Irland

Dä Artikel behandlet d Republik Irland, d Insle isch unter Irland (Insel) z finde, für d Provinz Nordirland muess dort go luege.

Éire (irisch) Ireland (engl.) Irland
Fahne Wappe
Amtspraach	Irisch, Englisch
Hauptschtadt	Dublin (ir. Baile Átha Cliath)
Schtaatsform	Parlamentarischi Republik
Regierigssyschtem	Parlamentarischi Demokratii
Schtaatsoberhaupt	Bresidänt Michael D. Higgins
Regierigschef	Ministerbresidänt (Taoiseach) Enda Kenny
Flächi	70.182 km²
Iiwohnerzahl	4.595.000 (2013)
Bevölkerigsdichti	65 Iiwohner pro km²
Bruttoinlandsprodukt Total (nominal) Total (KKP) BIP/Einw. (nominal) BIP/Einw. (KKP)	2011 $ 217,6 Milliarde $ 181,5 Milliarde $ 47.513 $ 39.639
Human Development Index	▲ 0,916(6.) (2014)
Währig	Euro (EUR)
Unabhängigkeit	6. Dezämber 1921 (vom Vereinigte Königriich)
Nationalhymne	Amhrán na bhFiann
Nationalfiirtig	17. Merz (St. Patrick’s Day)
Zitzone	UTC±0 UTC+1 (Merz bis Oktober)
Kfz-Kennzeiche	IRL
ISO 3166	IE, IRL, 372
Internet-TLD	.ie
Vorwahl	+353

Ladys View in County Kerry

Irland (amtlechi dütschi Name, irisch Éire [ˈeːrʲə], engl. Ireland), oft au Republik Irland (irisch Poblacht na hÉireann, engl. Republic of Ireland) isch en Inselstaat uf de Insle Irland. Er grenzt im Norde a Nordirland, wo zum Vereinigte Königriich vo Großbritannie und Nordirland ghört, und isch im Oschte vo de Irische See und im Weschte un Süde vom Atlantik umgä. Irland isch Mitgliid vo de Europäische Union. De Grossteil vo de Bevölkerig isch katholisch.

Wirtschaft

Allgemeins

Irland, früener s "Armehus" vo de damalige EG, isch im Jahr 2005 eis vo de riichste Länder weltwit. Jahrelang hets es starchs Wachstum gäh. S inflationsbereinigte Pro-Chopf-Iikomme z Irland isch in de EU uf em zweite Platz noch Luxemburg gsi, was aber nid ganz dr Wirkligkäit entsproche het, sondern wäge finanzielle Drick z hooch isch. Irland isch weg sinere guete wirtschaftliche Entwicklig au keltische Tiger gnennt worde. Weg em gsetzlich festgleite Mindeschtlohn isch s monatliche Iikomme bi Vollzitagstellte bi mindischtens 1'183 Euro glääge. De Stüürsatz für Unternähme isch gsenkt worde uf numme 12,5 %.

D Finanzkrise, wo 2007 usbroche isch, het Irland bsundrigs hert droffe. Die irisch Wirtschaft isch im Usland seer stark verschuldet gsi. D Rezession, wo die konserwativi irischi Regierig mit ere Austeritäätspolitik het welle beände, isch erst 2013/14 ume gsi, wo s BIP wider het afo waggse. D Arbetsloosekwoote, wo bis 2007 öbbe fümf Brozänt hooch gsi isch, isch 2012 uf 14,7 Brozänt gstiige und isch vo denn aa wider gfalle.

S git es grosses wirtschaftlichs Gfäll zwüsche de grosse Zentre (Dublin, Limerick, Cork) uf de einte Site un de ländliche Gebiet uf de andere.