Ares
Ares (oidgr. : Ἄρης) is in da griachischn Mythologie da God vom Kriag. Ea representiat in rein negativn Aspekt vom Kriag, wia rohe Gwoit, Massaka und Gemetzl. Im Untaschied dazua steht de Geddin Athene fia Kriagslist und fias Hejdndum. Da Ares is oana vo de zwejf olympischn Gedda. Ba de Rema hod a Mars ghoassn und hod ba dena a gressas Osegn ghobt.
Mythos[VE | Weakln]
Da Ares is da Bua vom Zeus und vo da Hera. Damit hod a za de Haptgedda gheat. Ea wor oba ba de andan Gedda und ba de Griachn ned sea beliabt, wei a z aggressiv, grausam und bluadrinsti woa. Oba aa wen a vaochtet worn is, wor a fia de Griachn a Symboi vo Monakroft und Monascheenheit. Deswegn is koa Zuafoi, dass a a Gspusi mit da Geddin vo da Liab Aphrodite ghobt hod, de wo mitn Hephaistos vaheirat gwen is. Dea hod de zwoa in flagranti mit an Netz gfanga und dena olympischn Gedda vorgfiat. De hom si oba ned afgregt, sundan in Hephaistos ohne End ausglocht (sog. olympisches, unstuibors Locha).
Im Trojanischn Kriag hod a af da Seitn vo de Trojana kempft, is oba vawundet worn und hod si zruckziagn miassn. Dena Amazonen is nochgsogt worn, dass a eana Stammvoda gwen warad.
Im Netz[VE | Weakln]
![Commons](http://web.archive.org./web/20161005031956im_/https://upload.wikimedia.org/wikipedia/commons/thumb/4/4a/Commons-logo.svg/12px-Commons-logo.svg.png)