Nikolas saka Myra
Nikolas saka Myra utawa sing biasa uga disebut kanthi asma Santo Nikolas iku sawijining uskup sing misuwur banget asal saka Myra.[1] Panjenengané naté dikunjara nalika pamaréntahan Kaisar Dioklesianus.[1] Nikolas iku santo pangayom Rusia, para pelaut lan bocah-bocah.[1] Ing dina péstané ing tanggal 6 Desember, panjenengané ngasta manéka hadiah kanggo bocah-bocah.[1] Santo Nikolas dikenal minangka santo sing apik atiné lan amarga saka iku dadi misuwur.[1] Ana carita ngenani panjenengané sing nulungi telu prawan kanthi maringi dhuwit supaya bisa nikah.[1][2] Amarga apik atiné, Nikolas didadèkaké wong suci.[2] Ana pihak sing mratélakaké yèn sisa-sisa jenazahé nduwèni kamampuan ngobati sacara ajaib, saéngga wusanané dicolong saka pasaréyané ing negara asalé.[2] Pituduh historis pisanan sing mesthi ngenani Nikolas ana ing gréja S. Priskus lan S. Nikolas sing diadegaké déning Kaisar Yustinianus ing Konstantinopel.[1] Pakurmatan marang santo iki nyebar lan kerangka jenazahé dipindhah menyang Bari, Italia Kidul.[1] Figur Santa Claus sing membawa hadiah pada saat Natal merupakan sekularisasi tokoh Nikolas sing sebenarnya.[1]
