ELSA Azerbaijan - National Moot Court Competition VI edition (TV format) 1/4 final Dream team vs. Rezident Director: Elmar Mammadov Dream team - Amil Zeynalov, Royal Maharramov Rezident - Fuad Osmanov, Jeyhun Khanishzade KAZUS İki dəfə oğurluq cinayətinə görə azadlıqdan məhrum edilmiş Cəfərov, məhkumluğu olmayan Bədəlov və yetkinlik yaşına çatmayan Zülfiyev əvvəlcədən razılaşaraq Soltanovun evindəki əşyaları talamaq qərarına gəlmişdir. Bunun üçün onlar 1 ay müddətində Soltanovu və onun evini təqib edir və talamanın planını hazırlayırlar. Soltanovun evdə olmayacağını əvvəlcədən bilən Cəfərov, Bədəlov və Zülfiyev Soltanovun mənzilinə daxil olmaq üçün Soltanova məxsus həyətdəki qarajın qapısını sındırır və qarajdan mənzilin ehtiyat açarını taparaq mənzilə daxil olurlar. Zülfiyev, Soltanovun gələcəyi halda dostlarını xəbərdar etmək üçün həyətdə dayanır. Həmin vaxt mənzildə olan Soltanovun 12 yaşlı oğlu qorxaraq havalandırma sistemində gizlənir. Mənzildən ümumi 9500 manat dəyərində zinət əşyaları, 250 ABŞ dolları və xalça talayan Cəfərov və Bədəlov, mənzili tərk etməmişdən bütün mənzili gəzir, sonra isə öz izlərini itirmək məqsədilə mənzili yandırırlar. Zülfiyev mənzili tərk edərkən Soltanovun oğlunun yanğında əzablı bir şəkildə yandığını görür, lakin mənzili tərk etməli olduğundan müdaxilə edə bilmir. Yanğın nəticəsində Soltanovun oğlu ölür. Mənzilin həyətində olan, Soltanovun qonşusu Dadaşova məxsus nəqliyyat vasitəsinin qapısının açıq olduğunu görən Cəfərov, Bədəlov və Zülfiyev nəqliyyat vasitəsinə minərək hadisə yerindən uzaqlaşırlar. Hadisədən bir neçə saat sonra Zülfiyev düşdüyü ağır pisixoloji vəziyyətin təsiri nəticəsində özünü asaraq intihar edir. Hadisə nəticəsində cinayət işi açılır. Hadisəni Cəfərovun törətməsindən şübhələnən Soltanov Cəfərovun evinə gedir və ona qarşı zor tətbiq edərək sonuncunun etiraf etməsinə nail olur. Cəfərovun danışıqlarını telefona qeyd edən Soltanov bu barədə hüquq-mühafizə orqanlarına məlumat verir. Cəfərov Soltanova Zülfiyev barədə heç bir məlumat vermir. Cəfərov təqsirləndirilən şəxs qismində cəlb edilir. Cinayət işi başladıqdan və təqsirləndirilənlər barəsində həbs qətimkan tədbiri seçildikdən 15 gün sonra Cəfərov əməlini etiraf edir. İstintaqa əməli bütün təfsilatları ilə danışan Cəfərov Zülfiyev barədə də istintaqa məlumat verir. Cəfərov oğurlanmış əşyaların Bədəlovda olduğunu iddia etsə də, Bədəlovun ölkə ərazisindən qeyri-qanuni yollarla Rusiya Federasiyasına qaçdığı məlum olur. İstintaq zamanı talanmış əşyalar tapılmasa da, həmin nəqliyyat vasitəsi hadisə yerindən 2 km aralıda, tərk edilmiş vəziyyətdə tapılır. Həmçinin aydın olur ki, talanmış xalça xüsusi mədəni dəyərə malik əşya hesab olunmuşdur. Cəfərov bundan xəbəri olmadığını iddia edir. Bədəlovunun istintaqa cəlb olunması mümkün olmadığından Bədəlov barədə cinayət işi üzrə icraat Cəfərov barədə cinayət işi üzrə icraatdan ayrılmışdır, Zülfiyev barədə isə cinayət işi üzrə icraata xitam verilmişdir. Şahid ifadələri: Soltanovun qonşusu Dadaşov: Hadisə baş verən günü özümü yaman narahat hiss edirdim, ele bil pis bir hadisənin baş verəcəyini əvvəlcədən hiss etmişdim, yoldaşmın da təkidi ilə avtomobilimi mənzilin həyətində qoyub işə getdim. Hardan biləydim ki, başımıza belə işlər gələcək? İşdən gələndə gördüm ki, maşın yoxdur, polisə müraciət etdikdən sonra xəbər çıxdı ki, tapılıb. Şükür, ailəmə heç nə olmayıb. Qonşumun övladına da rəhmət diləyirəm. (Səsi titrəyir, gözləri dolub, susur)

• published: 16 May 2017
• views: 325