Juliala kalendario
Romana kalendario funcionis ne-korekte. Dum yari la kalendario ne valoris por naturala yaro, e sacerdoti adjuntis plusa monati segunvole. Pro to Julius Caesar employis Egiptiana astronomo Sosigenes por novigar la kalendario.
Juliala kalendario havis 365 dii, ed en omna quaresma yaro juntesis a februaro un bisextila dio. La komenco di yaro esis translacata de marto a januaro. Anciena nomi di monati restis, do, exemple, okesma Romana monato oktobro divenis nun dekesma monato.
Segun dekreto di Caesar, on komencis uzar la nova kalendario en 46 aK. Ca yaro esis eceptale 445 dii longa. 50 yari pose Romana senato translacis un dio de februaro ad agosto. La motivo esis tre humana: la monato di Julius Caesar, do julio, havis 31 dii, e cezaro Augustus volis, ke anke sua monato, do agosto, esabus egale longa. Tale februaro kurteskis 28-dia.
Juliala kalendario esis 11 minuti e 14 sekundi plu longa kam naturala yaro, do dum 128 yari Juliala kalendario avaneskis un dio de naturala yaro. En koncilio di Trento en 1545–1563 on decidis novigar la kalendario, e ye 1582 Papo Gregorius la 13ma donis buloletro pri to, ke tayare on translacis de 4ma di oktobro direte a 15ma di oktobro.
|
|
|---|
| Vasta uzo: Gregoriala - Islama - Astronomiala |
| Historiala kalendarii: Babiloniana > Egiptiana > Romana > Juliala |
