2015

20. Joerhonnert | 21. Joerhonnert | 22. Joerhonnert

2010 | 2011 | 2012 | 2013 | 2014 | 2015 | 2016 | 2017 | 2018 | 2019 | 2020

---

Dës Säit befaasst sech mam Joer 2015.

Flüchtlingen um Wee a Westeuropa, ënnerwee a Slowenien (Okt. 2015).

Evenementer

Solidaritéitsmanifestatioun, de 7.1., fir d'Affer vun den Attentater zu Paräis.

Europa

• uechter d'Joer: Honnertdausende vu Flüchtlingen (1,6 Millioune bis Enn Dezember) aus de Krisegebitter ronderëm d'Europäesch Unioun froen Asyl an enger Rëtsch vu Memberlänner (dovun 1 Millioun an Däitschland) un a stellen dës viru grouss Erausfuerderungen.
• 01. Januar: Litauen gëtt Member vun der Eurozon a féiert den Euro als Währung an.
• 07. Januar: Bei engem Attentat op d'Redaktioun vun der franséischer satirescher Zeitung Charlie Hebdo zu Paräis kommen 12 Leit ëm d'Liewen. Deen Dag drop bréngt e Kompliz 3 Leit an engem jiddesche Supermarché ëm; hien, wéi och déi zwéin aner Attentäter, ginn am spéiden Nomëtte vun der Police erschoss.
• 11. Januar: 4 bis 5 Millioune Leit manifestéieren a Frankräich ënner dem Slogan Je suis Charlie hiert Matgefill mat den Attentatsaffer a fir Meenungsfräiheet, et gëtt Dosende vu ähnleche Manifestatiounen uechter d'Welt.
• 11. Januar: D'Kolinda Grabar-Kitarović gewënnt am 2. Tour vun de Presidentewalen a Kroatien.
• 25. Januar: Bei de virgezunnene Parlamentswalen a Griicheland kritt dem Alexis Tsipras seng Lénkspartei Syriza déi meescht Stëmmen; hie gëtt deen Dag drop als Premierminister an enger Koalitioun mat den nationalkonservativen Anexartiti Ellines vereedegt.
• 31. Januar: De Sergio Mattarella gëtt zum neie Staatspresident vun Italien gewielt.
• 18. Februar: De Prokopis Pavlopoulos gëtt zum neie President vu Griicheland gewielt. En trëtt säin Amt den 13. Mäerz un.
• 01. Mäerz: Dem andorranesche Premierminister Antoni Martí seng Partei Demòcrates per Andorra kritt bei de Parlamentswalen d'absolut Majoritéit.
• 01. Mäerz: Parlamentswalen an Estland.
• 12. Mäerz: Déi islännesch Regierung zitt d'Kandidatur vun hirem Land fir Member vun der Europäescher Unioun ze ginn, zréck.
• 24. Mäerz: De Kopilot vun engem Airbus A320 vun der Germanwings léisst um Fluch vu Barcelona op Düsseldorf an de franséischen Alpen de Fliger express an e Bierg knuppen; mat him stierwen all déi 149 aner Leit u Bord.
• 07. Mee: Bei de Parlamentswalen am Vereenegte Kinnekräich gewënnt d'Konservativ Partei ënner dem David Cameron d'absolut Majoritéit.
• 24. Mee: Den Andrzej Duda gewënnt d'Presidentschaftswalen a Polen. Hie gëtt de 6. August vereedegt.
• 29. Mee: No de Parlamentswale vum 17. Abrëll a Finnland gëtt de Juha Sipilä neie Premierminster.
• 05. Juni: De Raimonds Vējonis gëtt vum Parlament zum neie President vu Lettland gewielt an den 8. Juli vereedegt.
• 28. Juni: No de Parlamentswalen an Dänemark, den 18. Juni, gëtt de Lars Løkke Rasmussen als neie Premierminister vun enger minoritärer rietsliberaler Regierung vereedegt.
• 20. September: D'Syriza-Partei gewënnt op en Neits déi virgezunne Parlamentswalen a Griicheland.
• 04. Oktober: Bei de Parlamentswalen a Portugal bleift d'Mëtt-riets-Alianz Portugal à Frente vum Pedro Passos Coelho senger PSD an der CDS-PP déi Stäerkst, hat awer net d'Majoritéit am Parlament. Den 11. November entzéien d'Oppositiounsparteien als Lénksblock der Regierung d'Vertrauen, an de Coelho trëtt zréck. De 25. November gëtt de António Costa zum neie Premierminister ernannt.
• 11. Oktober: Den Alexander Lukaschenko gëtt bei de Presidentschaftswalen a Wäissrussland erëmgewielt.
• 18. Oktober: Parlamentswalen an der Schwäiz; d'SVP an d'FDP gewanne Sëtzer.
• 25. Oktober: Bei de Parlamentswalen a Polen gewënnt d'Partei Recht a Gerechtegkeet (PiS), mat der Beata Szydło un der Spëtzt, d'absolut d'Majoritéit. D'Szydło gëtt de 16. November als nei Premièreministesch vereedegt.
• 08. November: Parlamentswalen a Kroatien.
• 13. November: Bei terroristeschen Attacken zu Paräis an zu Saint-Denis (Seine-Saint-Denis) kommen 130 Leit ëm d'Liewen a ronn 350 gi blesséiert, dovun ee Véierel ganz schwéier.
• 17. November: A Rumänien gëtt de Dacian Cioloș neie Premierminister, nodeems d'Virgängerregierung no ëffentleche Protester zréckgetruede war.

Lëtzebuerg

Referendum vum 7. Juni

• 01. Januar: Den normalen TVA-Taux gëtt vu 15 % op 17 % gehéicht.
• 01. Januar: Éischt Bestietnes zu Lëtzebuerg vun enger homosexueller Koppel.
• 21. a 26. Januar: Mat enger Eenegung an der Chamber op zwou zukünfteg Verfassungsännerungen an engem Accord tëscht dem Staat a 6 Reliounsgemeinschafte gëtt d'Verhältnes tëscht Staat a Reliounen nei geregelt.
• 07. Juni: Beim Referendum iwwer de Walalter, d'Auslännerwalrecht an d'Limitatioun vu Regierungsmandater sinn eng grouss Majoritéit vun de Wieler (respektiv 80,87 %, 78,02 % an 69,93 %) dergéint, déi aktuell gëlteg Bestëmmungen z'änneren.
• 01. Juli: Lëtzebuerg iwwerhëlt turnusgeméiss bis Enn dës Joers d'Presidence vum Conseil vun der EU.
• 14. September: D'Uni Lëtzebuerg fänkt hire reguläre Betrib um Campus Belval un.
• 23. September: Mam leschte Stéck tëscht dem Waldhaff a Luerenzweiler gëtt d'Nordstrooss duerchgängeg fir de Verkéier opgemaach.

Afrika

• 17. Januar: De Jean Ravelonarivo gëtt Premierminister vu Madagaskar.
• 29. Mäerz: De Muhammadu Buhari gëtt zum President vun Nigeria gewielt; hien trëtt säin Amt den 29. Mee un.
• 27. Abrëll: Den Umar al-Baschir gëtt fir d'véiert als President vum Sudan gewielt.
• 11. Oktober: Den Alpha Condé gëtt bei de Presidentewalen a Guinea erëmgewielt.
• 25. Oktober: Den John Magufuli gewënnt d'Presidentschaftswalen an Tansania.
• 29. November: De Roch Marc Kaboré gewënnt d'Presidentschaftswalen am Burkina Faso.

Amerika

• 4. November: No de Parlamentswalen a Kanada vum 19. Oktober gëtt de Justin Trudeau neie Premierminister.

Mëttel- a Südamerika

• 16. Januar: Den Evans Paul gëtt Premierminister vun Haiti.
• 07. Juni: Bei de Parlamentswalen a Mexiko krut d'Regierungspartei Partido Revolucionario Institucional vum President Enrique Peña Nieto déi meeschte Stëmmen.
• 03. September: Nom Récktrëtt vum Otto Pérez Molina gëtt den Alejandro Maldonado Aguirre als Staatspresident vu Guatemala vereedegt.
• 6. September/25. Oktober: Parlaments- a Presidentschaftswalen a Guatemala.
• 22. November: De Mauricio Macri gewënnt am 2. Tour Presidentschaftswalen an Argentinien (gläichzäiteg ware Parlamentswalen).
• 25. Oktober/27. Dezember: Parlaments- a Presidentschaftswalen an Haiti.

Asien

• 08. Januar: De Maithripala Sirisena gewënnt d'Presidentewalen a Sri Lanka, hie gëtt deen Dag drop vereedegt.
• 25. Abrëll: Bei engem Äerdbiewe vun enger Stäerkt vu 7,8 am Himalaya, an e puer Nobiewen déi Deeg drop, kommen iwwer 8.600 Mënschen ëm d'Liewen, déi meescht am Nepal.
• 26. Abrëll: Den Nursultan Nasarbajew gëtt fir d'Sechst zum President vu Kasachstan erëmgewielt.
• 07. Juni: Bei der Parlamentswal an der Tierkei huet d'AKP-Partei vum President Erdoğan hir absolut Parlamentsmajoritéit verluer. Well et zu kenger Koalitioun koum, waren den 1. November Neiwalen, bei deenen d'AKP d'absolut Majoritéit erëmkrut.
• 10. Oktoberː Op d'mannst 102 Doudeger a ronn 500 Blesséierter bei engem duebele Bommenattentat an der tierkescher Haaptstad Ankara.
• 28. Oktober: D'Bidhya Devi Bhandari gëtt Presidentin vun Nepal.
• 01. November: Parlamentswalen an Aserbaidschan.
• 08. November: Parlamentswalen a Myanmar.
• 30. Dezember: De Giorgi Kvirikashvili gëtt neie Premierminister a Georgien.

Ozeanien & Pazifik

• 15. September: Nom Récktrëtt vum Tony Abbott gëtt de Malcolm Turnbull neie Premierminister an Australien.

Arabesch Welt an Noen Osten

• 23. Januar: Nom Doud vu sengem Hallefbrudder Abdullah gëtt de Salman ibn Abd al-Aziz Kinnek vu Saudi-Arabien.
• 06. Februar: Dem neien tunesesche Premierminister Habib Essid seng Regierung gëtt vereedegt.
• 21. Mäerz: Dem Ministerpresident Benjamin Netanjahu seng Likud-Partei gewënnt d'Parlamentswalen an Israel. De 6. Mee kënnt et zu enger Koalitiounsregierung vu Likud an e puer méi klenge rietskonservativ-reliéise Parteien.
• 20. Mäerz No enger Attack op zwou schiitesch Moscheeën am Jemen, bei där et ronn 150 Doudeger gouf, kënnt et zu enger Revolt vun de schiiteschen Huthi-Rebellen, de President Abed Rabbo Mansur Hadi flücht de 25. Mäerz aus dem Land.
• An der Nuecht op den 19. Abrëll geet e Schëff am Mëttelmier ënner, dat mat Flüchtlingen u Bord vu Libyen ënnerwee an Italien war; ëm déi 800 Leit stierwen, just 28 konnte gerett ginn.
• 24. September: Iwwer dausend Doudeger bei der Haddsch zu Mina, bei Mekka, wou et zu engem Mënschegewulls kënnt.
• 18. Oktober: Parlamentswalen an Egypten.
• 31. Oktober: De Fluch 9268 vun der russescher Metrojet fällt an Egypten wéinst der Explosioun vun enger Bomm u Bord erof; 224 Doudeger.

Konscht a Kultur

• Plzeň a Mons sinn Europäesch Kulturhaaptstied.

Literatur

• Servais-Präis fir dem Roland Meyer säi Roman Roughmix.
• 1. Präis am Nationale Literaturconcours (Gedichter) fir de Florent Toniell.

Kino

• César fir de beschte Film: Timbuktu vum Abderrahmane Sissako.
• Oscar fir de beschte Film: Birdman vum Alejandro González Iñárritu.
• Gëlle Palm fir de beschte Film: Dheepan vum Jacques Audiard.

Lëtzebuerg

• Première vun: Mammejong (28.1.), Les brigands (1.3.), Baby (a)lone (8.3.), Faustino One Man Show (17.3.), Buffalo C. Wayne (22.4.), Eng nei Zäit (14.10.), Mos Stellarium (11.11.), ...

Economie

De Pluto, den 13. Juli vun der Sond New Horizons geknipst.

• 12. Dezember : 195 Länner eenege sech op der UN-Klimakonferenz 2015 (COP 21) iwwer en Ofkommes iwwer Klimapolitik.

Wëssenschaft an Technik

• 11. Februar: Den IXV, déi éischt Mini-Raumnavette vun der ESA, gëtt mat der Drorakéit Vega op Orbit geschoss a lant duerno am Pazifeschen Ozean.
• 14. Juli: Néng an en halleft Joer, nodeems se d'Äerd verlooss hat, flitt déi amerikanesch Raumsond New Horizons laanscht den Zwergplanéit Pluto a säi Mound Charon a schéckt Biller op d'Äerd.

Sport

• 26. Juli: De Chris Froome gewënnt den Tour de France.
• 25. Juli bis 2. August: Special Olympics World Games zu Los Angeles a Kalifornien

Lëtzebuerg

• 27. Mäerz: Déi lëtzebuergesch Foussballnationalequipe verléiert zu Žilina (Slowakei) am Kader vun der Qualifikatioun fir d'Foussball-Europameeschterschaft 2016, 0:3 géint d'Slowakei.
• 31. Mäerz: Déi lëtzebuergesch Foussballnationalequipe verléiert am Stade Josy Barthel an engem Frëndschaftsmatch zu Lëtzebuerg 1:2 géint Tierkei. De Gol fir d'Lëtzebuerger huet de Mario Mutsch geschoss.
• 09. Juni: Déi lëtzebuergesch Foussballnationalequipe spillt am Stade Josy Barthel an engem Frëndschaftsmatch zu Lëtzebuerg 0:0 géint Moldawien.
• 14. Juni: Déi lëtzebuergesch Foussballnationalequipe verléiert zu Lviv am Kader vun der Qualifikatioun fir d'Foussball-Europameeschterschaft 2016, 0:3 géint d'Ukrain.
• 05. September: Déi lëtzebuergesch Foussballnationalequipe gewënnt an der Stad Lëtzebuerg am Kader vun der Qualifikatioun fir d'Foussball-Europameeschterschaft 2016, 1:0 géint Mazedonien. De Sébastien Thill huet de Gol geschoss.
• 08. September: Déi lëtzebuergesch Foussballnationalequipe verléiert zu Barysaw am Kader vun der Qualifikatioun fir d'Foussball-Europameeschterschaft 2016, 0:2 géint Wäissrussland.
• 09. Oktober: Déi lëtzebuergesch Foussballnationalequipe verléiert zu Logroño am Kader vun der Qualifikatioun fir d'Foussball-Europameeschterschaft 2016, 0:4 géint Spuenien.
• 12. Oktober: Déi lëtzebuergesch Foussballnationalequipe verléiert am Stade Josy Barthel am Kader vun der Qualifikatioun fir d'Foussball-Europameeschterschaft 2016, 2:4 géint d'Slowakei. D''Goler fir Lëtzebuerg hunn de Mario Mutsch an de Lars Gerson geschoss.
• 13. November:Déi lëtzebuergesch Foussballnationalequipe gewënnt am Stade Josy Barthel an engem Frëndschaftsmatch 1:0 géint Griicheland. De Gol fir d'Lëtzebuerger huet den Aurélien Joachim geschoss.
• 17. November:Déi lëtzebuergesch Foussballnationalequipe verléiert am Stade Josy Barthel an engem Frëndschaftsmatch 0:2 géint Portugal.

Gestuerwen

• 07. Januar: Cabu, Charb, Honoré, Tignous a Wolinski, Zeechner a Journaliste bei der Zäitschrëft Charlie Hebdo.
• 07. Januar: Bernard Maris, franséischen Economist a Journalist.
• 08. Januar: Marc Olinger, lëtzebuergesche Schauspiller a Regisseur.
• 08. Januar: Rod Taylor, australesche Schauspiller.
• 09. Januar: Józef Oleksy, polnesche Politiker.
• 10. Januar: Francesco Rosi, italienesche Filmregisseur.
• 11. Januar: Anita Ekberg, schwedesch Schauspillerin.
• 23. Januar: Abdullah ibn Abd al-Aziz, Kinnek vu Saudi-Arabien.
• 24. Januar: Alphonse Deloos, lëtzebuergesche Karikaturist.
• 24. Januar: Demis Roussos, griichesche Sänger.
• 27. Januar: Charles Hard Townes, US-amerikanesche Physiker an Nobelpräisdréier.
• 28. Januar: Yves Chauvin, franséische Chemiker an Nobelpräisdréier.
• 28. Januar: Alphonse Halleux, belsche Moler.
• 30. Januar: Jeliu Jelew, bulgaresche Politiker a Staatspresident.
• 30. Januar: Carl Djerassi, US-amerikanesch-éisträicheschen a bulgaresche Chemiker.
• 31. Januar: Richard von Weizsäcker, däitsche Politiker a sechsten däitsche Bundespresident.
• 05. Februar: Val Fitch, US-amerikanesche Physiker.
• 06. Februar: Assia Djebar, algeresch Historikerin a Schrëftstellerin.
• 11. Februar: Roger Hanin, franséische Schauspiller a Regisseur.
• 14. Februar: Michele Ferrero, italieneschen Entrepreneur.
• 14. Februar: Louis Jourdan, franséische Schauspiller.
• 18. Februar: Claude Criquielion, belsche Vëlossportler.
• 27. Februar: Boris Nemzow, russesche Politiker.
• 27. Februar: Leonard Nimoy, US-amerikanesche Schauspiller.
• 28. Februar: Marc Meyer, lëtzebuergeschen Zoolog.
• 02. Mäerz: Joseph Kohnen, lëtzebuergesche Philolog.
• 09. Mäerz: Frei Otto, däitschen Architekt.
• 12. Mäerz: Terry Pratchett, englesche Schrëftsteller.
• 20. Mäerz: François Schlechter, lëtzebuergesche Ringer.
• 23. Mäerz: Lee Kuan Yew, singapuresche Politiker.
• 26. Mäerz: Tomas Tranströmer, schwedeschen Dichter.
• 27. Mäerz: Rik Battaglia, italienesche Schauspiller.
• 28. Mäerz: Gene Saks, US-amerikanesche Schauspiller a Regisseur.
• 30. Mäerz: Helmut Dietl, däitsche Filmregisseur an Dréibuchauteur.
• 02. Abrëll: Manoel de Oliveira, portugisesche Filmregisseur an Dréibuchauteur.
• 03. Abrëll: Thierry Origer, lëtzebuergesche Reliounswëssenschaftler an Organist.
• 05. Abrëll: Othon Scholer, lëtzebuergesche Philolog, Professer an Auteur.
• 13. Abrëll: Eduardo Galeano, uruguayesche Schrëftsteller.
• 13. Abrëll: Günter Grass, däitsche Schrëftsteller.
• 14. Abrëll: Anne-Marie Peysson, franséisch Journalistin a Speakerin.
• 14. Abrëll: Percy Sledge, US-amerikanesche Soul-Sänger.
• 16. Abrëll: Stanislav Gross, tschechesche Politiker.
• 20. Abrëll: Richard Anthony, franséische Sänger.
• 28. Abrëll: René Féret, franséische Schauspiller, Dréibuchauteur a Filmregisseur.
• 30. Abrëll: Ben E. King, US-amerikanesche Sänger.
• 30. Abrëll: Patachou, franséisch Sängerin a Schauspillerin.
• 02. Mee: Ruth Rendell, englesch Schrëftstellerin.
• 07. Mee: Thomas Engel, däitsche Filmregisseur an Dréibuchauteur.
• 14. Mee: B. B. King, US-amerikanesche Museker.
• 15. Mee: Willy Hagara, éistreichesche Schlagersänger a Schauspiller.
• 20. Mee: Colette Wark-Hoffmann, lëtzebuergesch Sängerin
• 23. Mee: John Nash, US-amerikanesche Mathematiker an Nobelpräisdréier.
• 29. Mee: Doris Hart, US-amerikanesch Tennisspillerin.
• 02. Juni: Alberto De Martino, italienesche Filmregisseur an Dréibuchauteur.
• 04. Juni: Edith Hancke, däitsch Schauspillerin.
• 05. Juni: Tariq Aziz, irakesche Politiker.
• 06. Juni: Pierre Brice, franséische Schauspiller.
• 06. Juni: Richard Johnson, englesche Schauspiller a Filmproduzent
• 07. Juni: Christopher Lee, britesche Schauspiller.
• 09. Juni: James Last, däitsche Komponist a Bandleader.
• 10. Juni: Robert Thill, lëtzebuergesche Germanist.
• 11. Juni: Ornette Coleman, US-amerikaneschen Jazzmuseker.
• 15. Juni: Harry Rowohlt, däitschen Auteur, Iwwersetzer a Schauspiller.
• 16. Juni: Süleyman Demirel, tierkesche Politiker.
• 16. Juni: Jean Vautrin, franséischen Auteur a Filmregisseur.
• 21. Juni: Laura Antonelli, italienesch Schauspillerin.
• 22. Juni: James Horner, US-amerikanesche Komponist.
• 23. Juni: Helmuth Lohner, éisträichesche Schauspiller.
• 23. Juni: Magali Noël, franséisch Schauspillerin.
• 23. Juni: Charles Waringo, lëtzebuergesche Lokalpolitiker an Auteur.
• 25. Juni: Patrick Macnee, englesch-US-amerikanesche Schauspiller.
• 28. Juni: Dietrich Haugk, däitsche Filmregisseur an Dréibuchauteur.
• 29. Juni: Charles Pasqua, franséische Politiker.
• 01. Juli: Sergio Sollima, italienesche Filmregisseur an Dréibuchauteur.
• 03. Juli: Jacques Sernas, franséische Schauspiller.
• 06. Juli: Jerry Weintraub, US-amerikanesche Filmproduzent.
• 07. Juli: Bako Dagnon, malesch Sängerin.
• 08. Juli: André Zirves, lëtzebuergesche Politiker.
• 09. Juli: Saud ibn Faisal, saudesche Politiker.
• 10. Juli: Omar Sharif, egyptesche Schauspiller.
• 11. Juli: Satoru Iwata, japanesche Videospillentwéckler a Firmechef.
• 11. Juli: François Schortgen, lëtzebuergesche Moler.
• 14. Juli: Wolf Gremm, däitsche Filmregisseur an Dréibuchauteur.
• 22. Juli: Natasha Parry, englesch Schauspillerin.
• 27. Juli: A. P. J. Abdul Kalam, indesche Wëssenschaftler a Staatspresident.
• 02. August: Jacques Navadic, franséische Journalist.
• 13. August: Pierre Jansen, franséische Komponist.
• 15. August: Max Greger, däitsche Bigband-Leader.
• 20. August: Egon Bahr, däitsche Politiker.
• 26. August: Raymond Chirat, franséische Filmhistoriker.
• 30. August: Wes Craven, US-amerikanesche Regisseur.
• 01. September: Dean Jones, US-amerikanesche Schauspiller.
• 04. September: Sylvie Joly, franséisch Schauspillerin.
• 10. September: Franco Interlenghi, italienesche Schauspiller.
• 16. September: Guy Béart, franséische Sänger a Komponist.
• 19. September: Edouard Molitor, lëtzebuergeschen Diplomat.
• 27. September: John Guillermin, englesche Filmregisseur an Dréibuchauteur.
• 29. September: Hellmuth Karasek, däitschen Auteur, Journalist, Film- a Literaturkritiker.
• 05. Oktober: Chantal Akerman, belsch Filmregisseurin, Dréibuchautorin a Schauspillerin.
• 05. Oktober: Henning Mankell, schwedeschen Theaterregisseur an Auteur.
• 06. Oktober: Árpád Göncz, ongresche Schrëftsteller a Politiker.
• 10. Oktoberː Hilla Becher, däitsch Fotografin.
• 12. Oktober: Joan Leslie, US-amerikanesch Schauspillerin.
• 17. Oktober: Danièle Delorme, franséisch Schauspillerin.
• 24. Oktober: Maureen O'Hara, iresch-US-amerikanesch Schauspillerin.
• 01. November: Günter Schabowski, DDR-Politiker.
• 03. November: Roger Michel Erasmy, lëtzebuergeschen Auteur.
• 04. November: René Girard, franséische Kulturanthropolog a Reliounsphilosoph.
• 05. November: Hans Mommsen, däitschen Historiker.
• 06. November: Fons Kontz, lëtzebuergesche Sänger, Schauspiller, Theaterregisseur an Auteur vun Theaterstécker.
• 06. November: Horst Keitel, däitsche Schauspiller.
• 10. November: André Glucksmann, franséische Philosoph.
• 10. November: Helmut Schmidt, däitsche Politiker.
• 15. November: Dora Doll, franséisch Schauspillerin.
• 15. November: Nicoletta Machiavelli, italienesch Schauspillerin.
• 15. November: Moira Orfei, italienesch Zirkusdirektesch a Schauspillerin.
• 18. November: Jonah Lomu, neiséilännesche Rugbyspiller.
• 20. November: Lex Jacoby, lëtzebuergesche Schrëftsteller.
• 22. November: Kim Young-sam, südkoreanesche Politiker.
• 24. November: Henri Rodesch, lëtzebuergesche Schoulmeeschter, Museksprofesser a Politiker.
• 02. Dezember: Gabriele Ferzetti, italienesche Schauspiller.
• 04. Dezember: Robert Loggia, US-amerikanesche Schauspiller.
• 10. Dezember: Denis Héroux, kanadesche Filmregisseur a Filmproduzent.
• 14. Dezember: Luke Haas, lëtzebuergesche Rockmuseker an Auteur.
• 19. Dezember: Kurt Masur, däitschen Dirigent.
• 23. Dezember: Jean-Marie Pelt, franséische Pharmakolog, Biolog, Botaniker, Ökolog, Auteur a Politiker.
• 28. Dezember: Lemmy Kilmister, Sänger a Bassist vu Motörhead.
• 31. Dezember: Natalie Cole, US-amerikanesch Sängerin.

Um Spaweck

Commons: 2015 – Biller, Videoen oder Audiodateien