Mairu

Gypsies and Moors in Northern Africa (Ijitoak eta moroak Iparraldeko Afrikan) 1917ko National Geographic aldizkariaren argazkia

Artikulu hau Magrebeko musulmanei buruzkoa da; euskal mitologiako izakia gaitzat duena beste hau da: «Mairu (mitologia)»

Mairu Iparraldeko Afrikako eta, batez ere, antzinako Mauritaniako herritarrak, Al Andalusko herritar musulmanak edo, zentzu zabalean, musulman guztiak deitzeko hitza da.^[1] Zenbaitetan gutxiespenez erabili izan da.

Antzinako greziarrek eta erromatarrek antzinako Mauritaniako Erresumako herritarrei eta Mauretania Tingitana eta Mauretania Caesariensis bere probintzien herritarrei maurus (pluralean mauri) zioten eta handik Europara pasa zen; Erdi Aroan musulman guztietara (sarrazeno, agareno edo ismaelita hitzak bezala) hedatu zen eta baita beltzetara edo larruazala beltzarana zutenetara. Adibidez Ludovico Sforza condottieroak Ludovico il Moro edo Ludovico Mairua ezizena zuen.

Era berean, Al Andalus izendatzeko Mairuen lurrak esamoldea erabiltzen zuten, baita Dar al-Islam izendatzeko ere^[2].

Erreferentziak[aldatu | aldatu iturburu kodea]

↑ «Mairu», Harluxet Hiztegi Entziklopedikoa, http://www1.euskadi.net/harluxet/hiztegia1.asp?sarrera=mairu .
↑ Brentjes, Burchard (1989), Die Mauren. Der Islam in Nordafrika und Spanien (642–1800), Viena, ISBN 3-7008-0381-8 .

Wikimedia Commonsen badira fitxategi gehiago, gai hau dutenak: Mairu