Slovakii
Flag |
Valdkundznam |
Pälidn | Bratislav |
Eläjiden lugu (2013) | 5 415 949[1] ristitud |
Pind | 49 035[2] km² |
Kel' | slovakan |
Valdkundan pämez' | Andrei Kiska |
Päministr | Robert Fico |
Religii | hristanuskond |
Valüt | evro (€) (EUR)[3] |
Internet-domen | .sk[4] |
Telefonkod | +421 |
Aigvö | tal'vel UTC+1, kezal UTC+2 |
Slovakii (slovak.: Slovensko), oficialine nimituz — Slovakijan Tazovaldkund (slovak.: Slovenská republika), om mererandatoi valdkund Evropan keskuses. Pälidn da kaikiš suremb lidn om Bratislav.
Vspäi 2004 om EÜ:n da PAKO:n ühtnijaks.
Südäiolend
Istorii[redaktiruida | redaktiruida purde]
Vl 1993 vilukun 1. päiväl Slovakii sai ripmatomut Čehoslovakijan čihodamižen jäl'ghe.
Valdkundan konstitucii[5] (slovak. Ústava) tuli väghe vl 1992 redukun 1. päiväl, täuzin — ripmatomuden päiväl. Se om väges nügüd'-ki, möhembaižiden vajehtsidenke.
Geografijan andmused[redaktiruida | redaktiruida purde]
Slovakii om mavaldkundröunoiš Ukrainanke päivnouzmas (röunan piduz — 97 km), Mad'jaranmanke suves (627 km), Avstrijanke päivlaskmas (105 km), Čehanmanke lodehes (241 km) da Pol'šanmanke pohjoižes (541 km). Ühthine röunoiden piduz om 1611 km. Slovakii om mererandatoi valdkund.
Valdkundan kaikiš korktemb čokkoim om Gerlačovski Stit-mägi (2655 m).
Londuseližed pävarad oma bur hil', raudkivend da mahuz; toižed varad oma vas'kkivend, mangankivend, keitandsol.
Politine sistem[redaktiruida | redaktiruida purde]
Ohjandusen form om unitarine parlamentine tazovaldkund äjiden partijoiden sistemanke. Valdkundan pämez' om prezident (slovak. Prezident Slovenskej Republiky). Kaik rahvaz valičeb händast videks vodeks. Prezident paneb radsijha parlamentan ezinenahižen partijan liderad päministraks, mugažo ministriden palad parlamentan nevondan mödhe. Ku parlament ei voind vahvištada ohjastusen programad koume kerdad kun aigan, ka Prezidentale sab pästta parlamentad radmaspäi.
Parlament om üks'kodine Rahvahaline Nevondkund (slovak. Národná rada) 150 kaikel rahvahal valitud ezitajidenke 4 vodeks. Parlamentale sab heitta prezidentad radmaspäi äniden kuz' kümnendest enambusel.
Järgvaličendad parlamentha oliba vl 2012 keväz'kun 10. päiväl. Nügüdläine prezident om Andrei Kiska, hän om valitud kahtil änestuzturil vl 2014 keväz'kun 15. da 29. päivil (sai 59,38%).
Administrativiž-territorialine jagand[redaktiruida | redaktiruida purde]
Kacu kirjutuz: Slovakijan administrativiž-territorialine jagand.
Slovakii alajagase 8 agjaha (slovak. kraj) avtonomijan erasiden oiktusidenke. Agjad alajagase 79 rajonha (üks'lugu slovak.: okres).
Eläjad[redaktiruida | redaktiruida purde]
Slovakijas elädas slovakalaižed.
Toižed sured lidnad (enamba 75 tuh. ristitud vl 2013, surembaspäi penembha): Košice, Prešov, Žilin, Banska Bistric, Nitr. Vl 2013 kaik oli 138 lidnad valdkundas. Ristitišt da lidnad oma levitadud valdkundadme tazomäras.
Ižanduz[redaktiruida | redaktiruida purde]
Slovakijan päeksport om avtod da niiden varapalad (24%, mail'man lider avtoiden pästandan mödhe ühtele ristitule), videodisplejad (10%), elektromašiništ da radioladimišt (läz 10%), raudtegesed da teraz (läz 9%), rafiniruidud kivivoi da londuseline gaz (6%); toine eksport om šinad (2%), pörutüged (1%).
Homaičendad[redaktiruida | redaktiruida purde]
- ↑ Population on 31st December 2013. — Statistics Slovakia (portal.statistics.sk). (angl.)
- ↑ Slovakijan pind. — Mail'man faktoiden kirj (Cia.gov). (angl.)
- ↑ Edel 2009 vot — slovakijan kron.
- ↑ Mugažo .eu kuti EÜ:n ühtnii.
- ↑ Slovakijan Konstitucii Vikipurtkiš. (slovak.)
Irdkosketused[redaktiruida | redaktiruida purde]
- Slovakijan Tazovaldkundan parlamentan sait. (slovak.) (angl.)
- Slovakijan Tazovaldkundan prezidentan sait. (slovak.) (angl.)
- Slovakijan Tazovaldkundan ohjastusen oficialine sait. (slovak.) (angl.)
- Slovakijan Tazovaldkundan Statistikan radnikoičendan portal. (slovak.) (angl.)
Slovakii Vikiaitas |
Evropan valdkundad | ||
Alamad | Albanii | Andorr | Armenii1 | Azerbaidžan1 | Avstrii | Bel'gii | Bolgarii | Bosnii da Gercegovin | Čehanma | Danii | Estinma | Francii | Grekanma | Gruzii1 | Horvatii | Irlandii | Islandii | Ispanii | Italii | Kazahstan1 | Kipr1 | Latvii | Litvanma | Lihtenštein | Lüksemburg | Mad'jaranma | Makedonii | Mal't | Moldov | Monako | Mustmägi | Norvegii | Pol'šanma | Portugalii | Ročinma | Romanii | San Marino | Saksanma | Serbii | Slovakii | Slovenii | Suomenma | Sur' Britanii | Šveicarii | Turkanma1 | Ukrain | Vatikan | Vaugedvenäma | Venäma1 | ||
1 Om Azijas mugažo. |