Uni Emirat Arab

الإمارات العربيّة المتّحدة Al-Imārāt al-‘Arabīyah al-Muttahidah
Motto: —
Lagu kabangsan: Tahiat Alalam
Ibu kutha and largest city		Abu Dhabi
Basa resmi		Arab
Pamaréntahan		Monarki konstitusional
Kamardikan
-	Banyu (%)	bisa dilirwakaké
Pedunung
-	2005 estimate	2.563.212 (136)
-	- census	-
PDB (KKB)		2005 estimate
-	Total	US$103,5 miliar (56)
-	Per capita	US$23.818 (30)
Valuta		Dirham (AED)
Zona wektu		(UTC+4)
-	Summer (DST)	(UTC+4)
Kodhe tilpun		971
Internet TLD		.ae

Uni Emirat Arab (dicekak UEA) iku sawijining negara persatuan saka pitung emirat sing sugih lenga patra. Pitung emirat iki yakuwi: Abu Dhabi, Ajman, Dubai, Fujairah, Ras al-Khaimah, Sharjah lan Umm al-Qaiwain.

Sajarah

Negara-negara bagéan (luwih dikenal minangka emirat) ing sadawaning pesisir pantai Teluk Persia mènèhaké hak pertahanan lan urusan njaba marang Krajaan Britania Raya ing abad kasangalas. Ing taun 1971, enem saka negara-negara bagéan iki - Abu Dhabi, Ajman, Fujairah, Sharjah, Dubai, lan Umm al-Qaiwain - gabung kanggo ngadegaké Uni Emirat Arab. Taun 1972, Ras al-Khaimah mèlu gabung.

Pulitik

Majelis Agung dumadi saka pemerintah-pemerintah pitung negara bagéan. Jabatan Presidhèn lan Wakil Presidhèn dilantik déning Majelis Agung saben limang taun. Majelis Agung uga nglantik barisan kabinèt, sawetara kuwi Majelis Federasi Kabangsan sing nduwèni anggota 40 wong saka kapitu negara bagéan nliti lan ngrembug undhang-undhang sing dianut. Ana siji sistem mahkamah pasekuton; kabèh negara bagéan kajaba Dubai lan Ras al-Khaimah wis mèlu sistem pasekuton iki; kabèh negeri nduwèni undhang-undhang sekular lan Islam kanggo kasus-kasus sipil, kajahatan, lan mahkamah tinggi.

Sheikh Zayed bin Sultan Al Nahyan minangka Presidhèn kesatuan iki wiwit madegé nganti séda tkaping 2 November 2004. Anak lanangé, Khalifa bin Zayed Al Nahayan dilantik dadi presidhèn dina ésuké.

Ekonomi

Kasugihan Uni Emirat Arab asal saka kasil lenga patra yaiku 33% saka GDP negara iku. Emirat Arab kuwi negara pangasil lenga paling gedhé katelu ing kawasan teluk sawisé Arab Saudi lan Iran. Wiwit 1973, Uni Emirat Arab wis ngalami owah-owahan saka negara cilik sing dumunung ing segara wedhi dadi negara modhèrn kanthi taraf kauripan sing dhuwur.

Wilayah

Emirat Arab dumadi saka 7 negara bagéan:

• Abu Dhabi
• Ajman
• Dubai
• Fujairah
• Ras al-Khaimah
• Sharjah
• Umm al-Quwain

Geografi

Uni Emirat Arab dumunung ing kidul kulon Asia lan diubengi Teluk Oman lan Teluk Persia ing antara Oman lan Arab Saudi. Negara iki dumadi saka dataran siang garing lan segara wedhi sing jembar kanthi gunung-gunung ing sisih wétan. Dunungé kang strategis andadèkaké papan ampiran ekspor lan impor lenga donya.

Perjanjèn tapelwates antara Uni Emirat Arab lan Arab Saudi ing taun 1974 lan 1977 ora naté disebaraké marang umum. Amarga saka kuwi tapel wates sing persis mung diweruhi déning pemerintah kaloro negara mau.

Demografi

Emirat Arab nduwèni pedunung 4 yuta jiwa lan 1,6 juta jiwa sing dudu warganegara - 50% saka kuwi asal saka Asia Kidul. Masarakat pribumi akèh-akèhé asal saka katurunan Persia. Tingkat tuwuhing pedunung luwih sithik katimbang negara-negara tanggané. Mèh kabèh rakyat ing Uni Emirat Arab Muslim. Watara 80% pedunung bisa maca lan nulis.

Kabudayan

Uni Emirat Arab nduwèni hubungan sing cukup kuwat karo masarakat Arab liya ing saindhenging donya. Pemerintah njaga unsur-unsur tradhisional jroning kasenian lan kebudayan liwat anané Yayasan Kabudayan Abu Dhabi.

Delengen uga

• Daftar negara

Pranala jaba

Wikimedia Commons gadhah galeri bab:

Uni Emirat Arab

   Pirsani pandhuan wisata Uni Emirat Arab ing Wikivoyage

• (en) Portal resmi
• (en) UAE pages
• (en) AseanNewsNetwork - UAE
• Panduan ke Uni Emirat Arab