Lingui di Hispania
De Wikipedio
En Hispania diversa lingui parolesas. La Hispaniana, focala linguo en l'omna lando, esas matrala linguo predominacanta en preske omna autonoma komunesi. Sis de la 17 autonoma komunesi havas altra kooficala linguo. Bilingueso en diferanta gradi e diferanta komunikativa situesi inter la Hispaniana e l'altra linguo esas habituala praktiko da multa Hispani qui vivas en ula di autonoma komunesi.
Sequn inquesto de la yaro 2005, Hispaniana esas matrala linguo por 89% de la Hispaniani, Kataluniana, por 9%; Galisiana por 5% e la Baskiana, por 1%, dum ke 3% havus exterlanda matrala linguo. Ecepta la Baskiana, qua esas izolata linguo, omna linguo di Hispania apartenas al latinida lingui, brancho di l'Indo-Europana linguaro.
