Gibel

Gibel baten argazkia

Gibela sabelaren barruko organoa da, digestio-aparatua osatzen duenetarikoa. Diafragmaren azpian kokatuta dago, eta inguruko organoak ondokoak dira: behazun-xixkua, heste lodia, heste mehea, urdaila, barea eta area edo pankrea.

Anatomia

Gizakiaren gibelak 1.3-3 kilogramoko pisua dauka.

Lau lobulutan banatuta dago, eta horietako bakoitza hainbat segmentutan:

• Lobulu kaudatua:
  • 1. segmentua.
• Ezkerreko lobulua:
  • 2. segmentua.
  • 3. segmentua.
• Lobulu karratua:
  • 4. segmentua.
• Eskuineko lobulua:
  • 5. segmentua.
  • 6. segmentua.
  • 7. segmentua.
  • 8. segmentua.

Gibel zirkulazioa

Gibel zirkulazioan bi bide aipatu behar dira: bide aferentea (gibelean sartzen dena) eta bide eferentea (gibeletik ateratzen dena)

Bide aferentea

Porta benak eta gibel arteriak osatzen dute. Porta benak hesteetan xurgatutako solutuak dituen oxigeno gutxiko odola darama. Gibel arteriak aldiz, oxigeno askoko odola eramaten du. Porta bena benuletan banatuko da eta gibel arteria arterioletan.

Bide eferentea

Beheko kaba benak eta gibel benak osatzen dute. Hauek gibel gaineko benak bezala ezagutzen dira eta benulen elkartzetik sortzen dira.

Funtzioak

• Behazuna ekoizten du lipidoak liseritzeko
• Metabolismoaren erregulazioaz arduratzen da
• Babes sistemako proteina eta proteina plasmatiko gehienak sintetizatzen ditu
• Gai desberdinen gordailua da; lipidoak, proteinak, bitaminak, hormonak eta burdina metatzen dira
• Detoxifikazioaz eta gaien iraizpenaz arduratzen da
• Beste guruinek jariatutako hormonen efektua alda dezake

Lotutako gaixotasunak

• Hepatitisa.
• Zirrosia.

Kanpo loturak

Wikimedia Commonsen badira fitxategi gehiago, gai hau dutenak: Gibel

• (Gaztelaniaz) Sociedad Española de Aparato Digestivo
• (Frantsesez) Société Nationale Française de Gastroentérologie