New York

Kabahin sa estado ang kining artikulo, alang sa dakbayan adtoa ang Dakbayan sa New York.

Ang New York maoy usa ka estado sa amihanang-sidlakang Estados Unidos ug ang ikatulong estado base sa kadaghanon sa tawo. Giutlanan kini sa New Jersey ug Pennsylvania sa habagatan, ug Connecticut, Massachusetts ug Vermont sa sidlakan. May utlanang pangdagat kini sa Rhode Island nga nahimutang sidlakan sa Long Island, ug may utlanang internasyonal sa Ontario sa kasadpan, ug sa Quebec sa amihanan, mga probinsya sa Canada.