میانمار سے فرار ہونے والی خاتون حبیبہ نے کہا ہے کہ میانمار کے فوجیوں نے اسے اور اس کی اٹھارہ سالہ بہن سمیرا کو ایک ایک کر کے جنسی زیادتی کا نشانہ بنایا۔ یہ دونوں بہنیں تشدد سے فرار ہو کر بنگلہ دیش میں پناہ لیے ہوئے ہیں۔  

برطانوی پارلیمان نے ایک نئے لیکن بہت متنازعہ قانون کی منظوری دے دی ہے، جس کے تحت ریاستی اور پبلک سیکٹر کے اہلکار عملاﹰ ’ہر کسی کی جاسوسی‘ کر سکیں گے۔ اس قانون کے تحت ہر شہری کا انٹرنیٹ ریکارڈ حکام کی رسائی میں ہو گا۔  

تاحال غیر شائع شدہ ایک نئی رپورٹ کے مطابق اس مہینے ہونے والے امریکی صدارتی الیکشن سے قبل روس نے مبینہ طور پر پراپیگنڈا کرتے ہوئے ہلیری کلنٹن کے خلاف اور ڈونلڈ ٹرمپ کے حق میں ’نفیس طریقے سے جھوٹی خبریں‘ پھیلائیں۔  

خواتین اور بچوں کے حقوق کے لئے سرگرم ایک بین الاقوامی تنظیم کے تازہ ترین سروے کے مطابق بھارت میں انیس برس سے کم عمر کی تقریباً چالیس فیصد خواتین کو تشدد اور استحصال کا شکار بنایا جاتا ہے۔  

ویتنامی پولیس نے ایک بس میں سے ایک سو سے زائد زہریلے کوبرا سانپ اپنے قبضے میں لے لیے ہیں۔ ان زندہ سانپوں کو بڑے بڑے صندوق میں بند کر کے لے جایا جا رہا تھا۔  

جاپان میں جمعرات کے روز 54 برسوں میں پہلی بار نومبر میں برف باری ہوئی۔ جاپانی محکمہء موسمیات اس سلسلے میں سن 1875 سے ریکارڈ جمع کر رہا ہے۔  

فرانسیسی پولیس کا کہنا ہے کہ معروف بھارتی اداکارہ ملائکہ شراوت پر پیرس میں چند نقاب پوشوں نے  آنسو گیس کا اسپرے کیا اور اُن کے چہرے پر گھونسہ مارا ہے۔ یہ واقعہ پیرس کی ایک سپر مارکیٹ میں پیش آیا۔  

ایچ آئی وی کی کی وبا پر 2030ء تک قابو پایا جا سکتا ہے۔ اس کے لیے ضروری ہے کہ زیادہ تر نوجوان لڑکیاں خود کو کس طرح سے اس وائرس سے محفوظ رکھیں گی۔ ابھی تک ایچ آئی وی کے سب سے زیادہ نئے واقعات افریقہ میں سامنے آ رہے ہیں۔  

امریکی ریاست ورجینیا کے ایک ہسپتال میں یہ جاننے کے لیے کہ کیا ایک دو سالہ بچی کا دماغ مر چکا ہے یا نہیں، ٹیسٹ کیا جانا تھا، تاہم والدین اس ٹیسٹ کو رکوانے کے لیے عدالت جا پہنچے۔