Abando (auzoa)

Abando
Bilbo, Abando barrutia
Plaza Biribila.
Herrialdea Probintzia Udalerria	Euskal Herria Bizkaia Bilbo
Azalera	23 km²
Garaiera	1,17 m
Biztanleria	23.407 (2006)
Dentsitatea	20.006 bizt / km²
Abando Abando Abando
Koordenatuak:	43.26139°N,2.92722°W / 43.26139; -2.92722

Abando Bilboko auzoa da. 116,87 hektarea eta 23.407 biztanle dauzka. Izen bereko distrituan kokatzen da, seigarren distrituan alegia. Bilboko erdiguneko auzoa da, denda eta bulego gehienak biltzen dituena. XIX. mende bukaeran Bilbok Abandoko Elizatea anexionatu zuenean zabalgune gisa lehenik garatu zen auzoa izan zen. Bizkaiko eta Euskal Autonomia Erkidegoko Auzitegi Nagusiak Abandon daude.

Abandoko auzoaren erdigune tradizionala Albia lorategia izan dira betidanik. Huraxe izan zen Abandoko Elizateko plaza nagusia, Bilbok anexionatu aurretik. Auzoaren mugak Hurtado de Amezaga kalea eta Autonomia kalea ziren. Auzoak izaera erresidentziala izan du betidanik, hiriko etxebizitzarik handienak eta garestienak bilduz. Itsasadarraren ondoko lurrak bitartean izaera industrialagoa zeukaten.

Itsasadarrean ontziolak nagusitu ziren, batez ere Abandoibarrako Euskalduna ontziola. Horrez gain, ontzigintzarekin loturiko beste hainbat enpresa txikiago, eta gaien garraioan aritzen ziren beste hainbat enpresa. Gaur egun, industria itsasadarreko guneetatik erabat desagertu denean, gune horiek berrizten ari dira, antzina Bilboko portuak hartzen zituen Abandoibarra eta Uribitarteko guneak esaterako.

Ekonomia

Abandoko auzoan hiriko dendarik onenak eta garestienak daude, On Diego Lopez Haroko kale nagusia eta Moyua plaza bitarte "Urrezko milia" izenez ezagutzen den gunean. Gune hori Colon Larreategi eta Urkixo zumarkaleko lehen zatira hedatu da azken urteetan. 1969. urtean El Corte Inglések bere merkataritza zentroa zabaldu zuen Klae Nagusia eta Urkixo zumarkaleen artean.

Ekonomikoki gehien garaturiko auzoa da, guztira 41.874 enpresek dute egoitza Abandoko auzuan, Bilboko enpresen %27,57ak alegia. Saltokiei dagokienez, 1.829 daude guztira, 6.797 pertsona enplegatuz. Azalera komertziala guztira 220.993 metro karratukoa da

Kale garrantzitsuenak

• Mazarredo zumarkalea
• On Diego Lopez Haroko kale nagusia
• Urkixo Zumarkalea

Eraikinak

• Abandoko geltokia
• Sabin Etxea

Plazak

• Plaza Biribila

Parkeak

• Albia lorategiak
• Casilda Iturrizar Parkea

Ikus gainera

• Abandoko Elizatea
• Abando (barrutia)