Wikipedia:Ayuda

Como editar un artículu

Ver tamién Ayuda:Conteníos

Si l'artículu ya esiste, nun tienes más que da-y al botón d'enriba "Editar esta páxina" p'añader nueva información o iguar erros (seyan enciclopédicos o simplemente gramaticales o de léxicu). Ye perimportante qu'enantes de da-y a "Grabar páxina" uses "Previsualizar" (abaxo) pa tar seguru que lo ficisti bien.

Pa crear un artículu nuevu pues dir a un enllaz encarnáu, si nun lu hai lo más cenciello ye dir a la Portada: nel apartáu Comunidá tienes a lo primero un recuadru au pues escribir el nome del nuevu artículu, dándo-y al botón d'embaxo que diz Crear artículu yá pues entamar a escribir el conteníu.

Como poner una imaxe

Por torgues colos drechos d'autor lo meyor sedrá copiar d'otres wikis: Copies la semeya al to discu duru, camudes-y el nome si ye necesario, equí das-y a "Xubir" (na izquierda) y apaecerate un testu n'inglés: El botón Examinar abre una ventana a la to unidá, escueyes la semeya ya firmes la non violación de los drechos d'autor. Pa que la imaxe apaezca nel artículu tien que tener esti formatu (ente corchetes [[ ]]): Archivu:exemplu.jpg. Jpg ye lo normal magar que delles son .png (los dibuxos).

El meyor sitiu p'atopar semeyes llibres ye en Commons. La forma d'usales ye igual que si tuvieren xubíes equí. Amás, ye recomendable que les d'equí se xuban ellí, asina puen ser usaes en toles uiquis.

Cómo amestar una partitura

Puen amestase partitures musicales usando l'elementu <score> </score>, ver Extension:Score:

Escribiendo esto:

<score>\relative c' { f d f a d f e d cis a cis e aes g f e }</score>

apaecerá esto:

Más exemplos na documentación de LilyPond.

Amás del sistema d'escritura Lilypond, tamién ye posible usar el sistema ABC. Amestando vorbis=1 na etiqueta score, ye posible nos dos casos ufrir el soníu de la partitura como nel siguiente exemplu: (Esti exemplu usa la escritura ABC)

<score lang="ABC" vorbis=1> X:1 T:The Legacy Jig M:6/8 L:1/8 R:jig K:G GFG BAB | gfg gab | GFG BAB | d2A AFD | GFG BAB | gfg gab | age edB |1 dBA AFD :|2 dBA ABd |: efe edB | dBA ABd | efe edB | gdB ABd | efe edB | d2d def | gfe edB |1 dBA ABd :|2 dBA AFD |] </score>