Paries

't symbool van Paries, den Eiffeltoôrn

Paries (meêsta geweun Parijs) is de oôdstad van Frankriek. In de stad zelve weune 2 miljoen mens'n. Pak je groôt-Paries, dan kom je makkelek an 10 miljoen. De bienaem van Paries is de Lichtstad.

Paries is eên van de toônangevende steed'n van de waereld. Awast nie meer een van de groôste is 't we een van de belanriekste steên opt gebied van cultuur, mode en techniek. Dwars deu de stad stroômt de Seine.

Vanuut Zeeuws-Vlaonder'n rie'j in vier uurtjes nao Parijs.

Bezienswaerdighee'n

Paries is een stad die al vele eêuw'n mens'n antrekt. Toerist'n vinne dat er een romantische antrekkiengskracht van uutgaet.

• Eiffeltoôr'n: 't mist bekende monument in Paries.
• Louvre: een museum mi topstikk'n uut aolle tiejen, o.a. de Mona Lisa va Leonardo Da Vinci.
• Moulin Rouge: een cabaret mi snelle danseress'n die de French cancan dans'n.
• Champs Elysées: de bekendste wienkelstraete, woa da sedert 1975 ok de Tour de France ankomt.
• Notre Dame: een kerke uut de vroege gotiek. Oe bekend van Quasimodo.
• Montmartre: vroeher een plekke voe echte artist'n, noe een val voe toeristn die slechte schilderiejen koôpe.

Bestier en polletiek

De burgemeêster van Paries is sinds 2014 Anne Hidalgo, van de Parti Socialiste.

Zie ok

• Anslaegen in Parijs van november 2015
• Anslag op Charlie Hebdo

Externe verwieziengen

• Officieele website van Paries