròi de l'Odissèa

Ulisses porgís de vin al Ciclòp, còpia romana d'un original de la fin de l'epòca ellenistica, Musèu Chiaramonti

Ulisses foguèt un guerrièr qu'a travèrs d'aquesta istòria, naveguèt amb sos companhs per arribar al seu lar e luchèt contra tot tipes de mostres.