Guam
Guam (e saozneg) pe Guåhån (e chamorro) zo un enezenn e kornôg ar Meurvor Habask, er su da Inizi Mariana an Hanternoz, dalc'het gant Stadoù-Unanet Amerika abaoe 1898. Hagåtña (a oa Agaña en amzer an drevadennerien spagnol) eo ar gêr-benn. Ar vrasañ eus Inizi Mariana eo Guam.
Ar bobl chamorro eo pobl orin Guam, degouezhet eno war-dro 4 000 bloaz zo. Dizoloet e voe er XVIvet kantved gant Fernão de Magalhães oc'h ober tro ar bed d'ar 6 a viz Meurzh 1521. E 1668 e voe savet an drevadenn gentañ gant Spagnoled hag en o zouez ar misioner katolik Padre San Vitores. E-pad ouzhpenn daou c'hant vloaz e voe un ehanlec'h e Guam evit Galionoù spagnol Manila a-raok dezho treuziñ ar Meurvor Habask bep bloaz. Betek 1898 e chomas etre daouarn ar Spagnoled, ha kemeret e voe gant ar Stadoù-Unanet e-kerzh ar Brezel 1898, etre Spagn ha SUA. Gant feur-emglev Pariz e voe roet da vat da SUA.
Rannadurioù Stadoù-Unanet Amerika | ![]() |
||||||||
---|---|---|---|---|---|---|---|---|---|
|